Bienzedi 18:12 - MUKANDA WA MYIDI MUKULU

¹² Pavua Ngaliyone muena Rome mupete muanzu wa mulombodi wa buloba bua Akaya, bena Yuda kumyuangana bua kuluisha Polu. Kumukuatabu, kuya nende ku tshilumbuluilu,

Mukanda wa Nzambi Dihungila Dikulukulu ne Dihungila Dihia-dihia 2003

¹² Hakadi Galio muloho munene mu luseke lua Akaya, Bena Yuda bakabika diatshimue, bakatantamena Paulo, bakalua nʼandi ku tshilumbuluidi,

Bienzedi 18:12 交叉引用

Bienzedi 18:27

Pashishe Apolose uvua musue kuya mu Akaya. Bena ditaba kumukolesha ku muoyi bua ayemu. Kufundilabu bena ditaba ba mu buloba abu, bua bamuakidile bimpe. Yeye mumane kufika mu Akaya, kuambuluishaye bikole bantu bakavua bamane kuitaba ku luse lua Mvidi Mukulu.

Bienzedi 13:50

Kadi bena Yuda kusonsola bakaji ba baneme bavua bamane kubuela mu Tshisumbu tshia bena ditaba ba bena Yuda, ne balombodi ba tshimenga, bua bakebele Polu ne Barnabase mvita. Nanku kubipatabu mu ditunga diabu.

Bienzedi 13:7

Uvua usomba kua Serjiyuse Polu, muntu wa lungenyi, uvua ulombola tshidila atshi. Serjiyuse kubikidisha Barnabase ne Polu, bualu uvua ujinga kumvua muaku wa Mvidi Mukulu.

2 Korente 11:10

Mu dina dia bulelela bua Kristu budi munda muanyi, ndi mujadike ne: muntu nansha umue mu ditunga dijima dia Akaya, kena mua kunnyenga lumu luanyi elu.

2 Korente 9:2

Bualu ndi mumanye munudi basue kuambuluisha. Ke mumvua muditambishe bualu buenu, ngambila bena Masedoniya ne: “Bana hetu ba mu Akaya bakadi babange kusangisha bintu kukadi tshidimu tshijima.” Nanku disuminyina dienu divua disonsola ba bungi ba kudibu.

2 Korente 1:1

Meme Polu, uvua Mvidi Mukulu musungule, bua ngikale mupostolu wa Yezu Kristu, pamue ne muanetu Timote, tudi mfundila Tshisumbu tshia bena ditaba badi mu Korente, ne bonsu bena tshisamba tshia Mvidi Mukulu badi basomba mu ditunga dijima dia Akaya, mukanda ewu.

1 Korente 16:15

Nudi bamanye Stefanaze, ne ba mu nzubu muende. Bobu ke bantu ba kumpala mu Akaya bavua bitabe, bakuatshile Tshisumbu tshia bena ditaba nabu mudimu. Bana hetu, ndi nnulomba ne:

Rome 15:26

Bualu bena ditaba ba mu Masedoniya ne ba mu Akaya bavua bapangadika bua kusangisha makuta, bua kuambuluisha bakengi ba mu Tshisumbu tshia bena ditaba badi mu Yerushalayime.

Bienzedi 25:10

Polu kuandamuna ne: — Ndi ku tshilumbuluilu kua Kezare. Ke kudibu ne bua kundumbuluisha. Wewe mene udi mumanye bimpe ne: tshiena muenzele bena Yuda bibi nansha kakese.

Bienzedi 17:13

Kadi bena Yuda ba mu Tesalonike, bumvua ne: Polu udi ulongesha muaku wa Mvidi Mukulu mu Bereya kabidi, kufikabu mu tshimenga atshi, bua kusonsola bantu, bua bajule mutoyi.

Bienzedi 14:19

Bena Yuda ba mu Antiyokiya wa mu Pisidiya, ne ba mu Ikoniyume, kufika. Kuenzejabu bantu, bua batue ku tshiabu. Nanku bantu kuasa Polu mabue, kukeba kumushipa. Pashishe kumupulumunabu, kupatuka nende mu tshimenga, bamanye ne: mmufue.

Bienzedi 14:2

Kadi bena Yuda bakuabu bavua babenga kuitaba, kusonsolabu bantu ba bisamba bikuabu, bua baluishe bana betu abu.

Matayi 27:19

Pavua Pilate mu kabadi ulumbuluisha, mukajende kumutumina mukenji ne: “Kubuelakanyi mu tshilumbu tshia muntu udi kayi ne bualu awu. Bualu butuku bua lelu, ndi mukenge bikole mu tshilota bualu buende.”

Yakobe 2:6

Kadi nuenu nudi nupetula bapele! Badi banukengesha, banufila miaba idibu balambuluisha bantu, ki mbena biuma anyi?

Rome 16:5

Elayi kabidi bena ditaba badi basangile kumbelu kuabu muoyi. Elayi Epayinete, mulunda wanyi musuibue, muoyi. Yeye ke muntu wa kumpala wa mu buloba bua Aziya uvua muitabe Kristu.

Bienzedi 17:5

Kadi bena Yuda bavua ne tshiiji tshipite. Kusangishabu bena buenzayi bavua bendakana mu misesu. Kujulabu nabu tshimvundu munkatshi mua bantu mu tshimenga tshijima. Kuyabu bonsu ku nzubu kua Yazone, bakeba Polu ne Silase, bua kuya kubalumbuisha kumpala kua bantu.

Bienzedi 13:12

Mulombodi wa tshidila umona bivua bienzeka abi, kuitabaye. Bivuabu bamulongesha bualu bua Mfumu, bivua bimutua ku muoyi bikole.

Yowanane 19:13

Pilate umvua nanku, kupatulaye Yezu pambelu. Kusombaye mu nkuasa wa bundumbulula, muaba uvuabu binyika ne: “Muaba mulamika mabue.” (Mu buena ebrewu badi bawinyika ne: “Ngabata”).

Bienzedi 13:8

Kadi Elimase (ke mudibu bandamuna dina diende mu tshiena ngreke nanku), muena dialu awu, uvua uluisha Barnabase ne Polu, ukeba bua mulombodi kafiki ku ditaba.

Bienzedi 18:11

Polu kushala mu Korente tshidimu tshijima ne ngondu isambombu, ulongesha bantu muaku wa Mvidi Mukulu.

Bienzedi 19:21

Malu onsu aa mamane kupita, Polu kupangadika mua kupitshila mu Masedoniya ne mu Akaya, bua kuya mu Yerushalayime, wamba ne: — Pangafika ku Yerushalayime, nenye kabidi ne ku Rome.

2 Korente 11:26

Mu ngendu yanyi kayiyi kubala, mvua mupete njiwu mu misulu, pavua mayi mapasalale. Mvua mupete njiwu kudi banyenganganyi ba bintu, kudi bana hetu bena Yuda, ne kudi bantu ba bisamba bikuabu. Mvua mu njiwu mu bimenga ne mu bipela, pa mayi manene kabidi. Mvua muyipete ne kudi bana hetu ba dishima.

1 Tesalonike 2:14

Bana hetu, malu avua menzekele bena ditaba ba mu Yudeya, badi balamata Mvidi Mukulu, bitaba Yezu Kristu, ke avua manuenzekele. Bualu bana benu bavua banukengesha, amu muvua bena Yuda bakengeshe bana babu bena ditaba.

1 Tesalonike 2:16

Bualu badi benza muabu muonsu, bua katumanyishi bantu ba bisamba bikuabu mudibu mua kupanda. Ke mudibu buwuje bungi bua malu mabi, avuabu benze mu bikondu bionsu. Kadi mpindiewu tshiji tshia Mvidi Mukulu tshikadi pambidi pabu.