Bienzedi 14:4 - MUKANDA WA MYIDI MUKULU

⁴ Ke bena mu tshimenga kuabulukangana: bamue banyisha bena Yuda, bakuabu bitaba bapostolu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Kadi bantu ba mu musoko bakadi batahuluke; bakuabo bakadi ku luseke lua Bena Yuda, bakuabo ku luseke lua bapostolo.

Bienzedi 14:4 交叉引用

Bienzedi 28:24

Bamue bavua bitaba, bakuabu babenga.

Bienzedi 19:9

Kadi bamue ba kudibu bavua ne muoyi mupape, babenga kuitaba, bakula ne kapeja bua njila wa Mfumu, bantu bonsu bumvue. Nanku Polu kubashiya, kupatuka mu nzubu amu pamue ne bena ditaba. Kutuadija dituku adi, uvua ubalongesha mu tshilongelu tshia Tiranuse ku dituku ku dituku.

Bienzedi 14:14

Kadi bapostolu babidi kumanya bualu abu. Kupandabu bilamba biabu, kuya lubilu kudi bantu, benda bela mbila ne:

1 Korente 9:5

Tshiena mua kuya mu luendu ne mukaji muena ditaba, mudi bapostolu bakuabu, Petro ne bana babu ne Mfumu, benza anyi?

Bienzedi 13:2

Dituku dikuabu, bobu bamane kujila biakudia amue matuku, pavuabu batendelela Mfumu, Mueyelu wa Tshijila kubambila ne: — Kanupeshi Barnabase ne Shawule mudimu mukuabu to. Baye amu kuenza mudimu undi mubabikidile.

Yowanane 7:43

Nanku bantu kuditapulula bua Yezu.

Luke 2:34

Shimeyone kubela lupemba, kuambila Mariya, mamuende wa Yezu ne: — Mvidi Mukulu udi musungule muana ewu bua kushindisha ne kujula bantu ba bungi mu Izrayele. Yeye neatumanyishe mudi Mvidi Mukulu. Kadi bantu nebamujudile milandu.

Mika 7:6

Bualu muana wa balume udi upenda tatuende. Nsongakaji udi uluisha mamuende. Mukaji wa muana udi utombokela mamuenende. Bena diku dia muntu ke baluishi bende.

Bienzedi 13:45

Kadi bena Yuda bamona bungi bua bantu abu, kupetabu lubabu, babenga bivua Polu wamba, bamupenda kabidi.

Bienzedi 13:50

Kadi bena Yuda kusonsola bakaji ba baneme bavua bamane kubuela mu Tshisumbu tshia bena ditaba ba bena Yuda, ne balombodi ba tshimenga, bua bakebele Polu ne Barnabase mvita. Nanku kubipatabu mu ditunga diabu.

Bienzedi 14:2

Kadi bena Yuda bakuabu bavua babenga kuitaba, kusonsolabu bantu ba bisamba bikuabu, bua baluishe bana betu abu.

Bienzedi 14:5

Bena Yuda, bantu ba bisamba bikuabu, ne bamfumu babu, bavua bajula tshimvundu, bakeba kukengesha Polu ne Barnabase, kubasa mabue, kubashipa.

Bienzedi 14:19

Bena Yuda ba mu Antiyokiya wa mu Pisidiya, ne ba mu Ikoniyume, kufika. Kuenzejabu bantu, bua batue ku tshiabu. Nanku bantu kuasa Polu mabue, kukeba kumushipa. Pashishe kumupulumunabu, kupatuka nende mu tshimenga, bamanye ne: mmufue.

1 Tesalonike 2:14

Bana hetu, malu avua menzekele bena ditaba ba mu Yudeya, badi balamata Mvidi Mukulu, bitaba Yezu Kristu, ke avua manuenzekele. Bualu bana benu bavua banukengesha, amu muvua bena Yuda bakengeshe bana babu bena ditaba.