Bienzedi 14:2 - MUKANDA WA MYIDI MUKULU

² Kadi bena Yuda bakuabu bavua babenga kuitaba, kusonsolabu bantu ba bisamba bikuabu, bua baluishe bana betu abu.

Mukanda wa Nzambi Dihungila Dikulukulu ne Dihungila Dihia-dihia 2003

² Kadi Bena Yuda bakadi bahidia bakavundulula mitshima ya bantu ba bisamba bia bende, bakaivuisha mifike kudi bena kuitabusha.

Bienzedi 14:2 交叉引用

Bienzedi 13:50

Kadi bena Yuda kusonsola bakaji ba baneme bavua bamane kubuela mu Tshisumbu tshia bena ditaba ba bena Yuda, ne balombodi ba tshimenga, bua bakebele Polu ne Barnabase mvita. Nanku kubipatabu mu ditunga diabu.

Bienzedi 17:5

Kadi bena Yuda bavua ne tshiiji tshipite. Kusangishabu bena buenzayi bavua bendakana mu misesu. Kujulabu nabu tshimvundu munkatshi mua bantu mu tshimenga tshijima. Kuyabu bonsu ku nzubu kua Yazone, bakeba Polu ne Silase, bua kuya kubalumbuisha kumpala kua bantu.

Bienzedi 14:19

Bena Yuda ba mu Antiyokiya wa mu Pisidiya, ne ba mu Ikoniyume, kufika. Kuenzejabu bantu, bua batue ku tshiabu. Nanku bantu kuasa Polu mabue, kukeba kumushipa. Pashishe kumupulumunabu, kupatuka nende mu tshimenga, bamanye ne: mmufue.

Bienzedi 13:45

Kadi bena Yuda bamona bungi bua bantu abu, kupetabu lubabu, babenga bivua Polu wamba, bamupenda kabidi.

Bienzedi 17:13

Kadi bena Yuda ba mu Tesalonike, bumvua ne: Polu udi ulongesha muaku wa Mvidi Mukulu mu Bereya kabidi, kufikabu mu tshimenga atshi, bua kusonsola bantu, bua bajule mutoyi.

Bienzedi 18:12

Pavua Ngaliyone muena Rome mupete muanzu wa mulombodi wa buloba bua Akaya, bena Yuda kumyuangana bua kuluisha Polu. Kumukuatabu, kuya nende ku tshilumbuluilu,

Yowanane 3:36

Muntu udi witaba Muana udi ne muoyi wa tshiendelele. Kadi udi kayi utumikila Muana kakuikala ne muoyi ewu. Mvidi Mukulu utshidi umufikila munda.

Bienzedi 1:15

Matuku makese apita, bena ditaba bamane kusangila bu lukama ne makumi abidi, ke Petro kujuka, kubambila ne:

Bienzedi 14:4

Ke bena mu tshimenga kuabulukangana: bamue banyisha bena Yuda, bakuabu bitaba bapostolu.

Bienzedi 14:5

Bena Yuda, bantu ba bisamba bikuabu, ne bamfumu babu, bavua bajula tshimvundu, bakeba kukengesha Polu ne Barnabase, kubasa mabue, kubashipa.

1 Tesalonike 2:14

Bana hetu, malu avua menzekele bena ditaba ba mu Yudeya, badi balamata Mvidi Mukulu, bitaba Yezu Kristu, ke avua manuenzekele. Bualu bana benu bavua banukengesha, amu muvua bena Yuda bakengeshe bana babu bena ditaba.