Bienzedi 13:47 - MUKANDA WA MYIDI MUKULU

⁴⁷ Bualu Mfumu mmutuleje bua kuenza nunku, pavuaye wamba ne: “Ndi mukuteke butoke bua bantu ba bisamba bikuabu, bua ufikishe lupandu ne ku ntengu ya buloba.”

Mukanda wa Nzambi Dihungila Dikulukulu ne Dihungila Dihia-dihia 2003

⁴⁷ Nunku Mukelenge wakatulela mikenshi ne, Nakukuteka bu munya wa kutemena bantu ba bisamba bia bende, Bua wewe wikale bua luhandu lua bantu tô ne kunfudilu kua buloba.

Bienzedi 13:47 交叉引用

Yeshaya 49:6

Yeye kungambila ne: “Kabiena bikumbana bua wikale muena mudimu wanyi anu bua kujula tshisamba tshia Yakobe, ne bua kupingaja kundi bena Izrayele badi bashale ne muoyi. Kadi ndi mukuteke kabidi butoke bua bukua bisamba, bua umone mua kupandisha bantu too ne ku ntengu ya buloba.”

Yeshaya 42:6

“Meme Maweja-Nangila, mvua mukubikile, bua ukumbaje meji andi nawu. Meme ndi nkuambuluisha. Mvua mukuenze, bua utuadile bantu bupole, ukumbaje bimvua mulaye bantu, wikale butoke munkatshi mua matunga.

Luke 2:32

Ke butoke budi bumanyisha bisamba bionsu muudi, bupetesha bena Izrayele, bantu bebe, lumu.

Yeshaya 45:22

Nuenu badi basombe ku ndekelu kua buloba, fikayi kundi meme. Nennusungidile. Bualu Mvidi Mukulu ke meme! Kakuena mukuabu to.

Amosa 9:12

Diba adi, bena Izrayele nebakuate tshiakabidi matunga, avua anyi ku kale, a bena Edome, ne a bena bisamba bikuabu. Meme Maweja-Nangila ndi njadika nanku. Nenkumbaje kabidi bindi ngamba.”

Yeshaya 60:3

Nenku bukua matunga nebuende butangila ku butoke buwakenkesha. Dinkenke dia butoke buebe nedikoke bakalenga kuudi.

Yeshaya 42:1

Maweja-Nangila udi wamba ne: Tangila muntu wanyi. Ndi mumukoleshe. Ndi mumunange, mumusungule. Ndi mumuwuje ne Mueyelu wanyi, bua kumanyishaye bukua bisamba bilenga bindi mulongoluele bantu.

Bienzedi 26:23

Kristu neakenge, neafue, neikale wa kumpala wa kubiika ku bafue. Neamanyishe bena tshisamba tshietu, ne bantu ba bisamba bikuabu, butoke budi mua kubasungidila.

Bienzedi 22:21

Kadi Mfumu kungambila amu ne: “Uye! Bualu ndi nkutuma kule, kudi bantu ba bisamba bikuabu.”

Bienzedi 9:15

Ke Mfumu kumuandamuna ne: — Uye. Bualu muntu awu ke tshiamu tshia mudimu tshindi musungule, bua kumanyishaye bisamba bikuabu, bakalenga ba matunga, ne bena Izrayele, dina dianyi.

Bienzedi 1:8

Kadi nenupete bukole, diba dianupuekela Mueyelu wa Tshijila. Nanku nenumone mua kujadika malu anyi mu Yerushalayime, mu ditunga dijima dia Yudeya ne dia Samariya, kabidi too ne ku ndekelu wa buloba.

Marke 16:15

Pashishe kubambilaye ne: — Nuye mu buloba bujima, nulongeshe bantu bonsu Lumu lua Disanka.

Matayi 28:19

Nenku nuye kudi bantu ba bisamba bionsu. Nubenze balongi banyi. Nubatue mu mayi mu dina dia Tatu, dia Muana, ne dia Mueyelu wa Tshijila.

Zekâya 2:11

Nuenu bena Yerushalayime badi mu bupika ku Babilone, koleshayi, nunyeme.”

Yeshaya 52:10

Maweja-Nangila nealeje bukole buende, bua kukumbaja mudimu wende wa tshijila, bena mu matunga onsu bamona. Too ne ku ndekelu wa buloba, nebamone lupandu, ludi Mvidi Mukulu wetu ututuadila.

Luke 24:47

Badi ne bua kulongesha bisamba bionsu mu dina diende, kutuadija ku Yerushalayime, ne: kudiye ke kudi bantu mua kupeta bukole bua kudilengeja, bua Mvidi Mukulu abajimijile mibi yabu.

Malaki 1:11

Meme Maweja-Nangila wa bukole buonsu, ndi njadika ne: kudi diba dipatukila too ne kudidi dibuelela bantu ba bisamba bionsu badi bannemeka. Miaba yonsu badi bangoshila musenga wa kamonya, badi bandambula milambu minkumbanyine. Bulelela, bisamba bia bende bidi binnemeka.

Mika 5:7

— Bena Izrayele badi bashala ne muoyi munkatshi mua bisamba bia bungi, nebikale ne bukole bu bua nyama wa ntambue munkatshi mua nyama ya muitu, nansha munkatshi mua tshisumbu tshia mikoku. Muaba onsu udiye upita, udi uyikuata, uyisunsula, kakuyi muntu umunyengayi.

Yirmeya 16:19

— Maweja-Nangila, wewe udi umpesha bukole. Wewe udi undama. Mu tshikondu tshia dikenga, ndi mua kunyemena kuudi. Bantu ba bisamba bikuabu nebafike kuudi wewe, bafuma ku nshikidilu wa buloba. Diba adi nebambe ne: “Bankambua betu bavua anu ne mvidie ya dishima. Mvidie yabu ivua anu lupepele, kayivua mua kuambuluisha muntu nansha umue.