Bienzedi 13:34 - MUKANDA WA MYIDI MUKULU

³⁴ Mvidi Mukulu uvua ne bua kubisha Yezu ku bafue, bua mubidi wende kaubodi. Ke bivuaye mudianze kumanyisha bantu ne: “Nennupe mapa a tshijila adi kaayi anyanguka, amvua mulaye Davide.”

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Ne bua dibisha diandi ku lufu, kai uhingana kashidi bua kuboleye, Nzambi wakamba ne, Nenuhe masanka makane ne a bushua a Davidi.

Bienzedi 13:34 交叉引用

Yeshaya 55:3

Ntelejayi meme. Luayi kundi. Umvuayi diyi dianyi, nenuikale ne muoyi. Maweja-Nangila udi wamba ne: “Ndi ntua nenu ndondu wa kashidi. Ndi musue kunuenzela bilenga bimvua mulaye Davide.

Rome 6:9

Nanku tudi bamanye ne: Kristu katshia wabika ku lufu, kena ne bua kufua kabidi to. Lufu kaluena kabidi ne bumfumu pambidi pende.

Bienzedi 13:37

Kadi udi Mvidi Mukulu mubishe ku bafue, ki mmubole to.

Zekâya 12:8

Pashishe Maweja-Nangila neambuluishe bena Yerushalayime: badi kabayi ne bukole munkatshi muabu, nebapete bukole bu bua Davide. Ndelanganyi ya Davide neikale bu Mvidi Mukulu wabu, bu mudi mutumibue wa Maweja-Nangila udi wenda kumpala kuabu.

Amosa 9:11

Maweja-Nangila udi wamba ne: “Tshimenga tshia Davide, tshidi bu nzubu mumane kupuka. Kadi dituku dikuabu, nengasulule tshimenga. Nengibakulule bitupa bia tshimana tshiatshi, bivuabu bashimbule mu mvita. Nendongolole nzubu yonsu bimpe, tshimenga tshipete lumu luatshi lua kale.

Yirmeya 33:26

Nanku, nudi mua kuitaba ne: ndi mubenge ndelanganyi ya Yakobe ne ya muntu wanyi Davide anyi? Nudi mua kuitaba ne: munkatshi muabu tshiakuangata kabidi bamfumu badi balombola tshisamba tshia Abrahame, tshia Izake ne tshia Yakobe anyi? “Kabiena nanku to! Kadi ndi mubanange bushuwa, nembapeshe kabidi diakalenga.”

2 Samuele 23:5

Ke malu adi Mvidi Mukulu muenzele bena nzubu wanyi. Uvua mutue nanyi ndondu wa kashidi, mujadike ndondu awu ne mikenji idi bantu kabayi mua kubenga. Bionsu bidi binsankisha, udi ubikumbaja.

Osheya 3:5

Pashishe, bena Izrayele nebapingane kudi Maweja-Nangila. Nebapingane kudi Mvidi Mukulu wabu, ne kudi mukalenga wabu wa ku ndelanganyi ya Davide. Matuku atshidi kumpala, bena Izrayele nebakebe Maweja-Nangila, nebamunemeke, nebatekemene bintu amu kudiye.

Yirmeya 30:9

Kadi nebankuatshile mudimu meme Maweja-Nangila Mvidi Mukulu wabu. Nenku nempingaje mu bukalenga bua Davide muana wa ku ndelanganyi yende. Nebamuenzele mudimu, bualu mmukalenga wabu.

Bienzedi 2:24

Kadi Mvidi Mukulu mmumubishe ku lufu, mumumbushe ku makenga a lufu, bualu kavua mua kushala ku bumfumu bua lufu.

Bienzedi 13:30

Kadi Mvidi Mukulu kumubisha ku bafue.

Bienzedi 13:33

ke bidiye mutukumbajile tuetu, ndelanganyi yabu, mpindiewu. Bualu mmubishe Yezu ku bafue, amu mudibu bafunde mu musambu muibidi ne: “Wewe ke Muananyi, biangatshile lelu, meme ndi Tatuebe.”