Bienzedi 13:26 - MUKANDA WA MYIDI MUKULU

²⁶ Bana betu, nuenu ndelanganyi ya Abrahame, kabidi ne nuenu bena bisamba bikuabu bitabi ba Mvidi Mukulu, mbatutumine tuetu bonsu mukenji wa lupandu ewu.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Bana betu, tunkanunuina tua Abalahama, ne ba munkatshi muenu badi batshina Nzambi, bakatutumina tuetu dî dia luhandu elu.

Bienzedi 13:26 交叉引用

Kolose 1:5

Pavua Lumu lua Disanka, ludi lunuambila malu malelela, lufike kuenu musangu wa kumpala, batua banumanyishe ditekemena didilu lunupetesha. Nenku ditaba ne dinanga binudi nabi, bidi bishindamene pa binudi nutekemena, bidibu banulamine mu diulu.

Efeze 1:13

Nuenu kabidi diba dinuvua bumvue muaku mulelela, Lumu lua Disanka ludi lunupetesha lupandu, nuvua bitabe Kristu. Diba adi Mvidi Mukulu uvua munupe Mueyelu wende uvuaye mulaye, munutue tshitampi tshiende, bua kunuleja munudi bantu bende menemene.

Rome 1:16

Nanku tshiena ne bowa pandi ndongesha Lumu lua Disanka. Bualu ludi bukole budi Mvidi Mukulu ukuata nabu mudimu, bua kusungidila bantu bonsu badi bitaba, kutuadija ne bena Yuda, pashishe ne bantu ba bisamba bikuabu.

Luke 1:77

ne bua kumanyisha bantu bende ne: Mvidi Mukulu neanusungidile, anujimijile mibi yenu.

Luke 1:69

Kutupatuilaye Musungidi wa bukole, mu ndelanganyi ya mukalenga Davide, muntu wende.

Yeshaya 46:13

Malu aa kaena kabidi nenu kule to. Akadi pa kukumbana amu mpindiewu! Lupandu kaluena lunengakana. Meme mene ndi mfika nalu mu Siyone. Eyowa, ndi ntuadila bena Izrayele tshitupa tshia butumbi buanyi.

Bienzedi 13:46

Kadi Polu ne Barnabase bavua babambila patoke ne: — Nuenu ke batuvua ne bua kudianza kumanyisha muaku wa Mvidi Mukulu. Kadi bu munudi nuubenga, nudimona ne: katuena bualu ne muoyi wa kashidi, nanku tuetu tudi tuya kudi bantu badi kabayi bena Yuda.

Bienzedi 13:43

Ditendelela dimane kujika, bena Yuda bavule, ne bantu ba bisamba bikuabu bavua bamane kubuela mu Tshisumbu tshia bena ditaba ba bena Yuda, kulondabu Polu ne Barnabase. Bobu abu bavua bayukila nabu, babakolesha ku muoyi, bua bashindame mu ditaba divuabu bapete kudi Mvidi Mukulu.

Bienzedi 10:35

Muntu nansha wa mu tshisamba kaayi, udi umutshina, wenza tshidiye musue, Mvidi Mukulu udi mumuanyishe.

Bienzedi 5:20

— Nuye mu nzubu wa Mvidi Mukulu. Numanyishemu bantu malu onsu adi atangila muoyi mupiamupia udi Yezu mubatuadile.

Bienzedi 4:12

Kakuena lupandu kudi munga muntu to. Bualu panu ponsu Mvidi Mukulu kena mupe bantu dina dikuabu didi mua kutusungila.

Luke 24:47

Badi ne bua kulongesha bisamba bionsu mu dina diende, kutuadija ku Yerushalayime, ne: kudiye ke kudi bantu mua kupeta bukole bua kudilengeja, bua Mvidi Mukulu abajimijile mibi yabu.

Matayi 10:6

Nuye nangananga kudi mikoku mijimine ya mu tshisamba tshia bena Izrayele.

Matayi 3:9

Kadi lekelayi kuela meji ne: “Tudi mua kupanduka ku dinyoka, bualu Abrahame nnkambua wetu.” Bualu ndi nnujadikila ne: mabue aa, Mvidi Mukulu udi mua kuandamuna ndelanganyi ya Abrahame!

Bienzedi 16:17

Kutulondaye tuetu ne Polu, wela mbila ne: — Bantu aba mbena mudimu wa Mvidi Mukulu, Muena kulu! Badi banumanyisha munudi mua kupanda!

Bienzedi 3:26

Mvidi Mukulu mmusungule muntu wende; mmudianze kumutuma kunudi, bua nulekele kulonda njila yenu mibi, nupete diakalenga.

Bienzedi 28:28

Ndi nnuambila ne: Mvidi Mukulu mmutumine bantu ba bisamba bikuabu mukenji wa lupandu, bualu bobu nebauteleje! [

Yeshaya 48:1

Nuenu tshisamba tshia Yakobe, telejayi. Nudi nudisua, bua panudi ne dina dia Izrayele, bua panudi ndelanganyi ya Yuda. Nudi nutshipa, nutela dina dia Maweja-Nangila, nutela Mvidi Mukulu wa Izrayele. Kadi kanuena nuditshipilamu, kanuena ne muoyi wa kukumbaja tshinudi nulaya ne mutshipu.

Yeshaya 41:8

Izrayele, muena mudimu wanyi, tshisamba tshia Yakobe tshimvua musungule, ndelanganyi ya Abrahame, mulunda wanyi, teleja.

2 Kulondolola 20:7

Wewe Mvidi Mukulu wetu ke uvua muipate bena ditunga edi pafiki bantu bebe bena Izrayele. Buloba ebu, kuena mubupeshe ndelanganyi ya mulunda webe Abrahame kashidi anyi?

Yowanane 6:68

Simone Petro kumuandamuna ne: — Mfumu, netuye kudi nganyi? Wewe ke udi ne miaku idi ifila muoyi wa tshiendelele.

Bienzedi 10:2

Uvua muntu wa Mvidi Mukulu, umutendelela pamue ne nzubu wende mujima. Uvua wambuluisha bakengi ba bena Yuda ne bintu bivule, utendelela Mvidi Mukulu misangu ne misangu.

Bienzedi 22:5

Mutuangaji munene, ne bena tshipangu tshia bakulu bonsu badi apa, badi mua kujadika bindi ngamba ebi. Bavua bampeshe mikanda, mifundila bana betu bena Yuda ba mu Damase. Ke mumvua mufike muine amu, bua kukuata bavua bitaba Yezu, kupingana nabu mu Yerushalayime, bua babanyoke.