Bienzedi 13:25 - MUKANDA WA MYIDI MUKULU

²⁵ Pavua Yowanane mumane kufika ku matuku ende a ndekelu panu, uvua ukonka bantu ne: “Nudi nuela meji ne: meme ndi nganyi? Tshiena unudi bindile awu to! Kadi unudi batekemene udi ufika munyima muanyi. Tshiena muakanyine nansha mua kukopola bisabata bia ku makasa ende.”

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Hakamba Yone kushikisha mudimu wandi, wakamba ne, Nudi nuelangana meshi ne, Meme ndi nganyi? Tshiena yeye; kadi tangila, munga ulualua ku nyima kuanyi ngundi tshi ne buakane bua kusulula mionshi ya bisabata biandi.

Bienzedi 13:25 交叉引用

Matayi 3:11

Meme ndi nnutua mu mayi bua nukudimune nsombelu wenu. Kadi udi undonda panyima, neanutue mu Mueyelu wa Tshijila ne mu kapia. Yeye udi ne bukole, mumpite meme. Meme tshiena mukumbane nansha bua kumukopola bisabata biende.

Marke 1:7

Uvua umanyisha bantu bavule ne: — Kudi muntu udi undonda meme mu nyima, udi mumpite ku muanzu. Tshiena nansha mukumbane mua kuinama, bua kusulula nshinga ya bisabata biende.

Bienzedi 20:24

Kadi kushala ne muoyi kakuena ne mushinga kundi. Tshidi ne mushinga tshidi anu kujikija mudimu wanyi, kukumbaja mudimu uvua Mfumu mungomekele: ke kukobola Lumu lua Disanka lua mudi Mvidi Mukulu mutunange, mutufuile luse.

Didimanyisha 11:7

Pikala bajadiki bamane kumanyisha bionsu bivua Mvidi Mukulu mubambile, nyama udi upatuka mu kandondu neabaluishe. Neabatshimune, abashipe.

2 Timote 4:7

Ndi muluangane mvita mimpe. Ndi mujikije mutantshi wonsu umvua ne bua kunyema. Ndi mulame ditaba too ne ku ndekelu.

2 Korente 4:5

Bualu patudi tulongesha, katuena tudimanyisha tuetu to. Tudi mmanyisha Yezu Kristu bu Mfumu. Tuetu tudi amu bantu badi banukuatshila mudimu ku disua diende.

Bienzedi 19:4

Polu kubambila ne: — Yowanane uvua utua bantu bavua banyisha bua kudilengeja. Kadi uvua wambila kabidi bena Izrayele, bua bitabe muntu uvua ne bua kufika panyima pende, mmomumue ne: Yezu.

Bienzedi 13:36

Mu tshikondu tshiende, Davide mmukumbaje bivua Mvidi Mukulu musue. Pashishe kufuaye. Kumujikabu pabuipi ne bankambua bende, kubolaye.

Yowanane 7:18

Muntu udi wakula mu dina diende nkayende udi udikebela lumu. Kadi muntu udi ukuata mudimu bua kutumbisha uvua mumutume, udi wamba malu malelela. Kena ushima ku bualu nansha bumue to.

Yowanane 4:34

Yezu kubambila ne: — Tshianyi tshiakudia nkukumbaja dijinga dia uvua muntume, kabidi nkujikija mudimu uvuaye mumfundile bua kuenza.

Yowanane 1:36

Umona Yezu upita, kuambaye ne: — Tangilayi Muana wa mukoku wa Mvidi Mukulu!

Yowanane 1:34

Ke Yowanane kuamba ne: “Mvua mumone nanku. Ke mundi njadika ne: Muntu awu ke Muana wa Mvidi Mukulu.”

Yowanane 1:29

Butshia, Yowanane kumona Yezu ufika kudiye. Kuambilaye bantu ne: — Tangilayi Muana wa mukoku wa Mvidi Mukulu udi umbusha bubi bua bantu.