Bienzedi 11:26 - MUKANDA WA MYIDI MUKULU

²⁶ Umusangana kupinganaye nende ku Antiyokiya. Kushalabu koku tshidimu tshijima bonsu babidi mu Tshisumbu tshia bena ditaba atshi. Bavua balongesha bantu bavule malu a ditaba. Mu Antiyokiya ke muaba uvua bena ditaba badianze kupetela dina dia bena Kristu.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Hakamumoneye, wakalua nʼandi ku Antiokia. Bakadi badisangisha ne bena ekelesia tô tshidimu tshijima, bakayisha bantu ba bungi; mu Antiokia muakabangabo kubikila bayidi ne, Bena Kilisto.

Bienzedi 11:26 交叉引用

1 Petro 4:16

Kadi padi muntu ukenga, bualu udi muena Kristu, kafu bundu. Ele amu Mvidi Mukulu tuasakidila, bua padiye mupete dina dia muena Kristu.

Bienzedi 26:28

Ke Agripa kuebeja Polu ne: — Udi wela meji ne: amu katupa katudi nebe aka, ukadi mungenze muena Kristu anyi?

1 Yone 2:27

Kristu mmunupumuine Mueyelu wende. Bu mudi Mueyelu wende ushala munda muenu, kanuena nukengela mulongeshi mukuabu. Bualu Mueyelu wende udi unulongesha malu onsu. Bidiwu wamba bidi bilelela, kabiena bia dishima to. Nanku nuitabe bidi Mueyelu unulongesha, nushale mu bobumue ne Kristu.

1 Petro 4:14

Nudi bena diakalenga, padibu banupenda bualu nudi nulonda Kristu munyima. Bualu Mueyelu wa butumbi, Mueyelu wa Mvidi Mukulu mmunutulukile.

Efeze 3:15

Diku dionsu didi mu diulu ne didi pa buloba didi dipetela muoyi kudiye.

1 Korente 14:23

Padi Tshisumbu tshijima tshia bena ditaba mu ditendelela, bonsu bakula miakulu idi bantu kabayi bumvua, bantu ba patupu, nansha badi kabayi bena ditaba, babuela muaba awu, kabena mua kunuamba ne: nudi bapale anyi?

1 Korente 12:12

Bualu Kristu udi bu mubidi, udi umue, kadi muikale ne bidimba bivule. Kadi bidimba bionsu, nansha biobi bivule, bidi bienza mubidi amu umue.

1 Korente 11:18

Bualu bua kumpala: bayua bangambila ne: panudi nusangila, nudi nuabulukangana mu bisumbu bidi bifuilakana. — Ndi ngitaba bualu ebu tshitupa.

1 Korente 4:17

Ke mundi nnutumina Timote, muananyi munanga, wa diyi dimue munda mua Mfumu. Yeye neanuvuluije bindi ngenza mu didisanga dianyi ne Yezu Kristu. Neanulongeshe malu andi ndongesha miaba yonsu mu Bisumbu bionsu bia bena ditaba.

Bienzedi 14:27

Bafika ku Antiyokiya, kusangishabu Tshisumbu tshia bena ditaba. Kubalondelabu bionsu bivua Mvidi Mukulu wenza nabu, ne muvuaye munzuluile bantu ba bisamba bikuabu kabidi tshiibi, bua bafike ku ditaba.

Matayi 28:19

Nenku nuye kudi bantu ba bisamba bionsu. Nubenze balongi banyi. Nubatue mu mayi mu dina dia Tatu, dia Muana, ne dia Mueyelu wa Tshijila.

Didimanyisha 3:18

Ke pandi nkupesha lungenyi, bua usumbe kundi mpawungi muengulula mu kapia. Nanku newikale mubanji. Usumbe kabidi bilamba bitoke bua ubivuale, usokoke butaka buebe, ulekele kufua bundu. Usumbe kabidi buanga bua kuela mu mesu, bua umone.

Bienzedi 14:23

Bavua bateka bakulu mu Tshisumbu tshionsu tshia bena ditaba. Bamane kujila biakudia, kutendelelabu Mvidi Mukulu amue matuku. Pashishe kubatekabu mu bianza bia Mfumu, uvuabu bitabe.

Bienzedi 11:27

Matuku awu bambi kumuka ku Yerushalayime, kufika ku Antiyokiya.

Bienzedi 11:22

Balombodi ba Tshisumbu tshia bena ditaba ba mu Yerushalayime kumvua lumu alu. Kutumabu Barnabase mu Antiyokiya.

Bienzedi 11:20

Kadi bamue bena ditaba bavua mu tshidila tshia Shipre, ne ba mu tshimenga tshia Sirene, bavua bafike kabidi mu Antiyokiya. Kutuadijabu kulongesha bantu ba bisamba bikuabu, babamanyisha Lumu lua Disanka lua Mfumu Yezu.

Bienzedi 6:5

Bantu bonsu kuanyisha bivua bapostolu bambe. Kusungulabu Stefane, muntu wa ditaba divule, muwule kabidi ne Mueyelu wa Tshijila, pamue ne Filipe, Prokore, Nikanore, Timona, Parmenase, ne Nikola, muena Antiyokiya, uvua mubuele mu tshisumbu tshia bena Yuda kukavua matuku.

Yeshaya 65:15

Bantu banyi nebangate dina dienu, bua kutshipa nadi bantu bakuabu. Nebambe ne: “Maweja-Nangila Mvidi Mukulu akushipe, bu mudiye mushipe kampande nansha kansanga.” Kadi, bantu banyi badi bandamate, nebapete dina dikuabu.

Yowanane 2:2

Bavua babikilemu kabidi Yezu ne balongi bende.

Bienzedi 1:15

Matuku makese apita, bena ditaba bamane kusangila bu lukama ne makumi abidi, ke Petro kujuka, kubambila ne:

Bienzedi 6:1

Matuku makese apita, bu muvua bungi bua balongi buvulangana, bena Yuda bavua bakula tshiena ngreke, kujana bena Yuda ba mu ditunga. Bavua bamba ne: bena ditunga badi balengulula bakamba betu, padibu bababanyina biakudia ku dituku ku dituku.

Bienzedi 9:19

Pashishe kudiaye, kupeta bukole. Shawule kushala amue matuku ne balongi ba mu Damase.

Bienzedi 9:38

Balongi ba mu Yope kumvua ne: Petro udi mu Lida. Bu muvua Lida kayi mutantshi mule ne Yope, kutumabu bantu babidi kudi Petro, bamusengelela ne: “Fika lukasa munu, kujingakanyi.”

Bienzedi 11:29

Bena ditaba kumvuangana bua muntu yonsu afile tshiende tshidiye natshi, bua kuambuluisha bena ditaba ba mu Yudeya.

Bienzedi 14:20

Kadi bena ditaba kuvua kunyungulukila Polu. Yeye kujuka, kupingana nabu mu tshimenga. Butshia, Polu ne Barnabase kuya mu Derbe.

Bienzedi 14:22

Bavua bakolesha balongi ku muoyi, bua bananukile mu ditaba, babambila ne: — Tudinebua kumvua makenga mavule, bua tuetu kubuela mu Bukalenga bua Mvidi Mukulu.

Bienzedi 14:28

Polu ne Barnabase kushala ne bena ditaba matuku mavule muaba awu.

Bienzedi 18:27

Pashishe Apolose uvua musue kuya mu Akaya. Bena ditaba kumukolesha ku muoyi bua ayemu. Kufundilabu bena ditaba ba mu buloba abu, bua bamuakidile bimpe. Yeye mumane kufika mu Akaya, kuambuluishaye bikole bantu bakavua bamane kuitaba ku luse lua Mvidi Mukulu.

Bienzedi 19:9

Kadi bamue ba kudibu bavua ne muoyi mupape, babenga kuitaba, bakula ne kapeja bua njila wa Mfumu, bantu bonsu bumvue. Nanku Polu kubashiya, kupatuka mu nzubu amu pamue ne bena ditaba. Kutuadija dituku adi, uvua ubalongesha mu tshilongelu tshia Tiranuse ku dituku ku dituku.

Bienzedi 20:1

Mitoyi mimane kujika, Polu kusangisha bena ditaba, kubakolesha ku muoyi, kulayangana nabu. Pashishe kuyaye mu Masedoniya.

Bienzedi 20:30

Munkatshi muenu kabidi nemujuke bantu bakula malu a dishima, bua kukoka bena ditaba bua babalonde.

Bienzedi 21:4

Tuetu kusanganamu bena ditaba, kushala nabu lumingu lujima. Mueyelu wa Tshijila kubasonsola, bua bambile Polu ne: kuyi mu Yerushalayime to.

Yakobe 2:7

Bobu ke badi bapenda dina dimpe didi Mvidi Mukulu munupe.