Bienzedi 11:22 - MUKANDA WA MYIDI MUKULU

²² Balombodi ba Tshisumbu tshia bena ditaba ba mu Yerushalayime kumvua lumu alu. Kutumabu Barnabase mu Antiyokiya.

Mukanda wa Nzambi Dihungila Dikulukulu ne Dihungila Dihia-dihia 2003

²² Lumu luabo luakafika ku matshu a bena ekelesia ba mu Yelushalema; bakatuma Bânaba tô ne ku Antiokia.

Bienzedi 11:22 交叉引用

Bienzedi 9:27

Ke Barnabase kumuangata, kumufikisha kudi bapostolu. Kubalondelaye muvua Shawule mumone Mfumu mu njila, kabidi mutua Mfumu muyukile nende. Kubumvuijaye kabidi ne: Shawule mutulongeshe mu Damase ne dikima mu dina dia Yezu.

1 Tesalonike 3:6

Kadi mpindiewu Timote mmupingane kunu, utumina kuenu aku. Uvua mutumanyishe munudi nuenda mu njila wa ditaba, ne wa dinanga. Uvua mutuambile munudi batunange, batuvuluke. Nudi nujinga kutumona tshiakabidi, amu mutudi tujinga kumonangana nenu.

Bienzedi 15:22

Ke bapostolu, bakulu, pamue ne Tshisumbu tshijima tshia bena ditaba, kujadika bua kusungula bamue ba kudibu, bua babatume mu Antiyokiya, pamue ne Polu ne Barnabase. Kusungulabu bakulu babidi bavua ba lumu luimpe munkatshi mua bena ditaba: ke Yuda, udibu binyika kabidi Barsabase, ne Silase.

Bienzedi 15:2

Kadi Polu ne Barnabase kubenga bivuabu balongesha abi, kuelangana nabu mpata bikole pa bualu abu. Ke bena ditaba kushindika ne: tutume Polu ne Barnabase, ne bantu bakuabu ba mu Antiyokiya, ku Yerushalayime, kudi bapostolu ne bakulu, bua batangile tshilumbu etshi.

Bienzedi 11:1

Bapostolu ne bena ditaba bavua mu Yudeya, kumvuabu lumu ne: bantu ba bisamba bikuabu mbitabe muaku wa Mvidi Mukulu.

Bienzedi 8:14

Bapostolu bavua mu Yerushalayime, bumvua ne: bena mu Samariya mbitabe muaku wa Mvidi Mukulu, kubatuminabu Petro ne Yowanane.

Bienzedi 6:5

Bantu bonsu kuanyisha bivua bapostolu bambe. Kusungulabu Stefane, muntu wa ditaba divule, muwule kabidi ne Mueyelu wa Tshijila, pamue ne Filipe, Prokore, Nikanore, Timona, Parmenase, ne Nikola, muena Antiyokiya, uvua mubuele mu tshisumbu tshia bena Yuda kukavua matuku.

Bienzedi 11:19

Bamane kushipa Stefane, kutuadijabu kukengesha bena ditaba. Ke bena ditaba kutangalaka. Bamue ba kudibu kuya too ne ku Fenisiya, ne ku Shipre, ne ku Antiyokiya. Kadi bavua balongesha amu bena Yuda nkayabu malu a Mvidi Mukulu.

Bienzedi 11:20

Kadi bamue bena ditaba bavua mu tshidila tshia Shipre, ne ba mu tshimenga tshia Sirene, bavua bafike kabidi mu Antiyokiya. Kutuadijabu kulongesha bantu ba bisamba bikuabu, babamanyisha Lumu lua Disanka lua Mfumu Yezu.

Bienzedi 11:26

Umusangana kupinganaye nende ku Antiyokiya. Kushalabu koku tshidimu tshijima bonsu babidi mu Tshisumbu tshia bena ditaba atshi. Bavua balongesha bantu bavule malu a ditaba. Mu Antiyokiya ke muaba uvua bena ditaba badianze kupetela dina dia bena Kristu.

Bienzedi 11:27

Matuku awu bambi kumuka ku Yerushalayime, kufika ku Antiyokiya.

Bienzedi 18:22

Utuluka mu Kezareya, kuyaye mu Yerushalayime, bua kumonangana ne Tshisumbu tshia bena ditaba. Pashishe kuyaye ku Antiyokiya.

Ngalate 2:11

Kadi Petro mumane kufika mu Antiyokiya, meme kumubela, bantu bonsu bumvue, bualu uvua muenze bibi.