Biblia Todo Logo
在线圣经

- 广告 -




Bienzedi 10:43 - MUKANDA WA MYIDI MUKULU

43 Bambi bonsu badi bajadika bualu buende ne: muntu yonsu udi witaba Kristu, bukole bua dina diende nebumujimijile mibi yende.

参见章节 复制

Mukanda wa Nzambi Dihungila Dikulukulu ne Dihungila Dihia-dihia 2003

43 Baprofete bonso badi bamba bualu buandi ne, Muntu yonso wamuitabusha neangate dijimisha dia dibi mu dina diandi.

参见章节 复制




Bienzedi 10:43
35 交叉引用  

Dituku adi, mpokolu wa mayi neabudike bua kusukula bubi ne malu mabi a ndelanganyi ya Davide ne a bena Yerushalayime.


Ke Petro kubandamuna ne: — Nudilengeje. Batue yonsu wa kunudi mu mayi mu dina dia Yezu Kristu, bua Mvidi Mukulu anujimijile mibi yenu. Nanku nenupete dipa dia kudi Mvidi Mukulu, ke Mueyelu wa Tshijila.


Maweja-Nangila udi wamba ne: “Muena mudimu wanyi, mmumane kukenga bikole. Nanku neasanke tshiakabidi. Neamone muapetaye tshipeta ku makenga ende. Bantu nebamone mudi muena mudimu ukumbaja bionsu bindi meme musue. Yeye nkayende ke muntu udi kayi muena tshibawu. Neafuile bantu luse, bualu yeye udi muambule bilema biabu.


Maweja-Nangila udi wamba ne: muntu nansha umue kakulomba balunda bende, nansha bana babu, bua bamulongeshe bua ammanye. Bualu bonsu, bakulumpe ne bana, nebammanye. Nembafuile luse bua mibi yabu. Tshiakuvuluka kabidi bilema biabu.


Ke padi Mukanda wa tshijila wamba ne: “Yonsu udi umuitaba, kakufua bundu.”


Bavua bakeba kumanya mushindu ne diba bivua bionsu, bivua Mueyelu mubambile, mua kuenzeka. Bualu Mueyelu, uvua ukuata mudimu munda muabu, uvua mudianze kubamanyisha makenga a Kristu, ne lumu luvuaye ne bua kupeta pashishe.


Nanku tuetu bamane kubinga ku mesu kua Mvidi Mukulu amu bua ditaba, mpindiewu pankatshi petu nende tudi ne bupole mu dina dia Mfumu wetu Yezu Kristu.


Nanku mpindiewu kabena bapisha kabidi badi badisanga ne Yezu Kristu.


Ndi nnujadikila ne: muntu udi uteleja bindi ngamba, witaba uvua muntume, udi ne muoyi wa tshiendelele. Kabena bamupisha ku tshilumbu to. Kadi ukadi mumane kumuka ku lufu, mupete muoyi.


Nanku udi mua kubapisha nnganyi? Muntu nansha umue! Bualu Yezu Kristu mmufue, mubike kabidi. Udi ku dia bukole dia Mvidi Mukulu, utuakuila.


Kadi Mvidi Mukulu uvua mundame too ne ku lelu. Ke muntshidi mua kujadikila bantu bonsu, bana ne bakulumpe, malu a Mvidi Mukulu. Ndi ndongesha amu bivua bambi ne Moshe bamanyishe bantu ne:


bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”


mMumushe kansungasunga konsu munkatshi muetu nabu. Ke padiye mujimije mibi yabu, bualu bavua bitaba.


Muntu ewu unudi bamona, kabidi bamanye, udi wenda ku bukole bua dina dia Yezu, ne bua ditaba divuaye nadi pa dina adi. Bu muvuaye muitabe Yezu, ke padiye wenda bimpe kashidi, bu munudi bamumona mujukilamu.


Kadi bidibu bafundamu mbabifunde bua nuitabe ne: Yezu udi Meshiya, Muana wa Mvidi Mukulu. Kabidi panudi numuitaba, nenupete muoyi kudiye.


Muntu udi witaba, bamutue mu mayi, neapande. Kadi wabenga kuitaba neapete tshibawu.


Kakuena mvidie nansha umue, udi mukufuane wewe Maweja-Nangila. Udi ufuila bantu bebe badi bashala ne muoyi luse, kuyi musue kuvuluka kashidi bilema biabu. Kuena ulama tshiji matuku onsu. Disanka diebe didi amu dia kutunanga, kutuenzela bimpe.


Ke meme kudiela ku makasa ende bua kumukukuila. Kadi kungambilaye ne: — Kuenji nanku to! Meme kabidi ndi amu muena mudimu bu wewe, bu bana benu badi bitaba bulelela buvua Yezu mubamanyishe. Kukuila Mvidi Mukulu nkayende! Bulelela budi Yezu ujadika, ke Mueyelu udi umanyisha bambi malu.


Kadi Mikanda ya tshijila idi yamba ne: “Bantu bonsu mbapika ba bubi.” Nanku bidi Mvidi Mukulu ulaya, nebabipete amu kudi Kristu, padibu bamuitaba.


Mbapeshe tshisamba tshiebe ne tshimenga tshia tshijila tshiudi musombe bidimu makumi muanda mutekete, bua bajikije ditomboka diabu, balekele malu mabi, bafuilangane luse, bakose nsambu pa yoyi kashidi. Nanku malu adi Mvidi Mukulu uleja, adi bambi bambe, neakumbane. Nebajidile tshiakabidi nzubu wa Mvidi Mukulu wa tshijila.


Mvidi Mukulu uvua mubishe ku lufu Mfumu wetu Yezu, udi mulami munene wa mikoku, ku mashi a mulambu wende, adi ajadika ndondu wa tshiendelele.


Muanende ke udi mutupikule, mutujimijile mibi.


Mvidi Mukulu mmutupikule ku bubi, mmutujimijile mibi yetu yonsu ku mulambu wa lufu lua Yezu Kristu. Ke muvuaye mutuleje ditunanga diende dia dikema.


Bualu difutu didi bubi butufuta ke lufu. Kadi dipa didi Mvidi Mukulu utupesha patupu ku luse luende, ke muoyi wa kashidi, patudi tudisanga ne Mfumu wetu Yezu Kristu.


Mvidi Mukulu mmukumbaje bivuaye mudianze kumanyisha ku kale kudi bambi bonsu ne: Kristu wende uvua ne bua kukenga.


Pashishe Filipe kusambakena ne Natanayele. Kumuambilaye ne: — Tuvua bamone muntu uvua Moshe mutele mu mukanda wa Mikenji, kabidi uvua bambi bambe. Ke Yezu, muana wa Yozefe, muena mu tshimenga tshia Nazarete.


Badi ne bua kulongesha bisamba bionsu mu dina diende, kutuadija ku Yerushalayime, ne: kudiye ke kudi bantu mua kupeta bukole bua kudilengeja, bua Mvidi Mukulu abajimijile mibi yabu.


Kadi lelu, Mvidi Mukulu mmutuleje mudiye utubingisha kumpala kuende, kabiyi bua dikumbaja dia mikenji. Mikenji ne bambi bivua bimane kujadika ne:


跟着我们:

广告


广告