Bienzedi 10:32 - MUKANDA WA MYIDI MUKULU

³² Nanku tuma bantu mu Yope, babikile Simone udi kabidi dina ne Petro. Udi usomba ku nzubu kua munga Simone, muena mudimu wa biseba, muena nzubu udi ku muelelu wa mayi manene.”

Mukanda wa Nzambi Dihungila Dikulukulu ne Dihungila Dihia-dihia 2003

³² Tuma dî ku Yopa, ubikile Simona udibo babikila ne, Petelo; yeye udi ulala mu nsubu wa Simona mukuonyi wa biseba udi hehi ne mai.

Bienzedi 10:32 交叉引用

Yowanane 4:9

Mukaji muena Samariya kuandamuna Yezu ne: — Kadi, wewe udi muena Yuda! Muudi ukimina kundomba mayi a kunua, meme muena Samariya mbishi? (Bualu bena Yuda kabena bumvuangana ne bena Samariya to.)

Yowanane 18:28

Pashishe kumukabu ne Yezu kua Kayifa, kuyabu nende ku nzubu wa bukalenga wa mulombodi wa ditunga. Bivua dinda dinda. Kadi bamfumu ba bena Yuda kabavua babuela mu nzubu wa bukalenga, bua kabapi mikiya, kadi bapange mua kudia didia dia tshibilu tshia Dipita dia Maweja-Nangila.

Bienzedi 10:31

Kungambilaye ne: “Korneliyuse, Mvidi Mukulu mmumvue muudi umutendelela, kabidi mmuvuluke muudi wambuluisha bapele.

Bienzedi 10:33

Ke meme kukubikidisha diakamue. Wewe pebe udi muenze bimpe, bu muudi mufike. Mpindiewu tudi bonsu kumpala kua Mvidi Mukulu, bua kumvua tshidi Mfumu mukuambile bua kutumanyisha.

Bienzedi 11:3

bamba ne: — Udi mubuele mu nzubu ya bantu ba bisamba bikuabu, bavuabu kabayi bateke panshi, muebe kabidi nabu bua tshinyi?

2 Kulondolola 2:16

Shelomu kusangisha benyi bonsu bavua basomba mu ditunga dia Izrayele, bilondeshile muvua tatuende Davide mubabadike. Bavua binunu lukama makumi atanu ne bisatu ne nkama isambombu.

Mika 4:2

Bisamba bia bungi bia bantu nebiyemu. Nebambilangane ne: “Tuyayi ku mukuna wa Maweja-Nangila, tubuelayi mu nzubu wa Mvidi Mukulu wa Yakobe. Yeye neatulongeshe tshitudi ne bua kuenza, tuetu netulonde njila udiye utuleja. Bualu dilongesha dia Maweja-Nangila didi difuma mu Siyone, bidiye wamba bidi bipatuka mu Yerushalayime.

Bienzedi 9:6

Kadi, juka, buela mu tshimenga. Nebakuambilemu tshiudi ne bua kuenza.

Bienzedi 9:43

Petro kushala matuku mavule mu Yope kua Simone, muena mudimu wa biseba.

Bienzedi 10:5

Nanku tuma bantu mu Yope, ubikidishe Simone, udi dina dikuabu ne Petro.

Bienzedi 11:14

Neukumanyishe malu adi mua kukusungidila, wewe ne nzubu webe mujima.”

Bienzedi 15:7

Bamane kuelangana meji mukungulu mule, Petro kujuka, kubambila ne: — Bana betu, nudi bamanye ne: kukadi matuku a bungi, Mvidi Mukulu mmunsungule munkatshi muenu, bua meme kumanyisha bantu ba bisamba bikuabu Lumu lua Disanka, bua balumvue, bitabe Yezu.

Bienzedi 16:9

Butuku Mvidi Mukulu kuleja Polu malu. Kumonaye muntu wa bena Masedoniya muimane, umulomba ne: “Pitshila mu Masedoniya, uvue kutuambuluisha!”