Bienzedi 10:22 - MUKANDA WA MYIDI MUKULU

²² Bantu kuandamuna ne: — Korneliyuse, mulombodi wa tshisumbu tshia basolayi, mmututume. Udi muntu muimpe, muitabi wa Mvidi Mukulu. Bena Yuda bonsu badi bamuanyisha. Mutumibue wa Mvidi Mukulu mmumulombe, bua akubikidishe kuende, umvue malu audi mua kumuambila.

Mukanda wa Nzambi Dihungila Dikulukulu ne Dihungila Dihia-dihia 2003

²² Bakamba ne, Kônelio, kapitene ka masalayi lukama, udi muntu muakane udi utshina Nzambi, lumu luandi ludi luimpe ku tshisamba tshionso tshia Bena Yuda; Nzambi wakamudimusha kudi muanjelo wa tshijila bua kukubikileye ulue mu nsubu muandi ne bua kunvueye mei ebe.

Bienzedi 10:22 交叉引用

Bienzedi 11:14

Neukumanyishe malu adi mua kukusungidila, wewe ne nzubu webe mujima.”

Bienzedi 10:2

Uvua muntu wa Mvidi Mukulu, umutendelela pamue ne nzubu wende mujima. Uvua wambuluisha bakengi ba bena Yuda ne bintu bivule, utendelela Mvidi Mukulu misangu ne misangu.

3 Yone 1:12

Bonsu badi banyisha Demetriyose. Bulelela mene budi bumubingisha Tuetu kabidi tudi tujadika buimpe bua malu ende. Wewe kabidi udi mumanye ne: bitudi tujadika mbilelela

2 Petro 3:2

Ndi musue bua nuvuluke miaku ivua bambi ba tshijila banulongeshe kale, kabidi ne mikenji ya kudi Mfumu ne Musungidi, ivua bapostolu benu banumanyishe.

Ebrewu 12:23

Nudi basemena pabuipi ne tshisangilu tshia tshibilu tshia banabute ba Mvidi Mukulu badi ne mena abu mafunda mulu. Nudi basemena pabuipi ne Mvidi Mukulu, mulumbuluishi wa bantu bonsu. Nudi basemena pabuipi ne mieyelu ya bantu batata benze bidi Mvidi Mukulu musue, bafike ku bujima buabu.

Ebrewu 11:2

Mvidi Mukulu uvua muanyishe bantu ba kale bualu bavua bitaba.

Ebrewu 10:38

Kadi, muntu udi wenza bindi musue, neikale ne muoyi, bualu udi witaba. Kadi padiye upingana tshianyima, tshiena nsanka kabidi bualu buende nansha.”

1 Timote 3:7

Ikale kabidi ne lumu luimpe kudi bantu badi kabayi bena Kristu, bua kabamupepeji. Tshianana udi mua kupona mu mateyi a diabolu.

2 Korente 5:18

Bionsu abi Mvidi Mukulu ke udi ubienza. Udi mututuangaje nende kudi Kristu, mutupeshe kabidi mudimu wa kufikisha bantu bakuabu bua badilengeje nende.

Rome 1:17

Bualu Lumu lua Disanka ludi luleja mudi Mvidi Mukulu ubingisha bantu ku mesu kuende, amu bua ditaba nkayadi. Biangatshile ku ntuadijilu too ne ku ndekelu njila wa kulonda udi amu wa ditaba. Bualu Mukanda wa tshijila udi wamba ne: “Udi ubinga ku mesu kua Mvidi Mukulu bua ditaba, neikale ne muoyi.”

Bienzedi 24:15

Ndi mutekemene kudi Mvidi Mukulu, amu mudibu bobu mene batekemene ne: bantu bimpe ne babi nebabiike ku bafue.

Bienzedi 22:12

Momu amu muvua muntu, diende Ananiyase, munangi wa Mvidi Mukulu, uvua ukumbaja bimpe mikenji yetu. Bena Yuda bonsu ba mu tshimenga atshi bavua bamuanyisha.

Bienzedi 10:33

Ke meme kukubikidisha diakamue. Wewe pebe udi muenze bimpe, bu muudi mufike. Mpindiewu tudi bonsu kumpala kua Mvidi Mukulu, bua kumvua tshidi Mfumu mukuambile bua kutumanyisha.

Bienzedi 10:6

Udi usomba kua munga Simone, muena mudimu wa biseba, muena nzubu udi ku muelelu wa mayi manene.

Bienzedi 6:3

Nenku bana betu, sungulayi munkatshi muenu bantu ba lumu luimpe muanda mutekete, badi buwule ne Mueyelu wa Tshijila, kabidi ne meji. Netubateke ku mudimu ewu.

Yowanane 17:20

Tshiena ntendelela amu bualu buabu nkayabu to, kadi kabidi bua bonsu balualua kungitaba bua dilongesha diabu.

Yowanane 17:8

Bualu mvua mubambile meyi auvua mungambile, bobu kuitaba. Mbitabe ne: mvua mufume kuudi menemene. Mbitabe kabidi ne: wewe ke uvua muntume.

Yowanane 13:20

Ndi nnujadikila ne: muntu wakidila muntu undi ntuma, udi ungakidila meme. Muntu udi ungakidila udi wakidila uvua muntume.

Yowanane 6:68

Simone Petro kumuandamuna ne: — Mfumu, netuye kudi nganyi? Wewe ke udi ne miaku idi ifila muoyi wa tshiendelele.

Yowanane 6:63

Mueyelu wa Tshijila ke udi ufila muoyi. Muntu nkayende kena ne tshidiye mua kuenza nansha. Miaku imvua munuambile idi Mueyelu ne muoyi.

Yowanane 5:24

Ndi nnujadikila ne: muntu udi uteleja bindi ngamba, witaba uvua muntume, udi ne muoyi wa tshiendelele. Kabena bamupisha ku tshilumbu to. Kadi ukadi mumane kumuka ku lufu, mupete muoyi.

Luke 23:50

Muvua muena Yuda mukuabu, dina diende Yozefe, wa mu tshimenga tshia Arimateya. Uvua muntu muimpe, mutshinyi wa Mvidi Mukulu, muindile difika dia Bukalenga buende. Uvua kabidi muena Tshipangu tshikulu. Kadi kavua muanyishe muvua bena Tshipangu bakuabu bakose nsambu, nansha malu makuabu avuabu benza.

Luke 2:25

Diba adi mu Yerushalayime muvua muntu, dina diende Shimeyone. Uvua unemeka Mvidi Mukulu, ukumbaja bivuaye musue. Uvua muindile muntu uvua ne bua kusungidila bena Izrayele. Mueyelu wa Tshijila kabidi uvua nende.

Marke 8:38

Pikala muntu ufua bundu bualu buanyi ne bua miaku yanyi munkatshi mua bena lelu, badi babenga Mvidi Mukulu, benza malu mabi, nenku Muana wa muntu kabidi neafue bundu bualu buende pafikaye mu butumbi bua Tatuende pamue ne batumibue ba tshijila.

Marke 6:20

Bualu Erode uvua unemeka Yowanane, uvua mumanye ne: mmuntu muimpe, udi kabidi wa tshijila. Uvua umulama biakane. Pavuaye umuteleja, uvua ne dipampakana mu muoyi bikole. Kadi uvua munange mua kumuteleja ne disanka.

Matayi 1:19

Yozefe uvua mumubangile, uvua muntu wa nsongu. Kavua musue kumanyisha bantu bualu ebu, bua kafuishi Mariya bundu. Nanku kushindikaye bua kushiyangana nende mu musokoku.

Abakuke 2:4

Funda nanku: bena buenzayi nebafue. Kadi bantu badi benzela bakuabu bimpe, nebapete muoyi, bualu badi bitaba Maweja-Nangila.

Osheya 14:9

Bena Efrayime, mpingu idi inuenzela tshinyi? Meme ke udi upesha bena Efrayime bionsu bidibu balomba. Meme ke udi ubalama. Meme ndi mutshi wa siprese udi usasa matuku onsu kauyi uuma to. Meme ke udi ubapesha maminu.

Matayi 2:12

Kadi Mvidi Mukulu kubadimuja mu tshilota bua kabapinganyi kudi Erode kabidi to. Nanku kupinganabu kuabu mu njila mukuabu.

Luke 9:26

Pikala muntu umfua meme bundu, ubenga kuitaba patoke miaku yanyi, Muana wa muntu neamufue kabidi bundu, paluaye mu butumbi buende, ne mu butumbi bua Tatu, ne bua batumibue bende ba tshijila.

Bienzedi 10:21

Nanku Petro kutuluka, kuya kuvua bantu abu, kubambila ne: — Ke meme unudi nukeba ewu. Tshinudi bavuile ntshinyi?

Bienzedi 10:30

Korneliyuse kuandamuna ne: — Kukadi matuku asatu, mvua ntendelela ku nzubu kuanyi, pa diba edi dia isatu wa dilolu. Meme kumona muntu umueneka diakamue kumpala kuanyi, muvuale tshilamba tshibalakana.

Didimanyisha 14:10

Mvidi Mukulu neamunuishe maluvu a tshiji tshiende, avuaye muele mu dikopu dia tshiji tshiende, kayi musakidile mayi! Bonsu badi bakukuila nyama, nebabakengeshe mu kapia ne mu mvuanda, batumibue ba tshijila ne Muana wa mukoku bamone.

Dielulula 30:13

Mikenji eyi kayena dishiya dia Mayi manene, bua nuenu kuamba ne: “Muntu wasabuka mayi bua kutuangatshilayi bua tuetu kuyimanya, kuyikumbaja nnganyi?”