Bienzedi 10:14 - MUKANDA WA MYIDI MUKULU

¹⁴ Ke Petro kuandamuna ne: — Mfumu, tshiena mua kuenza nanku to! Bualu katshia tshiena muanji kudia tshintu tshidi Mvidi Mukulu mukandike, nansha tshia mikiya.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Kadi Petelo wakamba ne, Nasha, Mukelenge; ku kale tô ne katataka tshiena muanze kudia bintu bia tshianana ne bidi tshijila.

Bienzedi 10:14 交叉引用

Lewitiki 20:25

Nanku, nunemeke mikenji idi itangila nyama idi ne mikiya ne idi kayiyi nayi, nyunyi idi ne mikiya ne idi kayiyi nayi. Kanudipishi mikiya panudi nulenga nyama, nyunyi nansha bilandadi bidi ne mikiya. Ndi munupe mikenji eyi bua nujadike bintu bidi ne mikiya.

Yezekiyele 4:14

Meme kuela diyi ne: — Eyi! Maweja-Nangila Mvidi Mukulu, meme katshia tshiena muanji kupia mikiya musangu nansha umue to. Bituadije ku buana buanyi, tshiena muanji kudia munyinyi wa nyama mudifuile, nansha mushipa kudi nyama mukuabu wa tshisuku to. Munyinyi udi mupie mikiya ki mmuanji kubuela mukana muanyi to.

Danyele 1:8

Bu muvua Daniyele ubenga kupia mikiya, kudikandikaye bua kudia ne bua kunua bivua mukalenga udia ne unua. Nanku Daniyele kuambila mulombodi wa bena mudimu bua kamupeshi biakudia bidi ne mikiya nansha.

Bienzedi 10:28

Kubambilaye ne: — Nudi bamanye mudi meyi ne mikandu bietu bikandike bikole bua muena Yuda kumvuangana ne bantu ba bisamba bikuabu, nansha kubuela mu nzubu yabu. Kadi Mvidi Mukulu mmundeje mundi tshiyi mua kutangila muntu nansha umue ne: udi ne mikiya, nansha kubenga kubuela kuende.

Bienzedi 9:5

Shawule kuebeja ne: — Mukalenga, wewe udi nganyi? Ke diyi kuandamuna ne: — Ndi Yezu uudi ukengesha.

Luke 1:60

Kadi mamuende kubenga, wamba ne: — Nansha kakese! Dina diende nYowanane.

Matayi 25:9

Midimuke kuandamuna ne: “Too! Bualu mafuta kaena mua kutukumbana nenu to. Nanku mbimpe nuye kudi bapanyishi, nuye kusumba enu.”

Matayi 16:22

Ke Petro kuya nende ku luseke, kutuadija kumutandisha, wamba ne: — Mfumu, Mvidi Mukulu akuepule ku bualu ebu! Bualu bua nanku kabinuenzekedi!

Yezekiyele 44:31

Kadi, batuangaji kabena mua kudia munyinyi wa nyunyi nansha wa nyama bidifuile, nansha ivuabu bashipa kudi nyama wa muitu.”

Ekesode 10:11

Kabiena mua kuenzeka to. Nuenu bantu balume bu munudi nujinga kutendelela Maweja-Nangila, nuye nkayenu. Kuipatabu Moshe ne Arone muaba uvua mukalenga wa bena Ejipitu.

Genese 19:18

Lote kumusengelela ne: — Mukalenga, kabienzeki nanku to!

Matayi 8:2

Muena nsudi kusemena kudiye, kutua binu kumpala kuende, wamba ne: — Mfumu, bu wewe musue, udi mua kujikija disama dianyi.

Matayi 15:11

Tshidi tshibuela mukana mua muntu ki ntshidi tshimupisha mikiya to. Kadi amu tshidi tshipatukamu, ke tshidi tshimupisha mikiya.

Marke 7:2

Kumonabu bamue ba ku balongi bende badia biakudia kabayi bowa bianza, bu muvuabu bafunde mu mikenji ya Mvidi Mukulu.

Yowanane 4:11

Mukaji kumuambila ne: — Mulongeshi, kuena ne mbeketshi, kabidi tshiina tshidi tshiondoke. Kadi mayi a muoyi udi mua kuapeta bishi?

Bienzedi 10:13

Petro kumvua diyi, dimuamba ne: — Petro, juka, ushipe, udie!

Bienzedi 22:8

Meme kuebeja ne: “Mukalenga, wewe udi nganyi?” Diyi kungandamuna ne: “Ndi Yezu wa mu Nazarete uudi ukengesha.”