Bienzedi 1:14 - MUKANDA WA MYIDI MUKULU

¹⁴ Bonsu bavua muoyi umue, bananukila mu ditendelela, pamue ne bakaji bakuabu, kabidi ne Mariya, mamuende wa Yezu, ne bana babu ne Yezu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Buonso buabo bakadi ne mitshima muomumue, bakananukila kutendelela Nzambi, ne bakashi, ne Malia mamu wa Yesu, ne bana babo ne Yesu.

Bienzedi 1:14 交叉引用

Efeze 6:18

Kanupu muoyi bua kutendelela Mvidi Mukulu. Nulombe bua anuambuluishe. Tendelelayi diba dionsu mudi Mueyelu wa Tshijila unusaka. Tabalayi, lombelayi bantu bonsu ba Mvidi Mukulu, kanuyi nulekela.

Bienzedi 6:4

Tuetu netutungunuke ne mudimu wetu wa kutendelela Mvidi Mukulu, ne wa kulongesha muaku wende.

Kolose 4:2

Tendelelayi Mvidi Mukulu ne munanunanu. Mutendelelayi, numuele tuasakidila, kanuyi nupungila.

Bienzedi 2:42

Matuku onsu bantu abu bavua basombe kaba kamue: bavua bateleja ne ntema bivua bapostolu babalongesha, badisanga mu buena muntu, badila kaba kamue batendelela bonsu pamue.

Rome 12:12

Ikalayi ne disanka bua ditekemena dinudi nadi. Ikalayi ne lutuulu panudi mu dikenga. Tendelelayi Mvidi Mukulu ne munanunanu.

Luke 18:1

Pashishe bua kulongesha balongi bende mudibu ne bua kutendelela diba dionsu, kabayi batekesha mu maboku, Yezu kubelela lusumuinu ne:

Matayi 21:22

Bu nuenu nuitaba, nenupete bionsu binudi nulomba mu ditendelela.

Bienzedi 2:1

Dituku dia Pentekostese bena ditaba bonsu bavua basangile muaba umue.

Luke 11:13

Nanku nuenu bantu babi, nudi bamanye mua kupesha bana benu bintu bia nsongu. Mudi Tatu wa mu diulu mua kubenga kupesha bantu Mueyelu wa Tshijila udibu balomba mbishi?

Bienzedi 2:46

Ku dituku ku dituku, bavua basangila mu nzubu wa Mvidi Mukulu ne muoyi umue, bakosolola diampa pamue mu nzubu yabu, badila pamue ne disanka, ne muoyi wa dinanga.

Luke 24:53

Diba dionsu bavua batumbisha Mvidi Mukulu mu nzubu wende.

Matayi 12:46

Yezu utshivua wakula ne bantu, ke mamuende ne bana babu ba balume kufika. Bavua bimanyine pambelu, balomba mua kuyukila nende.

Luke 24:10

Bakaji abu ke Mariya wa mu Magdala, Yowana, ne Mariya, mamuende wa Yakobe. Bakaji bakuabu bavua nabu, batua balondela bapostolu malu mushindu umue.

Luke 23:55

Bakaji bavua balonda Yezu biangatshile ku Ngalileya, kulondabu Yozefe. Kutangilabu lukita, ne muaba uvuabu bateke Yezu.

Luke 23:49

Balunda bonsu ba Yezu, kabidi ne bakaji bavua bamulonda biangatshile ku Ngalileya, bavua bimanyine pa bule bua kubandila bionsu bivua bienzeka.

Marke 16:1

Dituku dia Dikisha dimane kupita, Mariya muena Magdala, ne Mariya mamuende wa Yakobe kabidi ne Salome kusumbabu manananshi bua kuya kulaba tshitalu tshia Yezu.

Marke 15:40

Bakaji bakuabu bavua kabidi muaba awu, bavua batangidile pa bule. Munkatshi muabu muvua Mariya wa mu tshimenga tshia Magdala, ne Mariya mamuende wa Yakobe mukese ne wa Yose, kabidi ne Salome.

Matayi 27:55

Bakaji ba bungi batua kuine aku, batangile pa bule. Bobu ke bavua balonda Yezu biangatshile ku Ngalileya bua kumuambuluisha.

Luke 24:33

Diakamue balongi kujuka, kupingana ku Yerushalayime. Kuine aku kusanganabu bapostolu dikumi ne umue, bunguile ne balongi bakuabu,

Luke 8:20

Ke bantu bakuabu kumanyisha Yezu ne: — Mamuebe ne bana benu badi pambelu, bakeba kumonangana nebe.

1 Korente 14:13

Nanku udi wakula mu miakulu idi bantu kabayi bamanye, udi mua kulomba kudi Mvidi Mukulu dipa dia kuyumvuija.