Balombodi 6:3 - MUKANDA WA MYIDI MUKULU

³ Misangu yonsu ivua bena Izrayele bamane kukuna biakudia mu madimi, bavua bababunda mvita kudi bena Madiyane, bena Amaleke, ne kudi bantu balalakanyi bavua bafuma luseke ludi diba dipatukila.

Mukanda wa Nzambi Dihungila Dikulukulu ne Dihungila Dihia-dihia 2003

³ Hakakuna Bena Isalele bintu mu buloba, hashishe Bena Midiyana ne Bena Amaleka ne bantu ba ku esete bakatua kudibo, bakafila kubalesha;

Balombodi 6:3 交叉引用

Balombodi 7:12

Bena Madiyane, bena Amaleke, ne bantu balalakanyi bavua bafuma luseke ludi diba dipatukila, bavua bapasalala mu mpata bungi bu mpasu. Bivua ne tumelu tupite bungi, bu lusenga ludi ku muelelu wa mayi manene.

Balombodi 6:33

Bena Madiyane, bena Amaleke, ne bantu balalakanyi bavua bafuma luseke ludi diba dipatukila, kudisangisha, kusabuka Yardene. Kuasabu mitanda yabu mu mpata wa Yizreyele.

Balombodi 3:13

Mukalenga Eglone kumyuangana ne bena Amone, kabidi ne bena Amaleke. Kuluishabu bena Izrayele, kukuata tshimenga tshia Yeriko.

Yobe 1:3

Uvua ne mikoku binunu muanda mutekete, nyama ya tumelu binunu bisatu, nyama ya ngombe milume ne mikaji tshinunu, ya mpunde mikaji nkama itanu. Uvua kabidi ne bena mudimu bavule. Bantu bonsu bavua basombe ku luseke lua Palestine ludi diba dipatukila, amu yeye ke uvua mubapite ku bubanji ne ku biuma.

Balombodi 8:10

Zeba ne Salmuna bavua ku Karkore ne bena mvita babu, bavua bashale anu binunu dikumi ne bitanu. Ke bena mvita bavua bashale ba ku bantu balalakanyi bavua bafuma luseke ludi diba dipatukila. Bualu bena mvita bakuabu binunu lukama ne makumi abidi, bavua bamane kubashipa mu mvita.

Genese 29:1

Yakobe kutungunuka ne luendu, kuya ku ditunga dia kudi diba dipatukila.

Mika 6:15

Nenukune maminu, kanuyi nunowa. Nenukame bimuma bia olive, kanuyi mua kudilaba mafuta pambidi. Nenukame bimuma bia mvinyo, kadi kanuakunua maluvu.

Yobe 31:8

nanku muntu mukuabu adie bindi mumiamine. Biakudia bitshidi pa madimi babibutule.

Dielulula 28:51

Nebanyenge bimuna bionsu, ne biakudia bionsu binuvua banowe: ntete ya kuenza bukula, maluvu a mvinyo, mafuta, too ne bana ba ngombe, ba mikoku ne ba mbuji. Nenufue, nubutuke bonsu ne nzala.

Lewitiki 26:16

nenku nennunyoke mushindu ewu: “Nennukuatshishe bowa, nunyane, nupete disama dia mubidi luya. Makenga aa neanupangishe mua kumona bimpe. Nenushale ne muoyi matuku makese. Nenukune biakudia mu madimi enu, kadi nebabidie amu kudi baluishi benu.

Balombodi 6:2

Bena Madiyane kukengesha bena Izrayele bikole. Bua kunyema bena Madiyane, bena Izrayele kuya kusokoma mu milundu, mu njila ya mu mbuebue, ne mu miaba mikuabu ya mu mikuna mipulumuke.

Balombodi 6:4

Bantu aba, bavua basa mitanda yabu mu madimi a bena Izrayele, bua kunyangakaja biakudia mu madimi, too ne mu madimi awa pabuipi ne tshimenga tshia Ngaza. Kabavua bashila bena Izrayele tshintu tshia kudia. Kabavua babashila nansha mukoku, nansha ngombe, nansha mpunde.

1 Bakalenga 20:27

Mukalenga Akabe kabidi kubandila bena mvita ba bena Izrayele, kubapesha biakudia. Kuyabu bua kusambakena ne baluishi babu. Bena mvita ba bena Izrayele kuasa mitanda mu bisumbu bibidi bitangilangane ne bena Siriya. Bena mvita ba bena Izrayele bavua bamueneka anu bu bisumbu bikese bia mbuji bibidi. Kadi, bena Siriya bavua bapite bungi, batuangane ditunga dijima.

Yeshaya 62:8

Maweja-Nangila mmuditshipe, wamba ne: “Bulelela, bu mundi ne bukole bua kuenza tshindi musue, ndi nditshipa kudi bantu banyi ne: tshiena mua kuitaba bua baluishi bebe kudiabu ntete ya bukula iudi mudime, nansha bua bantu badi bafuma ku matunga a bende kunuabu maluvu mapiamapia, audi mutatshile ne midimu.

Yezekiyele 25:4

Nanku, ndi ntuma bendakanyi ba bisamba bia bende, ba kudi diba dipatukila, bua bakuate ditunga dienu. Nebase mpangu yabu mu buloba buenu, nebasemu mitanda yabu. Nebadie bimuma bienu, nebanue mabele anudi nawu.

Genese 25:6

Patshivuaye ne muoyi, kupeshaye bana bavuaye mulele ne bakaji bakuabu, biabu bintu bia bumpianyi. Kadi kubumushaye mu ditunga divua Izake. Kubatumaye mu ditunga dia ku luseke ludi diba dipatukila.

Ekesode 17:8

Bena Amaleke kufika mu Refidime bua kuluisha bena Izrayele.

Balombodi 10:12

bena Sidone, bena Amaleke ne bena Mayone, nuvua bambikile bua meme kunuambuluisha. Tshiena munumushe mu bianza biabu anyi?

1 Bakalenga 5:10

Shelomu uvua ne meji a bungi, mupite bena meji bonsu ba bena Arabe ne ba bena Ejipitu.

Yeshaya 11:14

Nebaye bonsu pamue batangile luseke ludi diba dibuelela, ku mikuna ya bena Peleshete. Bonsu babidi nebaye batangile luseke ludi diba dipatukila, bua kupawula bisamba bidi mu tshipela. Nebakuate ditunga dia bena Edome ne dia bena Mowabe. Bena Amone nebikale ku bumfumu buabu.

Yirmeya 49:28

Bua bena Arabe ba mu Kedare ne bua makalenga a Ashore bivua Nebukadnesare, mukalenga wa mu Babilone mutshimune, Maweja-Nangila udi wamba ne: Jukayi, nuye kuluisha bena Kedare. Nubutule bisamba bidi mu tshipela luseke ludi diba dipatukila.

Yezekiyele 25:3

Ubambile bua bateleje tshindi meme Maweja-Nangila mbambila ne: “Nuvua nuseka pavuabu banyanga muaba wanyi wa tshijila, pavuabu babutula ditunga dia bena Izrayele, pavuabu baya ne bena Yuda mu bupika.