Balombodi 4:6 - MUKANDA WA MYIDI MUKULU

⁶ Dituku dikuabu, Debora kubikidisha Barake, muana wa Abinoyame, uvua usomba mu Kadeshe mu buloba bua Naftali. Debora kuambila Barake ne: — Teleja tshidi Maweja-Nangila Mvidi Mukulu wa bena Izrayele ukuambila bua kuenza: “Uye kusungula bantu balume binunu dikumi ku tshisamba tshia Naftali, ne tshia Zebulone. Uye nabu pa mukuna wa. Tabore.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Yeye wakatuma mukenji, wakabikila Balaka, muana mulume wa Abinoama, ku Kedeshe-nafatale, wakamuambila ne, Yehowa, Nzambi wa Isalele, kakamba ne, Uye biebe ku luseke lua mukuna wa Tabô ne binunu dikumi bia bantu ba munkatshi mua Bena Nafatale ne Bena Zebulona, anyi?

Balombodi 4:6 交叉引用

Ebrewu 11:32

Nengambe tshinyi kabidi? Tshiena ne diba dia kumvuija malu a Ngideyone, a Barake, a Shimeshone, a Yefete, a Davide, a Samuwele ne a bambi.

Bienzedi 13:47

Bualu Mfumu mmutuleje bua kuenza nunku, pavuaye wamba ne: “Ndi mukuteke butoke bua bantu ba bisamba bikuabu, bua ufikishe lupandu ne ku ntengu ya buloba.”

Balombodi 8:18

Pashishe Ngideyone kukonka Zeba ne Salmuna ne: — Bantu banuvua bashipe ku Tabore, bavua mushindu kaayi? Kumuandamunabu ne: — Bantu abu bavua bafuanangane nebe. Muntu yonsu wa kudibu uvua mufuanangane ne muana wa mukalenga!

Yoshua 19:37

Kedeshe, Edreyi, Ene-Ashore,

Osheya 5:1

Telejayi bimpe, nuenu batuangaji, nuenu kabidi bamfumu ba bena Izrayele, ne nuenu bonsu badi basombe mu lubanza lua mukalenga, nuenu ke bavua mua kulumbuluisha bantu bimpe. Kadi, ku Mispa nuvua bateye bantu banyi. Ku mukuna wa Tabore, nuvua nubamuenekela bu bukondu bumana kuela.

Yirmeya 46:18

— Mukalenga udibu babikila ne: “Maweja-Nangila wa bukole buonsu”, udi wamba uditshipa ne: Bu mundi ne muoyi bulelela, bu mudi mukuna wa Tabore munkatshi mua mikuna mikuabu, bu mudi mukuna wa Karmele mupite mayi manene bule. muluishi neafike munkatshi muenu ne bukole bupite.

Misambu 89:12

Diulu ndiebe, buloba mbuebe kabidi, wewe ke udi muase buloba bujima, ne bionsu bidipu.

Misambu 7:6

nanku muluishi andondakaje, ankuate, antue miseba, andiatakaje pantshidi ne muoyi. Bualu nkadi muena tshibawu tshia lufu!

1 Samuele 10:3

Pawatungunuka ne luendu, neufike pabuipi ne mutshi wa lusanga wa ku Tabore. Muaba awu, neusambakene ne bantu balume basatu badi baya mu nzubu wa Mvidi Mukulu wa mu Betele. Muntu umue neikale muambule bana ba mbuji basatu, muibidi neikale muambule tukata tua mampa lupepele tusatu, muisatu neikale muambule mulondu wa biseba muikale ne maluvu.

Balombodi 5:1

Dituku adi, Debora ne Barake muana wa Abinoyame, kuimbabu musambu ewu

Balombodi 4:10

Barake kusangisha bena Naftali ne bena Zebulone. Bantu balume binunu dikumi kuitaba bua kulonda Barake. Debora muine kuya nabu.

Yoshua 21:32

Mu buloba bua bena Naftali kupetabu bimenga bisatu, kusangisha ne mpata ya kudishila bimuna. Ke tshimenga tshia Kedeshe tshidi mu Ngalileya, tshia ku bimenga bia kunyemena; tshimenga tshia Amote-Adore, ne tshia Kartane.

Yoshua 19:32

Buloba basambombu buvua Yoshuwa mutshinke, uvua mubupeshe bena tshisamba tshia Naftali, bilondeshile muvua meku abu.

Yoshua 1:9

Ndi mumane kukuambila ne: kolesha muoyi, kutshinyi, kuzakadi, kutekeshi mu maboku. Bualu meme, Maweja-Nangila Mvidi Mukulu webe, nengikale nebe konsu kuudi uya.

Yoshua 19:22

Mukalu wabu uvua ufika ku Tabore, Shashayime, Bete-Shemeshe, ushikidila ku musulu wa Yardene. Mu buloba ebu muvua bimenga dikumi ne bisambombu, muvua kabidi misoku ivua pabuipi ne bimenga ebi.

Balombodi 6:35

Ngideyone kutuma bantu mu buloba bua Menashe buonsu. Kubikilaye bantu ba mu tshisamba atshi tshia Menashe bua kumulondabu. Kutumaye kabidi bantu bua kubikila bena bisamba ebi: tshia Ashere, tshia Zebulone ne tshia Naftali. Bantu bonsu abu kudisangisha ne Ngideyone.

1 Samuele 12:11

Pashishe Maweja-Nangila kutuma Ngideyone, Bedane, Yefete, kuntumaye ne meme Samuwele bua kunusungidila, kudi baluishi benu, bavua nenu mutumba. Ke munuvua basombe mu ditunga ne ditalala.

Yoshua 19:35

Bimenga bivua ne bimana bikolesha bivua: Sidime, Sere, Amate, Rakate, Kinerete,

Misambu 89:13

Wewe ke udi mufuke ku mutu kua ditunga, ne kuinshi kuadi, mukuna wa Tabore ne wa Ermone, idi isamuna dina diebe.