Balombodi 3:9 - MUKANDA WA MYIDI MUKULU

⁹ Bena Izrayele kudila, kubikila Maweja-Nangila bua abambuluishe. Maweja-Nangila kubatumina Otniyele, muana wa Kenaze (Kenaze mmuakunyi wa Kalebe), bua abasungidile.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Kakadila Bena Isalele kudi Yehowa, Yehowa wakabisha Bena Isalele musunyi di, nguakabasungila, Oteniele mene, muana wa Kenaza, muakunyi wa Kaleba.

Balombodi 3:9 交叉引用

Balombodi 3:15

Ke bena Izrayele kudila, kubikila Maweja-Nangila bua abambuluishe. Maweja-Nangila kubatumina musungidi. Ke Ekude, muana wa Ngera, wa mu tshisamba tshia Binyamine, uvua ne luboku. Bena Izrayele kutuma Ekude kudi Eglone, mukalenga wa bena Mowabe, bua afile milambu yabu kudiye.

Balombodi 1:13

Otniyele, muana wa Kenaze (Kenaze uvua muakunyi wa Kalebe), kukuata tshimenga atshi. Kalebe kumupesha muanende Aksa, bua ikale mukajende.

Balombodi 10:10

Kubikilabu Maweja-Nangila bua abambuluishe, bamuambila ne: — Tudi bakuenzele bibi. Bualu tudi bakulekele wewe Mvidi Mukulu wetu, bua kutendelela mvidie Baale.

Balombodi 6:7

Bena Izrayele bamane kulomba Maweja-Nangila, bua abasungidile kudi bena Madiyane,

Misambu 22:5

Bankambua betu bavua batekemena kuudi, wewe kubasungidila.

Balombodi 4:3

Yabine uvua ne matempu a mvita a biamu nkama tshitema. Uvua mukengeshe bena Izrayele bikole bidimu makumi abidi. Nanku bena Izrayele kubikila Maweja-Nangila bua abambuluishe.

Balombodi 2:16

Diba adi, Maweja-Nangila kusungula Balombodi, bua kulombolabu bena Izrayele. Nanku balombodi abu kusungidila bena Izrayele mu bianza bia bena tshinyangu.

Misambu 78:34

Bamane kupunga ne lufu, kutangilabu kabidi kudi Mvidi Mukulu, kupinganabu kudiye bakeba diambuluisha diende.

Nehemya 9:27

Nanku, wewe kubafila mu bianza bia baluishi babu, bavua babakengesha bikole. Kadi pavuabu mu dikenga dinene, bobu kukubikila. Wewe mu diulu, kubateleja. Bu mudi dinanga diebe kadiyi ndekelu, Wewe kutuma bilobu, bua kubasungidila kudi baluishi babu.

1 Samuele 12:10

Bankambua benu kubikila kabidi Maweja-Nangila, bua kubambuluisha, bamuambila ne: “Maweja-Nangila, tudi benze bibi, bualu tuvua bakubenga, bua kutendelela mvidie Baale ne Astarte. Kadi mpindiewu, utusungidileku kudi baluishi betu, netukuenzele mudimu.”

Yoshua 15:17

Otniyele, muana wa Kenaze, uvua muana wa muanabu ne Kalebe, kukuata tshimenga atshi. Kalebe kumupesha muanende Aksa bua ikale mukajende.

Balombodi 3:8

Maweja-Nangila kufikila bena Izrayele munda. Kubafilaye mu bianza bia Kushane-Rishatayime, mukalenga wa Mezopotamiya. Bena Izrayele kushala ku bumfumu buende bidimu muanda mukulu.

Balombodi 2:18

Misangu yonsu ivua Maweja-Nangila utumina bena Izrayele mulombodi, Maweja-Nangila nkayende uvua ku luseke lua mulombodi awu. Nanku Maweja-Nangila ke uvua usungidila bena Izrayele mu bianza bia baluishi, matuku onsu avua mulombodi awu ne muoyi. Maweja-Nangila uvua ufuila bena Izrayele luse, pavua-bu badila, banyingalala bua mushindu uvuabu babakengesha kudi baluishi babu.