Balombodi 19:3 - MUKANDA WA MYIDI MUKULU

³ Bayende kumulonda, musue kumusengelela bua apingane kumbelu. Uvua muye ku ba mukajende ne muena mudimu wende, kabidi ne nyama ya mpunde ibidi. Nsongakaji kubueja bayende mu nzubu mua tatuende. Tatuende wa mukaji umona muku wende, kumuakidila ne disanka.

Mukanda wa Nzambi Dihungila Dikulukulu ne Dihungila Dihia-dihia 2003

³ Bayandi wakabika, wakamulonda bua kumuambileye mei a kalolo ne bua kumuhingisha kabidi; muikale ne muena mudimu wandi ne mpunda ibidi; mukashi wakalua nʼandi mu nsubu wa tatu wandi. Hakamutangila tatu wa mukashi, yeye wakadi ne disanka bua kusangakena nʼandi.

Balombodi 19:3 交叉引用

Genese 50:21

Nanku kanutshinyi to. Meme nennuambuluishe ne meku enu onsu. Yozefe kukolesha bana babu ku muoyi ne miaku eyi ya mushinga mukole.

Genese 34:3

Kadi Shekeme kunanga Diina bikole, kumuambila malu onsu avua munda muende, bua atekeshe muoyi wende.

Ngalate 6:1

Bana hetu, bu mudi Mueyelu unulombola, nuenu bajikile muntu wenza bualu bubi, numupingaje mu njila mululame ne miaku mimpe. Yonsu wa kunudi amanye ne: badi mua kunteta ne meme kabidi.

Yowanane 8:11

Mukaji kuandamuna ne: — Mulongeshi, kakuena muntu uvua mumpishe. Ke Yezu kumuambila ne: — Nansha meme kabidi tshiena nkupisha to. Udi mua kumuka, kadi kuenji kabidi bualu bubi to.]

Matayi 1:19

Yozefe uvua mumubangile, uvua muntu wa nsongu. Kavua musue kumanyisha bantu bualu ebu, bua kafuishi Mariya bundu. Nanku kushindikaye bua kushiyangana nende mu musokoku.

Osheya 2:14

Nengupule mionji yende ya mvinyo, ne mitshi yende ya mfiku, ivuaye wamba ne: “Ke difutu didibu bangonda kudi babayanyi.” Nenshiye miaba yonsu ayi anu tshisuku. Nyama ya mu tshisuku neyipetele biakudia muaba awu.

Yirmeya 3:1

Maweja-Nangila udi ukonka ne: Pikala mulume mubenge mukajende, mumuipate, mukaji awu kumuselabu kudi mulume mukuabu, bayende wa kale udi mua kumuangata kabidi bu mukajende anyi? Nansha kakese! Ditunga didi mua kunyanguka. Kadi, wewe Izrayele, ndi njadika ne: udi mumane kuenda tshiendenda ne balume ba bungi. Muudi musue bua meme kukuangata kabidi bu mukajanyi mbishi?

Balombodi 15:1

Matuku mamane kupita, tshikondu tshia kunowa ntete ya kuenza bukula, Shimeshone kuya kumonangana ne mukajende. Uvua mumutuadile lukungulu lua mbuji. Shimeshone kulomba bua kubuela mu nzubu mua mukajende. Kadi tatuende muenu kubenga.

Dibadika 22:22

Mvidi Mukulu kufikila Balaame munda bua luendu alu. Mutumibue wende kuya kujika Balaame mu njila. Balaame uvua mubande pa nyama wa mpunde. Bena mudimu babidi bavua nende.

Lewitiki 20:10

“Muntu yonsu udi ubuelela mukaji wa bende mu nzubu, babashipe bonsu babidi, muena tshibawu kabidi ne mukaji awu.

Lewitiki 19:17

“Kanulaminyi muanenu lukuna. Kanutshinyi mua kubela muntu patoke bua tshilema tshiende, bua kanuikadi bonsu bena tshibawu.

Balombodi 19:2

Mukaji awu kutanda ne bayende, kunyema, kupingana ku Betleyeme kuvua tatuende. Kushalaye ku Betleyeme ngondu inayi.

Balombodi 19:4

Kumulamaye ku nzubu kuende matuku asatu. Muena Levi awu ne muena mudimu wende kudia, kunua, kulala ku nzubu aku.

Balombodi 19:26

Patshiatshia, mukaji awu kuya kudishinda mu mushiku wa mbelu wa nzubu wa mukulumpe awu, muaba uvua bayende mulale. Mukaji kushala muaba awu too ne mutshile butuku.

Osheya 2:16

Nanku nentekeshe mukaji awu, nemmupingaje kabidi mu tshipela, nemmuambile mundi mumunange bikole be.