Balombodi 13:3 - MUKANDA WA MYIDI MUKULU

³ Dituku dikuabu, mutumibue wa Maweja-Nangila kumuenekela mukaji awu, umuambila ne: — Ndi mumanye ne: kuena mulele, udi nkumba. Kadi newimite difu, neulele muana wa balume.

Mukanda wa Nzambi Dihungila Dikulukulu ne Dihungila Dihia-dihia 2003

³ Muanjelo wa Yehowa wakamueneka kudi mukashi, wakamuambila ne, Tangila, wewe udi nkumba, kuena muanze kulela; kadi wewe newimite difu, neulele muana wa balume.

Balombodi 13:3 交叉引用

Luke 1:13

Kadi mutumibue kumuambila ne: — Zekarya, kutshinyi nansha. Mvidi Mukulu mmuitabe ditendelela diebe. Mukajebe Elisabete neakulelele muana wa balume. Neumuinyike dina dia Yowanane.

Luke 1:11

Ke mutumibue wa Maweja-Nangila kumuenekela Zekarya. Mutumibue uvua muimane ku dia balume dia tshilambuilu tshia musenga wa kamonya.

Balombodi 13:8

Manowa kulomba Maweja-Nangila, wamba ne: — Maweja-Nangila, ndi nkusengelela, ututumine kabidi muntu wa Mvidi Mukulu uuvua mumane kututumina, bua atulongeshe mushindu utudi mua kukolesha muana waledibua awu.

Balombodi 2:1

Mutumibue wa Maweja-Nangila kumuka ku Ngilgale, kuya ku Bokime. Kuambilaye bena Izrayele ne: — Mvua munupatule mu Ejipitu, munufikishe mu ditunga edi, dimvua mulaye bankambua benu, muditshipe. Mvua muambe ne: kashidi tshiena mua kunyanga ndondu wanyi undi mutue nenu to.

2 Bakalenga 4:16

Elisha kumuambila ne: — Tshidimu tshidi kumpala etshi, anu tshikondu etshi, neukongoloje muana wa balume mu maboku. Kadi, mukaji kuela diyi ne: — Kundingi to! Wewe udi muambi wa Mvidi Mukulu, lekela kungambila bualu bua dishima!

Genese 18:10

Umue wa kudibu kulaya Abrahame ne: — Tshidimu tshialonda, ngondu wa momumue nempingane kuebe eku. Diba adi mukajebe Sara neikale mumane kulela muana wa balume. Sara uvua musombe mu mushiku wa mbelu wa ntenta, panyima pa bayende. Uvua muteleje bivuabu bamba abi.

Genese 17:16

Ndi mmuela lupemba. Neakulelele muana wa balume. Neikale mamuende wa bisamba bia bungi. Bakalenga ba bisamba bishilangane nebapatukile ku ndelanganyi yende.

1 Samuele 1:20

Ke Ane kuimita difu, kulela muana wa balume. Ane kuamba ne: — Muana ewu ndi mmuinyika ne: Samuwele, bu alu ndi mumulomba kudi Maweja-Nangila.

Balombodi 13:10

Mukaji kuya lubilu bua kuambila bayende ne: — Teleja, muntu uvua mummuenekele dituku dikuabu awu, mmumuenekele kabidi lelu!

Balombodi 13:6

Mukaji uya kuende, kuambilaye bayende ne: — Muntu wa Mvidi Mukulu mmummuenekele. Uvua bu mutumibue wa Mvidi Mukulu, bualu uvua mukuate bowa bua kumutangila. Tshiena mumukonke muaba udiye ufuma. Kena mungambile dina diende to.

Balombodi 6:14

Maweja-Nangila ukudimuka kudi Ngideyone, kumuambila ne: — Uye ne bukole buudi nabu ebu, usungidile bena Izrayele mu bianza bia bena Madiyane. Meme ndi nkutuma.

Balombodi 13:15

Manowa kuambila mutumibue ne: — Bu wewe musue, unsombeshe katupa. Netukulambile muana mbuji.

Genese 18:14

Kakuena tshidi mua kukolela Maweja-Nangila to. Tshidimu tshiavua, ngondu wa momumue, nempingane apa. Diba adi mukajebe Sara neikale mumane kulela muana wa balume.