Amosa 7:8 - MUKANDA WA MYIDI MUKULU

⁸ Kunkonkaye ne: — Amosa tshiudi umona ntshinyi? Ke meme kuandamuna ne: — Ndi mmona nshinga wa kuludika nende. Ke Maweja-Nangila kungambila ne: — Eyowa, ndi ndembeleja nshinga ewu munkathi mua bantu banyi, bua mmone ne: badi bantu balulame anyi? Tshiena musue bua basendame nansha kakese.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Yehowa wakankonka ne, Amosa, udi umona tshinyi? Nakamba ne, Luidi lua plomb. Ka Yehowa wakamba ne, Mona, nendembeleshe plomb munkatshi mua bantu banyi Bena Isalele; tshiena mbabuikidila bubi kabidi.

Amosa 7:8 交叉引用

Amosa 8:2

Kungebejaye ne: — Amosa, tshiudi umona ntshinyi? Meme kuandamuna ne: — Ndi mmona tshibondu tshia bimuma bimane kuboba. Ke Maweja-Nangila kunjadikila ne: — Eyowa, bantu banyi bena Izrayele mbamane kuboba! Nshikidilu wabu mmufike! Mbimpe babalumbuluishe! Nembanyoke, tshiyi luse!

Muadi 2:8

Maweja-Nangila uvua mushindike bua kubutula bimana bia Yerushalayime. Kubiupulaye bionsu, kulandakaja. Tshibumba ne bimana kuela muadi, bionsu kupuka musangu umue.

Yirmeya 15:6

Maweja-Nangila udi wamba ne: Nuenu ke badi bambenga, bangela nyima. Ke mumvua mufike bua kunubutula, bualu bidi bintonda bua kunufuila luse.

Mika 7:18

Kakuena mvidie nansha umue, udi mukufuane wewe Maweja-Nangila. Udi ufuila bantu bebe badi bashala ne muoyi luse, kuyi musue kuvuluka kashidi bilema biabu. Kuena ulama tshiji matuku onsu. Disanka diebe didi amu dia kutunanga, kutuenzela bimpe.

Yeshaya 28:17

Monji wa kupima nawu, newikale buakane. Nshinga wa kululamija nende, ke kuenza malu mimpe.” Kadi mabue a mvula neumushe, dishima dienu dinudi batekemene. Mayi neabumbule, muaba unuvua banyemene.

2 Bakalenga 21:13

Nembutule Yerushalayime, bu mumvua mubutule Samariya ne bena diku dia Akabe. Meme nenshiye Yerushalayime munda mutupu, anu bu mudibu basukula dilonga, pashishe, badibuikija.

Zekâya 5:2

Mutumibue wa Mvidi Mukulu kunkonka ne: — Tshiudi umona ntshinyi? Meme kumuandamuna ne: — Ndi mmona muvungu wa mukanda ubuka mulu: udi ne metre dikumi mu bule, ne metre atanu mu butshiama.

Yeshaya 34:11

Tshikololu ne nkese nebisombemu. Tshipungulu ne kanyunyu kadi kafuana tshikololu, nebienzemu masua abi. Maweja-Nangila neapime ditunga, bua kudibutula dijima, bua dishale tshipela, kamuyi bantu.

Amosa 7:7

Maweja-Nangila kundeja kabidi bualu ebu: Yeye mene uvua muimane pa tshimana, ne nshinga wa kuludika nende mu bianza.

Osheya 1:6

Ngomere kuimita kabidi difu, kulela muana wa bakaji. Maweja-Nangila kuambila Osheya ne: “Muana awu, umuinyike ne: Lorushama, mmumue ne: Tshibengabu. Bualu meme Maweja-Nangila tshiena munange kabidi bena Izrayele to. Tshiena musue kubafuila kabidi luse to.

Zekâya 4:2

Kunkonkaye ne: — Tshiudi umona ntshinyi? Meme kuandamuna ne: — Ndi mmona tshitekelu tshia miendu tshia mpawungi menemene. Tshidi ne muaba wa kulamina manyi ku mutu kuatshi. Tshidi ne miendu muanda mutekete, kabidi ne mikaba muanda mutekete idi ifikisha manyi mu miendu yonsu.