Amosa 7:6 - MUKANDA WA MYIDI MUKULU

⁶ Ke Maweja-Nangila kubafuila luse, wamba ne: “Mbimpe, biudi mumone kabiakuenzeka nansha!”

Mukanda wa Nzambi Dihungila Dikulukulu ne Dihungila Dihia-dihia 2003

⁶ Yehowa wakakudimuna mutshima wandi bua muanda eu; Mukelenge Yehowa wakamba ne, Muanda eu kahidi kawena wenjibua.

Amosa 7:6 交叉引用

Yona 4:2

Kuambilaye Maweja-Nangila ne: — Kia! Maweja-Nangila, ke tshimvua ntshina etshi, pamvua kuetu. Ke mumvua munyeme bua kuya ku Tarshishe. Mvua mumane kumanya bimpe ne: wewe udi Mvidi Mukulu wa luse ne dinanga. Udi muena lutulu. Dinanga diebe kadiena ne ndekelu. Udi amu musue kulekela kukumbaja biuvua mukanyine nabi bantu.

Yona 3:10

Maweja-Nangila kumona muvua bena Ninive balekela buenzayi buabu. Nanku, kutuyishaye tshiji tshivuaye natshi. Kulekelaye mua kubanyoka nuwuaye mubakanyine.

Amosa 7:3

Ke Maweja-Nangila kubafuila luse, wamba ne: “Mbimpe, biudi mumone kabiakuenzeka nansha!”

Yirmeya 26:19

Kadi mukalenga Izkiya ne bantu ba mu Yuda bavua bashipeshe muambi Mika anyi? Too. Kadi bavua amu bamanye ne: Maweja-Nangila ke udi wakula. Nanku bavua bakeba kutalaja tshiji tshiende. Diba adi, Maweja-Nangila kavua mubatumine dikenga divuaye muambe. Kadi mpindiewu, tuetu bashipe muntu ewu, netudikebele makenga makole.

Misambu 135:14

Eyowa, Maweja-Nangila udi wakuila bantu bende, udi utabalela badi bamukukuila.

Misambu 90:13

Maweja-Nangila neutulondakaje musangu bule munyi? Tangila kutudi, utufuile luse, tuetu bena mudimu bebe.

Balombodi 10:16

Ke bena Izrayele kumusha mvidie ya bantu benyi ivuabu batendelela. Kutendelelabu tshiakabidi Maweja-Nangila. Nanku Maweja-Nangila kavua kabidi ne disanka bua kumona dikenga dia bena Izrayele to.

Balombodi 2:18

Misangu yonsu ivua Maweja-Nangila utumina bena Izrayele mulombodi, Maweja-Nangila nkayende uvua ku luseke lua mulombodi awu. Nanku Maweja-Nangila ke uvua usungidila bena Izrayele mu bianza bia baluishi, matuku onsu avua mulombodi awu ne muoyi. Maweja-Nangila uvua ufuila bena Izrayele luse, pavua-bu badila, banyingalala bua mushindu uvuabu babakengesha kudi baluishi babu.

Genese 6:7

Kubungamaye wamba ne: “Nembutule muntu undi mufuke pa buloba. Nembutule kabidi nyama yonsu minene ne mikese too ne nyunyi yonsu idi ibuka mulu, bualu ndi ne kanyinganyinga bua pandi mubifuke.”

Misambu 106:45

Kuvulukaye ndondu wende bu mudiye ne luse, kukudimunaye meji ende.

Yirmeya 42:10

“Panuikala bapingana mu ditunga, nengasulule tshisamba tshienu. Tshiakutshibutula to. Nentshishindike tshiasa miji. Tshiakutshitula to. Nanku, nennyingalale bua dikenga dimvua munutumine.

Yowele 2:13

Pandayi mioyi yenu, kanupandi bilamba.” Eyowa, nupingane kudi Maweja-Nangila Mvidi Mukulu wenu. Udi ununanga, unufuila luse, udi ne lutulu lua bungi, udi wenzela bantu bimpe kayi upungila, ujinga amu kulengulula bivuaye ukanyina nabi bantu.

Amosa 7:7

Maweja-Nangila kundeja kabidi bualu ebu: Yeye mene uvua muimane pa tshimana, ne nshinga wa kuludika nende mu bianza.

Ekesode 32:14

Maweja-Nangila kufuila bena Izrayele luse, kena mubenzele bionsu bivuaye mubakanyine to.

1 Kulondolola 21:15

Pashishe Maweja-Nangila kutuma mutumibue wende mu Yerushalayime bua kubutula kabidi tshimenga. Kadi Maweja-Nangila umona muvua mutumibue ubutula bantu, kubengaye bua mutumibue katungunuki. Kuambilaye mutumibue ne: — Mbimane kukumbana, puekesha tshianza! Diba adi, mutumibue wa Maweja-Nangila uvua pabuipi ne muaba uvua Omane, muena Yebusa, ushipula ntete ya kuenza bukula.

Misambu 78:38

Kadi yeye uvua mubanange, ubafuila luse, kayi ubabutula. Kavua ulonda muvua tshiji tshiende tshimuambila. kavua ulonda meji atshi,