Amosa 7:3 - MUKANDA WA MYIDI MUKULU

³ Ke Maweja-Nangila kubafuila luse, wamba ne: “Mbimpe, biudi mumone kabiakuenzeka nansha!”

Mukanda wa Nzambi Dihungila Dikulukulu ne Dihungila Dihia-dihia 2003

³ Yehowa wakakudimuna mutshima wandi bua muanda eu; Yehowa wakamba ne, Kawena wenjibua nansha.

Amosa 7:3 交叉引用

Dielulula 32:36

Padi bena Izrayele kabatshiyi ne bukole, kabayi ne muntu udi mua kubambuluisha. Maweja-Nangila neabafuile luse. Neabambuluishe, akosa nsambu yabu pa yoyi.

Yona 3:10

Maweja-Nangila kumona muvua bena Ninive balekela buenzayi buabu. Nanku, kutuyishaye tshiji tshivuaye natshi. Kulekelaye mua kubanyoka nuwuaye mubakanyine.

Osheya 11:8

Nuenu bena Efrayime, tshiena mua kunutekela to. Nuenu bena Izrayele, tshiena mua kunuelela meji mabi to. Tshiena mua kunubutula, mumvua mubutule bimenga bia Adma ne Seboyime to. Bualu meme muenze nanku, ndi mua kumvua bibi; nengikale ne kanyinganyinga kakole.

Amosa 7:6

Ke Maweja-Nangila kubafuila luse, wamba ne: “Mbimpe, biudi mumone kabiakuenzeka nansha!”

Yowele 2:14

Misangu mikuabu udi mua kushintulula meji adiye nawu, kunusankisha pa mutu pa kunukengesha. Diba adi, nudi mua kumutuadila milambu, ya ntete, ne ya maluvu.

Misambu 106:45

Kuvulukaye ndondu wende bu mudiye ne luse, kukudimunaye meji ende.

Yakobe 5:16

Tondelanganayi mibi yenu. Nulombelangane kudi Mfumu, nanku nenupande. Ditendelela dia muntu udi wenza mudi Mvidi Mukulu musue, didi ne bukole bua bungi.

Yirmeya 26:19

Kadi mukalenga Izkiya ne bantu ba mu Yuda bavua bashipeshe muambi Mika anyi? Too. Kadi bavua amu bamanye ne: Maweja-Nangila ke udi wakula. Nanku bavua bakeba kutalaja tshiji tshiende. Diba adi, Maweja-Nangila kavua mubatumine dikenga divuaye muambe. Kadi mpindiewu, tuetu bashipe muntu ewu, netudikebele makenga makole.

1 Kulondolola 21:15

Pashishe Maweja-Nangila kutuma mutumibue wende mu Yerushalayime bua kubutula kabidi tshimenga. Kadi Maweja-Nangila umona muvua mutumibue ubutula bantu, kubengaye bua mutumibue katungunuki. Kuambilaye mutumibue ne: — Mbimane kukumbana, puekesha tshianza! Diba adi, mutumibue wa Maweja-Nangila uvua pabuipi ne muaba uvua Omane, muena Yebusa, ushipula ntete ya kuenza bukula.

Genese 6:7

Kubungamaye wamba ne: “Nembutule muntu undi mufuke pa buloba. Nembutule kabidi nyama yonsu minene ne mikese too ne nyunyi yonsu idi ibuka mulu, bualu ndi ne kanyinganyinga bua pandi mubifuke.”

Misambu 90:13

Maweja-Nangila neutulondakaje musangu bule munyi? Tangila kutudi, utufuile luse, tuetu bena mudimu bebe.

Yirmeya 42:10

“Panuikala bapingana mu ditunga, nengasulule tshisamba tshienu. Tshiakutshibutula to. Nentshishindike tshiasa miji. Tshiakutshitula to. Nanku, nennyingalale bua dikenga dimvua munutumine.

Yowele 2:13

Pandayi mioyi yenu, kanupandi bilamba.” Eyowa, nupingane kudi Maweja-Nangila Mvidi Mukulu wenu. Udi ununanga, unufuila luse, udi ne lutulu lua bungi, udi wenzela bantu bimpe kayi upungila, ujinga amu kulengulula bivuaye ukanyina nabi bantu.

Amosa 5:15

Nulekele malu mabi, nunange bidi bimpe. Nukose nsambu pa yoyi. Bumue Maweja-Nangila, Mvidi Mukulu wa bukole buonsu, neamone mua kufuila bantu ba ndekelu ba ku ndelanganyi ya Yozefe luse.

Ekesode 32:14

Maweja-Nangila kufuila bena Izrayele luse, kena mubenzele bionsu bivuaye mubakanyine to.

Misambu 78:38

Kadi yeye uvua mubanange, ubafuila luse, kayi ubabutula. Kavua ulonda muvua tshiji tshiende tshimuambila. kavua ulonda meji atshi,