Amosa 6:3 - MUKANDA WA MYIDI MUKULU

³ Nudi nuela meji ne: dituku dia dikenga ditshidi kule. Kadi ku buenzayi buenu, nudi nudisemeja pabuipi.

Mukanda wa Nzambi Dihungila Dikulukulu ne Dihungila Dihia-dihia 2003

³ Nuenu badi bakeba kusemesha dituku adi dibi kule, ne badi basemesha bukokeshi bua tshimbambila ha buihi.

Amosa 6:3 交叉引用

Amosa 9:10

Munkatshi mua bantu banyi, mvita neishipe bonsu badi bena tshibawu, badi baditemba, bambila muambi ne: Mvidi Mukulu kakututumina makenga audi utukanyina nawu nansha!”

Yeshaya 56:12

Badi bamba ne: “Luayi, tuye kukeba maluvu. Netunue maluvu makole, tukuatshike. Maloba netuenze kabidi mutudi tuenza lelu emu. Bualu maluvu adi mashale adi a bungi.”

Yezekiyele 12:27

— Yezekiyele, bena Izrayele badi bamba ne: “Malu adi Mvidi Mukulu uleja kaena akumbana mpindiewu to.” Badi bamba kabidi ne: “Biudi wakula mu dina dia Maweja-Nangila nebikumbane amu mu tshikondu tshikuabu tshitshidi kule.”

2 Petro 3:4

“Kavua munulaye bua kupingana anyi? Kadi udi penyi? Batatu hetu mbamane kufua. Kadi bionsu bidi amu bitungunuka, muvuabi bituadije katshia bafuka buloba!”

1 Tesalonike 5:3

Diba diamba bantu ne: “Tudi talalaa. Bionsu bidi mu bupole,” diakamue kabutu nekabakuate, mudi makenga akuata mukaji pa lulelu. Kabakupanduka to.

Matayi 24:48

Kadi pikala muena mudimu essu muntu mubi, neadiambile mundamunda ne: “Mfumuanyi nyessu ujingakana ku luendu.”

Amosa 3:10

Maweja-Nangila udi wamba ne: “Bena Samariya kabena bamanye kuenza bualu buimpe nansha bumue. Badi bunguija mu nzubu yabu ya bukalenga, biuma bipeta mu buivi ne dishipangana.”

Yezekiyele 12:22

— Yezekiyele, mmunyi mudi bantu ba mu ditunga dia bena Izrayele bamba bambulula kasumuinu ka ne: “Matuku adi enda apita. Bidi Mvidi Mukulu mutulaye kabiena bienzeka!”

Didimanyisha 18:17

Biuma biebe bionsu ebi bikadi bikujimine amu diba dimue!” Balombodi bonsu ba majuwa ne bena luendu, bena mudimu ba majuwa, ne bangenda mushinga bonsu badi benda pa mayi manene, bavua bimanyine amu kule!

Amosa 6:12

Nyama ya tubalu idi mua kunyema lubilu pa mabue anyi? Badi badima mu mbuebue ne bikasu bidi ngombe ikoka anyi? Nudi nuandamuna malu: kulumbuluisha bantu kukadi kubalunga anyi? Kulongolola malu bimpe, kukadi kukengesha bantu bibi!

Amosa 5:18

Bantu badi batekemena dituku dia Maweja-Nangila, didiye ne bua kudileja patoke, mbena diakabi. Dituku adi nedinulengelele ku tshinyi? — Nekuikale amu midima, butoke kabuyi bumueneka!

Amosa 5:12

“Meme Maweja-Nangila, ndi mumanye malu mabi onsu anuvua benze. Ndi muvuluke buenzayi buenu bua dikema. Nudi nuluisha udi kayi ne bualu, nuanyisha mabuejila. Ku kabadi, nudi nubenga bua bandumbulula bakose nsambu ya bapele pa yoyi.”

Yeshaya 47:7

Uvua uditangila wewe bu mukalenga mukaji, uvua ne bua kudia bumfumu kashidi mu bantu. Kadi kuvua muele meji bimpe, ku malu avua enzeka diba adi. Kuvua nansha muele meji, ku bivua ne bua kuenzeka to.

Muambi 8:11

Muntu udi wenza malu mabi kabena bamunyoka mpindiewu. Ke padi bantu benza malu mabi misangu yonsu.

Misambu 94:20

Udi mumvuangane ne bakoshi babi ba nsambu aba, badi bangata mikenji bua kukengesha bantu anyi?

Muadi 4:5

Bavua badia bimpe, bakadi bafua ne nzala mu misesu. Bavua badia bimpe, buukuta misangu yonsu, bakadi bangula bintu bia ku dyala.

Yezekiyele 23:42

Musumba munene wa bantu kufika kudibu, bakula, basanka talala bu mu tshibilu. Kuvua nangananga bantu bafume ku nseke yonsu ya mu tshipela. Kuelabu nsongakaji ibidi ayi lukanu ku maboku, kubasabu bifulu bimpe bia lumu ku mitu.

Mika 6:12

Babanji badi mu tshimenga etshi, badi bakengesha bantu bakuabu. Bonsu badi basomba mu tshimenga etshi, badi bashima, badingangana.

Amosa 3:9

Bandayi pa misaka ya nzubu ya bukalenga ya mu Asdode, tshimenga tshia bena Peleshete, ne ya mu Ejipitu, nuele mbila ne: “Disangishayi pa mikuna, pabuipi ne tshimenga tshia Samariya, bua nujadike mudi bena tshinyangu, bakengeshanganamu, bajula tshimvundu.”