Biblia Todo Logo
在线圣经

- 广告 -




Amosa 6:2 - MUKANDA WA MYIDI MUKULU

2 Nuanji kuya ku Kalne, numone bivua bienzekaku. Pashishe nupitshile ku tshimenga tshinene tshia Amate. Nutungunuke too ne ku Ngate, tshimenga tshia bena Peleshete. Nenujadike ne: kanuena nupita makalenga aa nansha, nansha buloba buawu buikale bushadile ku buenu.

参见章节 复制

Mukanda wa Nzambi Dihungila Dikulukulu ne Dihungila Dihia-dihia 2003

2 Hitai tô ne ku Kalene, nutangile; umukaiku, nuye ku Hamata munene; hashishe, nuhueke tô ne ku Gata wa Bena Peleshete. Bobo badi bahita makelenge enu â buakane, anyi? Buloba buabo budi buhita buenu bunene, anyi?

参见章节 复制




Amosa 6:2
19 交叉引用  

Ninive udi mupite tshimenga tshia Tebe ku mushinga anyi? Bavua batshiase ku muelelu wa musulu wa Nile, mayi matshiele munkatshi, atshilama bimpe, bu mudi tshimana tshilama tshimenga.


Mvidie wa tshimenga tshia Amate ne tshia Arpade, ivua mingenzele tshinyi? Nansha mvidie ya tshimenga tshia Sefarvayime, tshia Ena, ne tshia Ava? Mvidie nansha umue kavua munkandike bua meme kukuata tshimenga tshia Samariya to.


Bimenga binene bia kumpala bivua ku bumfumu buende bivua: Bahele, Ereke, Akade ne Kalne mu ditunga dia Babilone.


Uziya kuya kuluisha bena Peleshete. Kunyangaye bimana bia mu tshimenga tshia Ngate, tshia Yabane, ne tshia Asdode. Pashishe, kukoleshaye bimenga ne bimana, pabuipi ne tshimenga tshia Asdode, ne mu buloba bukuabu bua bena Peleshete.


Muena mvita mukuabu wa bena Peleshete kupatuka mu mulongu bua kufuna bulobu. Uvua wa mu tshimenga tshia Ngate, dina diende Ngoliyate. Uvua bule bu bua metre isatu.


Ela meji bimpe. Bakalenga ba mu tshimenga tshia Amate, Arpade, Layire, Sefarvayime, Ena ne Ava, badi penyi?”


Bantu bavua bafumine ku Babilone bavua benza lupingu lua mvidie Sukote-Benote, ba ku tshimenga tshia Kuta, bavua benza lupingu lua mvidie Nergale, ba ku tshimenga tshia Amate lupingu lua mvidie Ashima,


Mukalenga wa bena Ashure, kubikidisha bantu ba mu Babilone, Kuta, Ava, Amate ne Sefawayime, bua kubapesha miaba ya kuasa mu ditunga dia Samariya. Kuasabu mu misoku ivua bena Izrayele bashiye, bualu bavua babakuata baye nabu mu bupika. Nanku, bantu aba, kuangata buloba abu, kuasamu misoku yabu.


Anu tshikondu atshi, Shelomu ne bena Izrayele bonsu, bavua muaba awu bapite bungi, kuenzabu tshibilu tshia tuzubu tua Bisasa. Bena Izrayele abu, bavua bafumine mu ditunga dijima dia bena Izrayele, biangatshile ku Lebo-Amate ku mutu mu ditunga, too ne ku musulu wa Ejipitu udi kuinshi mu ditunga. Nanku, munkatshi mua matuku muanda mutekete, bena Izrayele kuenza tshibilu atshi muaba uvua Maweja-Nangila Mvidi Mukulu.


Kadi patshivua Davide uyukila ne bana babu, Ngoliyate muena Peleshete wa mu Ngate, kupita kumpala kua bena mvita babu, ufuna, ukana, bu muvuaye wenzenza misangu yonsu. Davide kumvua bionsu abi.


Bena Asdode, kubikidisha bamfumu batanu ba bena Peleshete, kubakonka ne: — Mushete wa tshijila wa Mvidi Mukulu wa bena Izrayele tuenze nawu tshinyi? Bamfumu kuandamuna ne: — Wambulayi, nuye nawu mu tshimenga tshia Ngate. Nanku kuyabu ne mushete awu mu tshimenga tshia Ngate.


Bua bena Damase Maweja-Nangila udi wamba ne: Bena mu tshimenga tshia Amate ne tshia Arpade, nebakuatshike bowa bunene pumvuabu lumu lubi. Nebazakale kabayi bapeta dikisha.


Nanku kuyabu ne mushete mu tshimenga tshia Ekrone. Kadi mushete ufika mu tshimenga tshia Ekrone, bena mu tshimenga baumone, kuelabu bibingu bikole, bamba ne: — Mbafike ne mushete wa Mvidi Mukulu wa bena Izrayele muetu munemu bua kutubutula bonsu!


Towu, mukalenga wa Amate kumvua ne: Davide mmutshimune bena mvita bonsu ba Adadezere.


跟着我们:

广告


广告