Amosa 4:8 - MUKANDA WA MYIDI MUKULU

⁸ Bantu ba mu bimenga bibidi, bisatu, bavua benda, bakoka makasa panshi, bakeba mayi a kunua mu tshimenga tshikuabu, kabayi baapeta makumbane. Kadi nansha biobi nanku, kanuena bapingane kundi. Meme Maweja-Nangila ndi njadika nanku.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Yehowa udi wamba ne, Nunku ba mu misoko ibidi anyi isatu bakendakana bakeba mai a kunua ku musoko mukuabo, nyota yabo kayakashika; kadi kanuakahingana kundi.

Amosa 4:8 交叉引用

Amosa 4:6

Mu bimenga bienu bionsu nuvua balale ne nzala, mu misoku yenu yonsu kamuvua tshiakudia! Uvua munutumine tshiyole atshi, ke meme! Kadi nansha nanku, kanuena bapingane kundi! Meme Maweja-Nangila ndi njadika nanku.

Agayi 1:6

Nuenu kukuna bintu bia bungi, kunowa bikese. Nudi nudia, kadi kanuena mua kuukuta. Nudi nunua maluvu, kadi nyota yenu kayena ijika. Nudi nuvuala bilamba, kadi numvua anu mashika. Muena mudimu udi upeta difutu, kadi didi dijika lukasa, bu mudi bintu bimata mu tshibombi tshitubuke!

1 Bakalenga 18:5

Mukalenga Akabe kuambila Obadya ne: — Ufike, tuye mu ditunga dijima, bendakane ku mpokolu ya mayi yonsu ne ku misulu yonsu, ne tudi mua kupeta bisosa bia kudisha nyama ya tubalu ne mpunde. Nanku, katuakuikala ne tshilumbu tshia kushipa nyama yetu to.

Mika 6:14

Nenudie, kanuyi nuukuta. Tshiyole netshikale munkatshi muenu! Tshintu tshinuateka mu diyeba, netshinyanguke. Tshintu tshionsu tshinudi nukeba kubumba, nentshibutule mu mvita.

Osheya 7:10

Ditambisha dia bena Izrayele, ke didi dibasonguela. Kadi, nansha bobu bamona makenga onsu aa, kabena bapingana kundi meme Maweja-Nangila Mvidi Mukulu wabu to.

Yirmeya 23:14

Kadi bindi mumone kudi bambi ba mu Yerushalayime, bidi bibi bipite. Badi benza malu a tshiendenda, badi bashimangana. Badi bakolesha bena buenzavi ku muoyi, badi bakandika muntu yonsu bua kadilengeji. Badi amu bu bena Sodome. Bena Yerushalayime badi amu bu bena Ngomore.”

Yirmeya 3:7

Meme kuela meji ne: Izrayele neapingane kundi. Kadi kena mupingane to. Yuda ntomboji, muanabu ne Izrayele, uvua mumone bionsu ebi.

Yeshaya 9:12

Ke muvua Mvidi Mukulu munyoke bantu bende nanku. Kadi bena Izrayele, nansha bobu bamone bionsu abi, kabena bapingane kudi Mvidi Mukulu wabu to. Kabena balonda tshidi Maweja-Nangila muena bukole bonsu musue.

Yirmeya 3:3

Nanku meme Maweja-Nangila, ndi mubenge bua mvula kaloki nansha ku ntuadijilu nansha ku ndekelu kua tshidimu. Kadi, wewe ne tshitunu udi wenda amu tshiendenda, kuyi utonda bubi buebe.

Yirmeya 5:3

Maweja-Nangila, tshidi tshikusankisha ki nnsombelu muimpe wa muntu anyi? Wewe kunyoka bantu bebe, kadi dinyoka adi kadiena dibelesha meji to. Uvua musue kubabutula bonsu, kadi kubengabu mibelu yebe. Bena Yerushalayime mbena tshitunu. Badi babenga kupingana kuudi.

Osheya 11:5

Bena Izrayele, kabakupingana kabidi mu Ejipitu to. Kadi, bena Ashure nebikale bamfumu babu. Bualu, bena Izrayele bavua babenga kupingana kundi meme Maweja-Nangila.

Agayi 2:17

Meme kunyanga biakudia bionsu bia mu madimi enu: meme kukumisha, kubibolesha, kubinyangakaja ne mabue a mvula. Kadi kanuena bapingane kundi meme Maweja-Nangila to.