Amosa 4:5 - MUKANDA WA MYIDI MUKULU

⁵ Nudi nuoshila pa tshilambuilu mampa mela buanga, bua mulambu wa kuela tuasakidila. Nudi nubikila bantu ku milambu ya budisuile inudi nulambula. Ke binudi nunanga bikole, kadi nudi amu nuntombokela. Meme Maweja-Nangila ndi njadika nanku.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Oshilai Nzambi mulambu wa kumusakidila wa bidia biela luevene, ambilai bantu bua balue ne milambu idi mitshima yabo misue, manyisha! bantu bualu buai! Ebu mbunudi basue kuenza, nuenu Bena Isalele. Mukelenge Yehowa udi wamba di edi.

Amosa 4:5 交叉引用

Osheya 9:10

Maweja-Nangila kuamba ne: Kale pamvua musangane bena Izrayele, bivua bu tumuma tua mvinyo, tudi muntu upeta mu tshipela. Mvua mumone bankambua benu, bu tshimuma tshia tshianyi, tshidibu bapeta ku mutshi wa mfiku. Kadi batshifikilaku ku Bete-Peyore kudifilabu kudi Baale-wa-bundu. Kushalabu bantu babi, bafuanangane ne Baale, munanga wabu mupiamupia.

Misambu 81:12

Kadi bantu banyi, kabena bumvua diyi dianyi, bena Izrayele badi bambenga.

Matayi 6:2

— Nanku paudi wambuluisha bapele, kukebi bua bantu bakumone bimpe. Bena mpala ibidi badi benza nanku mu nzubu ya kutendelela ne mu misesu. Badi bakeba amu bua bantu babatumbishe. Ndi nnujadikila bulelela ne: mbamane kupeta difutu diabu.

Osheya 9:1

Nuenu bena Izrayele, kanuena mua kuenza tshibilu, nansha kusanka, mudi bisamba bikuabu bienza. Bualu nudi balekela Mvidi Mukulu wenu, nutendelela mvidie ya patupu. Miaba yonsu idibu bashipule ntete ya bukula, nudi nukeba difutu dia ku buenzavi buenu.

Rome 1:28

Bu muyuabu babenga kumanya Mvidi Mukulu, Mvidi Mukulu mmubafile ku butshimbakane, bua kuenzabu bivuabu kabayi mua kuenza.

Matayi 23:23

Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nulambula Mvidi Mukulu tshia dikumi tshia biakudia bienu, nansha tshia luenyi, tshia tshidibi a luenyi, ne tshia tshikote. Kadi nudi nulengulula malu mapite bunene adi mikenji itulongesha, bu mudi kuenzela bantu bimpe, kufuilangana luse, ne kuitaba Mvidi Mukulu. Kadi ke malu anuvua ne bua kuenza, kanuyi nulengulula makuabu.

Matayi 15:9

Padibu bantendelela, kabena bapeta tshintu, bualu bidibu balongesha, bidi amu mikenji ya bantu.

Lewitiki 23:17

Nenuntuadile mampa abidi a ku nzubu yenu bua kundambula. Diampa dionsu nedikale diosha ne bukula bua kilo isatu, buela buanga. Mulambu awu, newikale wa biakudia bia tshianyi bia ntete.

Yirmeya 7:9

Eyowa, nudi nuiba, nushipangana, nuenda tshiendenda, nuditshipa mitshipu ya dishima, nulambula milambu kudi Baale, nutendelela mvidie ya bantu ba bisamba bikuabu inudi kanuyi bamanye to.

Yirmeya 7:10

Pashishe nudi nuimana kumpala kuanyi mu nzubu wanyi wa tshijila, nuamba ne: ‘Tudi bamane kupanda!’ Eku nudi nutungunuka ne dienza bindi meme mubenge.

Amosa 5:21

Maweja-Nangila udi wamba ne: Ndi mbenga bibilu bienu, tshiena musue kubimona kabidi to. Ndi ngumvua muenge, panudi nusangila bua kuntendelela,

Amosa 5:22

nansha nundambula milambu ya kuosha. Milambu ya bia pa madimi enu idi imfikila ku muoyi. Tshiena nansha ntangila nyama, inudi nundambula bu milambu ya bobumue.

Yeshaya 1:1

Mu tshikondu tshivua Uziya, Yotame, Akaze, ne Izkiya, bakalenga ba Yuda, Yeshaya, muana wa Amose, uvua mumanyishe bantu malu avua Maweja-Nangila mumuleje, adi atangila bukalenga bua Yuda ne tshimenga tshia Yerushalayime.

Yeshaya 1:11

“Milambu yenu mipite bungi ayi, tshindi ngenza nayi ntshinyi? Milambu yenu ya mikoku miosha, ne ya manyi a bana ba ngombe, idi intonda. Mashi a ngombe milume, a bana ba mikoku ne a mpumbu, kaena ansankisha.