Amosa 4:4 - MUKANDA WA MYIDI MUKULU

⁴ Bena Izrayele, nudi nubuela mu nzubu wa kutendelela wa Betele, kadi nudi amu nuntombokela. Nudi nuya kutendelela ku Ngilgale, nuenza anu kuenza malu mabi. Nudi nufika, patshiatshia dinda, nulambula milambu yenu, dituku dibidi nufila tshia dikumi tshia bia pa madimi enu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Luai ku Betele, enzai malu mabi enu; ne ku Gilegala, vudishai mibi yenu; luai ne milambu yenu buatshia-buatshia, ne bintu bienu bia tshia dikumi ku matuku asatu ku matuku asatu.

Amosa 4:4 交叉引用

Osheya 4:15

Nansha bena Izrayele bena tshiendenda, kadi nuenu bena Yuda, kanuikadi bena tshiendenda to! Kanuyi muaba wa tshijila udi mu Ngilgale. Kanuyi ku Betele-Awene, bua kuditshipa ne: “Bu mudi Maweja-Nangila ne muoyi.”

Yezekiyele 20:39

Meme Maweja-Nangila Mvidi Mukulu, ndi nnuambila ne: Nuenu bena Izrayele, muntu yonsu wa kunudi, nansha yeye mukukuile mvidie yende mibi indi mubenge, kadi dikuabu dituku nenuikale anu ne tshilumbu tshia kungitaba. Nenulekele kupepeja dina dianyi dia tshijila, nulekele kulambula mvidie milambu.

Matayi 23:32

Ee, tungunukayi! Numane mudimu uvua bankambua benu babange!

Amosa 5:5

Kadi kanunkonki malu mu nzubu wa kutendelela wa Betele. Kanubuedi muaba wa kutendelela wa mu Ngilgale, kanuendi luendu lua tshijila, batangile ku Bersheba nansha. Bualu bena Ngilgale, nebaye nabu mu bupika; Betele, nzubu wa Maweja-Nangila, neashale nzubu wa makenga.”

Osheya 12:11

Tshikondu atshi, mvua mumanyishe bambi meji anyi. Mvua mubaleje malu mishindu mishilangane. Kudi bambi ke kundi nnumanyishila, nansha lelu mene, bindi musue kuenza.

Osheya 9:15

— Maweja-Nangila kuamba kabidi ne: Tshikisu tshia bena Efrayime, tshivua tshimane kumueneka ku Ngilgale. Ke mumvua mutuadijile kubabenga. Nembipate ku nzubu kuanyi, bua buenzayi buabu. Tshiena mbananga kabidi to. Bualu bamfumu babu bonsu badi anu bantombokela.

Marke 14:41

Kupinganaye musangu muisatu, ubambila ne: — Nutshidi balale tulu, bikishe? Biakumbanyi. Diba diakanyi. Tangilayi, nebafile Muana wa muntu mu bianza bia bantu babi.

Marke 5:5

Diba dionsu, munya ne butuku, uvua wendakanangana mu nkita ne ku mikuna, wela mbila, uditapa mputa ne mabue.

Amosa 3:14

Dituku dindi nnyoka bena Izrayele, bua malu mabi avuabu benza, nennyangakaje bilambuilu bidi mu Betele. Nenkose nsengu idi ku matumba abi, imate panshi.

Muambi 11:9

Wewe nsonga, Sankaku mu bunsonga buebe. Ikala ne disanka pautshidi ne bukole. Bionsu biudi ujinga, bionsu bidi bikulengelela ubikumbaje. Kadi umanye ne: Mvidi Mukulu neakulumbuluishe pa bionsu biudi wenza.

Matayi 26:45

Pashishe kupinganaye kudi balongi bende, kubambila ne: — Nutshidi anu balale, bikishe? Monayi diba didibu bafila Muana wa muntu mu bianza bia bantu babi ndimane kukumbana.

Dielulula 26:12

Padi bidimu bisatu bikumbana, nenuikale ne “tshidimu tshia bia dikumi.” Nufile tshia dikumi, mmumue ne: tshintu tshimue tshia ku bintu dikumi binudi banowe. Biakudia abi, nebabiangate kudi bena Levi, bana ba nshiya, bakaji bakamba, ne benyi badi munkatshi muenu. Nanku nebikale ne biakudia bia bungi, kabayi bakenga munkatshi muenu.