Amosa 3:9 - MUKANDA WA MYIDI MUKULU

⁹ Bandayi pa misaka ya nzubu ya bukalenga ya mu Asdode, tshimenga tshia bena Peleshete, ne ya mu Ejipitu, nuele mbila ne: “Disangishayi pa mikuna, pabuipi ne tshimenga tshia Samariya, bua nujadike mudi bena tshinyangu, bakengeshanganamu, bajula tshimvundu.”

Mukanda wa Nzambi Dihungila Dikulukulu ne Dihungila Dihia-dihia 2003

⁹ Elai dî ku nsubu ya bakelenge ba mu Ashedodo, ne ku nsubu ya bakelenge ba mu buloba bua Ejipitu, nubambile ne, Disangisha! ha mikuna ya mu Samalea, monai mudi tshintompantompa mu musoko, ne mudi bena musoko bakengeshibue.

Amosa 3:9 交叉引用

Amosa 4:1

Nuenu bakaji ba mu Samariya, telejayi: nudi badiunde bibi, bafuanangane ne ngombe ya mu Bashane. Telejayi tshindi nnuambila ne: badi kabayi ne bukole, nudi nubanyenga bintu biabu, nukengesha bapele, nuambila babayenu ne: “Koleshayi! Nututuadile maluvu!”

Amosa 6:1

Diakabi ndienu, nuenu bonsu, badi basomba talala pa mukuna wa Siyone, nuenu bonsu badi pa mukuna wa Samariya, bela meji ne: ke patuasomba ku matshi talalaa. Badi banuamba ne: nudi bamfumu ba tshisamba tshidi tshipite bikuabu bionsu bia pa buloba. Bena Izrayele badi banuvuila bua kulomba meji ne lungenyi. Kadi kanudidingi nansha.

Amosa 1:8

Nenshipeshe mukalenga wa mu Asdode. Nenduishe mukalenga wa mu Askalone. Nenduishe bikole badi basomba mu Ekrone. Bena Peleshete bonsu nebafue. Meme Maweja-Nangila ndi njadika nanku.”

Amosa 8:6

Nudi nusumbisha bantu too ne bisote bia ntete ya kuenza bukula. Bapele ne bakengi nudi nubenza bapika benu, bualu mbapange kufuta dibanza diabu dia mukolu wa bisabata.

Yirmeya 50:2

Numanyishe bantu bonsu lumu elu: Nuambile bantu bonsu bidi bienzeka. Kanusokoki bualu nansha bumue! Eyowa, baluishi nebakuate Babilone. Mpingu yende neifue bundu! Mvidie yende ya dishima neyizakale! Eyowa Bele neafue bundu! Marduke neazakale.

Yirmeya 31:5

Nenukune kabidi mionji ya mvinyo pa mikuna ya mu Samariya. Nuenu babidime nenupole tumuma tua mvinyo mu madimi enu.

1 Samuele 5:1

Bena Peleshete bamane kunyenga mushete wa Mvidi Mukulu, kumukabu nawu muaba uvuabu babikila ne: Dibue-dia-diambuluisha, bua kuya nawu mu tshimenga tshia Asdode.

Yezekiyele 37:22

Koku aku, nennukunguje nushale tshisamba tshimue, pa mikuna ya Izrayele. Mukalenga umue neikale mfumuenu bonsu. Kanuena nukosoloka kabidi mu bisamba bibidi, nansha makalenga abidi to.

Yezekiyele 36:8

Tshikondu atshi, pa mikuna ya Izrayele, mitshi neyipatule mabeji, ikuama bimuma, bua kunudisha nuenu bena Izrayele bantu banyi. Bualu nukadi pa kupingana mu ditunga dienu.

Yirmeya 46:14

Manyisha bena Ejipitu, benamu Migdole, bena mu Memfise, ne bena mu Tapanese ne: “Elayi mualu wa mvita! Angatayi bia mvita mu bianza!” Bualu mvita ikadi yenda ibutula bena mutumba nenu!

2 Samuele 1:20

Kanumanyishi bena Ngate lumu elu lubi, kanulutangalaji mu misesu ya Askalone. Bakaji ba bena Peleshete kabasanki nanku! Nsongakaji ya bantu benyi, kayedi mbila ya disanka!

Amosa 5:11

Nudi nukengesha udi kayi bukole, numunyenga ntete ivuaye munowe. Nanku kanuakulala mu nzubu mipiamipia, inuvua base ne mabue. Kanuakunua maluvu a mvinyo anuvua bapete, ku mionji misunguluke inuvua bakune.

Nsumuinu 1:13

Tubanyenge bionsu bidibu nabi, tuwuje yetu nzubu.

Nsumuinu 11:16

Mukaji mulenga udi upeta lumu. Muntu wa bukitu udi upeta bubanji.

Muambi 4:1

Meme kumona kabidi mudi bantu bakengeshangana mishindu yonsu pa buloba. Badibu bakengesha badi badila, kadi kakuena muntu nansha umue udi ubambuluisha! Badi babatatshisha ke badi ne bumfumu. Ke mudi muntu mukuabu nansha umue kayi mua kubambuluisha.

Osheya 7:1

dituku dindi nkeba kuondapa bena Izrayele, bubi bua bena Efrayime ne tshikisu tshia bena Samariya, bidi bimueneka tshiakabidi. Bualu badi badinga bantu, biba bintu biabu mu nzubu. Badi bakengeshangana mu njila.

Amosa 6:3

Nudi nuela meji ne: dituku dia dikenga ditshidi kule. Kadi ku buenzayi buenu, nudi nudisemeja pabuipi.

Mika 6:10

Ndi mua kutangila ne mesu patupu bantu babi, badi buwuja nzubu yabu, ne bintu bivuabu bapete ku dishima, ne ku bipimu bia buivi, bisendame, — ke bindi mbenga — anyi?