Amosa 3:8 - MUKANDA WA MYIDI MUKULU

⁸ Padi nyama wa ntambue ukungula, udi kayi ne bowa nnganyi? Padi Maweja-Nangila Mvidi Mukulu umanyisha bantu bualu, udi mua kubenga kubuambila bantu nnganyi?

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nyama wa ntambue udi mukungule; nganyi udi kayi utshina? Yehowa Nzambi udi wamba dî diandi; muprofete kai udi kayi udiambila bantu?

Amosa 3:8 交叉引用

Bienzedi 4:20

Kadi tuetu katuena mua kubenga kuamba, tshitudi bamone, kabidi bumvue to.

Amosa 3:4

Nyama wa ntambue udi mua kukungula muitu, kayi musangane nyama wa kudiaye anyi? Udi mua kudidila ku buina, kayi muanji kukuata nyama anyi?

Yirmeya 20:9

Pandi ngamba ne: “Tshiena musue kuvuluka kabidi Mvidi Mukulu to. Tshiena musue kuakula kabidi mu dina diende”, diba adi munda muanyi, muaku webe udi bu kapia kadi katema. Ndi ngenza muanyi muonsu bua kukajima munda muanyi, kadi tshiena ne mushindu to.

Amosa 1:2

Amosa kuamba ne: Maweja-Nangila udi wakula ne tshiji, ukungula bu ntambue. Diyi diende ndifumine ku mukuna wa Siyone, ku Yerushalayime, muaba udiye usomba. Mpata ya bisosa bivule idi ifuba yonsu. Ku lusongu lua mukuna wa Karmele, nansha metu mene adi uma.

Didimanyisha 5:5

Ke umue wa ku bakulu kungamba ne: — Lekela muadi. Tangila: ntambue wa mu tshisamba tshia Yuda, wa ku ndelanganyi ya mukalenga Davide, udi mutshimune. Nanku Yeye udi mua kulamuna bitampi muanda mutekete ne kubulula mukanda.

1 Korente 9:16

Tshiena mua kuditemba, bua pandi mmanyisha bantu Lumu lua Disanka nansha. Bualu mbujitu budi bungomekela. Tshiyi ntangalaja Lumu lua Disanka, ndi muena diakabi.

Amosa 2:12

Kadi bantu banyi ba tshijila, nuenu kubanuisha maluvu. Nuenu kukandika bambi bua kabambidi bantu malu mu dina dianyi.

Bienzedi 5:29

Petro ne bapostolu kuandamuna ne: — Tudi ne bua kutumikila Mvidi Mukulu kumpala, kadi ki mbantu to!

Bienzedi 5:20

— Nuye mu nzubu wa Mvidi Mukulu. Numanyishemu bantu malu onsu adi atangila muoyi mupiamupia udi Yezu mubatuadile.

Yeshaya 31:4

Maweja-Nangila uvua mungambile ne: “Nyama wa ntambue, nansha mukole nansha muana, udi ukungula padi tshisumbu tshia balami ba mikoku basue kumunyenga nyama udiye mukuate. Kena ne bowa bua bibingu bidibu bamuela to. Kena ushiya nyama panshi bua mutoyi ewu to. Ke mudibi buanyi meme, Maweja-Nangila muena bukole buonsu, pambapueka pa mukuna wa Siyone, bua kunuluila bua baluishi benu kabanuenzedi bibi.”

Yezekiyele 29:21

“Diba dienzeka bionsu abi, nempeshe kabidi bena Izrayele bukole bupiabupia. Nenkupeshe wewe Yezekiyele bumfumu bua kuakula nabu, bua bajadike ne: meme ndi Maweja-Nangila.”

Yeshaya 21:10

Wewe tshisamba tshianyi, tshivuabu bakengeshe, bu mudibu bashipule ntete ya mu budimi, teleja bualu ebu bundi mukuambile, buvuabu bammanyishe kudi Maweja-Nangila, Mvidi Mukulu muena bukole buonsu.

Yirmeya 26:12

Kadi Yirmeya kuambila balombodi bonsu ba mu bukalenga ne bantu bonsu bavua muaba awu ne: — Maweja-Nangila ke uvua muntume bua kunumanyisha bionsu binuvua bumvue, bualu mmubenge nzubu ewu ne tshimenga etshi.