Amosa 3:6 - MUKANDA WA MYIDI MUKULU

⁶ Badi mua kuela mpungi wa mvita mu tshimenga, bantu kabayi bakuatshika bowa anyi? Tshipupu tshidi mua kukuata tshimenga, Maweja-Nangila kayi mutshitume anyi?

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bielabo mpungi wa nvita mu musoko, bena musoko kabena bakuatshika buowa, anyi? Bualu bubi budi bukuata musoko, bikala Yehowa kayi mubutume, anyi?

Amosa 3:6 交叉引用

Yeshaya 45:7

Ndi ngenza munya, mfuka miidima kabidi. Ndi mpetesha diakalenga, mfila ne dikenga. Eyowa, ke Meme Maweja-Nangila, udi wenza malu onsu aa.

Sefanya 1:16

Dituku adi nebumvue bena mvita bela mpungi, bela mbila ya mvita, bua kuluisha bimenga bivuabu bakoleshe ne bimana, bua kushimbula tuleya tuabi tunene.

2 Korente 5:11

Tudi bamanye mutudi ne bua kutshina Mfumu. Ke patudi tukeba kufikisha bantu ku ditaba. Mvidi Mukulu mmutumanye muetu muonsu mutudi. Ndi ntekemena kabidi ne: nuenu munda muenu nudi bammanye kabidi muanyi muonsu mundi.

Genese 50:20

Nuenu nuvua ne meji a kungenzela bibi. Kadi Mvidi Mukulu uvua musue kukudimuna bibi abi bua bikale bimpe. Mvidi Mukulu uvua musue kupandisha bantu ba bungi, bu munudi numona lelu.

Bienzedi 2:23

Bavua bafila muntu ewu kunudi, muvua Mvidi Mukulu mudianze kujadika. Nuenu kumushipa, kumupopeshisha pa mutshi mutshiamakane kudi bena malu mabi.

Yirmeya 6:1

Nuenu bena Binyamine, umbukayi mu Yerushalayime! Nunyeme bua kudipandisha. Elayi mpungi ku tshimenga tshia Tekowa. Elayi tshimunyi kulu pa mukuna wa Bete-Kereme, numanyishe bantu bualu. Bualu, dikenga dinene ne kabutu bidi binuvuila, bifumina luseke lua ku mutu kua ditunga.

Yirmeya 4:5

Umanyishe bena Yuda ne: baluishi bakadi pabuipi. Udimuje bena Yerushalayime. Wele mpungi mu ditunga. Ela mbila ne diyi dikole, ubambile ne: nudisangishe mu bimenga bidibu bakoleshe ne bimana.

Bienzedi 4:28

Nenku mbakumbaje bionsu biuvua mudianze kujadika ku bukole buebe ne ku meji ebe ne: nebienzeke.

Yezekiyele 33:3

Padi mutentekedi umona tshiluilu tshia baluishi, diakamue udi wela mpungi bua kudimuja bana babu.

Yirmeya 10:7

Nanku bantu bonsu badi ne bua kukunemeka, wewe mukalenga wa bisamba bionsu bia pa buloba. Bualu bukalenga buonsu mbuebe wewe. Munkatshi mua bena meji bonsu ba pa buloba, munkatshi mua bakalenga bonsu, kamuena mukuabu bu wewe.

Osheya 5:8

Mu Ngibeya, elayi mpungi ya mvita. Mu Rama, elayi mpungi kabidi. Mu Betele-Awene, elayi lubila: bantu bambule bia mvita. Nuenu bena tshisamba tshia Binyamine, dimukayi, nudi mu njiwu!

Yirmeya 5:22

Maweja-Nangila udi ukonka ne: Kanuena nuvuluka bukole buanyi anyi? Kanuena nuntshina bua tshinyi? Meme ndi muteke lusenga bua luikale mukalu wa mayi manene. Ludi bu nkila muasa bua kashidi. Mayi kaena mua kusambuka nkila awu to. Adi atuuta ku nkila, kadi nkila kena ubumbuka to. Mavuala adi atuutaku ne tshiona tshikole, kadi kaena asambuka nkila to.

Yirmeya 4:19

Eyi, dikenga didi dintatshisha too, dinkunya ne ku mala a munda. Muoyi udi untuuta bikole munda, ukeba kutayika. Tshiena mumvue dikisha to. Tshiena mua kupuwa to. Ndi mumvue mpungi ne mbila ya mvita.

Amosa 3:5

Nyunyi udi mua kubuela mu buteyi, kakuyi tshidi tshimulobesha momu anyi? Buteyi budi mua kudiupila, kakuyi tshidi tshibupisha anyi?

Zekâya 8:10

Ku kale kabavua bafuta muntu, bua mudimu uvuaye wenza, nansha bua mudimu uwa nyama ikuata. Bantu kabavua mua kutambakana mu ditunga, bualu baluishi bavua miaba yonsu, kabidi meme mvua musongakaje bantu.

2 Bakalenga 6:33

Patshivua Muambi Elisha wakula, ke mukalenga kufika, wamba ne: — Maweja-Nangila ke udi unkengesha nunku! Kadi tshia nsongu tshindi mua kutekemena kabidi kudiye ntshinyi?