Amosa 2:9 - MUKANDA WA MYIDI MUKULU

⁹ Kadi meme mvua munubutuile bena Amore. Bavua bantu bale, bu mitshi ya sedre, bakole bu mitshi ya nsanga. Ke meme kukosa nsongu yayi, kuyijula ne miji yayi.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Kadi meme hanyi nakashiha Muena Amole ku mpala kuabo, bule buandi buakadi bu bua mitshi ya cèdre, ne bukole buandi buakadi bu bua mitshi ya telebinta; kadi nakanyanga mamuma andi akadi kulu, ne miji yandi ya kuinshi.

Amosa 2:9 交叉引用

Yobe 18:16

Nanku, nebikale bu mutshi udi mufue kuinshi ku miji, too ne ku matamba kulu.

Dielulula 3:11

(Ku ndelanganyi ya bena Refayime bonsu, Oge, mukalenga wa Bashane, ke wa ndekelu udi mushale ne muoyi. Lukita luende bavua baluenze mu dibue. Batshidi mua kulumona mu Raba, tshimenga tshinene tshia bena Amone. Ludi ne bule bua metre anayi ne tshitupa, butshiama bua metre abidi.)

Ekesode 34:11

“Wewe Moshe, ukumbaje malu onsu andi mukuambile lelu aa. Meme nenkuipatshile bena Amore, bena Kenaane, bena Iti, bena Perizi, bena Ivi ne bena Yebusa.

Genese 15:16

Amu tunkanunuina tuebe tua tshikondu tshinayi netupingane mu ditunga edi kashidi. Bualu nengipate bena Amore anu pambamona ne bubi buabu budi bukengela dinyoka.

Yezekiyele 17:9

Nanku, meme Maweja-Nangila Mvidi Mukulu, ndi nkonka ne: “Muonji wa mvinyo ewu udi mua kukola anyi? Nyunyi wa tshiminyi wa kumpala kena mua kujula miji yawu, kunyanga bimuma biawu, bua ntonga yawu mipiamipia ifube anyi? Tshiminyi katshiakukengela bukole bua bungi, nansha bena mudimu basule, bua kujula muonji ewu to.

Yoshua 10:12

Dituku divua Maweja-Nangila muambuluishe bena mvita ba bena Izrayele bua kutshimuna bena Amore, Yoshuwa uvua utendelela Maweja-Nangila, bena Izrayele bonsu bateleje. Uvua ulomba, wamba ne: — Diba dimanakane mulu, mu tshimenga tshia Ngibone! Ngondu imanakane mulu mu tshibandabanda tshia Ayalone!

Yoshua 3:10

Nenujadike ne: Mvidi Mukulu wa muoyi udi munkatshi muenu. Yeye neipate bantu badi kumpala kuenu: bena Kenaane, bena Iti, bena Ivi, bena Perizi, bena Ngirgashi, bena Amore ne bena Yebusa.

Dielulula 1:28

Mu ditunga dia Kenaane, tuyaya kuenza tshinyi? Katuena ne dikima dia kuyamu to, bualu bana betu bavua bajadikila ne: bena ditunga adi mbatupite bukole ne bule. Bimenga biabu bidi binene. Bimana bia bimenga mbitumbuke mulu. Kabidi bavua basanganamu ndelanganyi ya Anake, muntu wa mpolondu!”

Ekesode 3:8

Ndi mufike bua kubasungidila kudi bena Ejipitu, kubumusha mu ditunga edi, kubabueja mu ditunga dialabale didi ne mabela ne buitshi bipite bungi. Ke ditunga didibu basombe mpindiewu kudi bena Kenaane, bena Iti, bena Amore, bena Perizi, bena Ivi ne bena Yebusa.

Yeshaya 5:24

Nenku bantu aba nebabutuke, mudi kapia kuosha bisosa, mudi ndimi ya kapia ilakuka ku bisuku. Nebabutuke bonsu mudi miji ibola, mudi bilongu biuma, bipona panshi. Bualu bavua badiwule dilongesha, dia Maweja-Nangila muena bukole buonsu, babenge diyi dia Mvidi Mukulu wa tshijila wa bena Izrayele.

Yeshaya 10:33

Mfumu wa bamfumu, Maweja-Nangila muena bukole buonsu, udi ubabunda bu mudibu bakosa matamba a mutshi ne muele mutue. Nebakose mitshi milemile; idi mitumbuke nebayupule, bayele panshi.

Dibadika 32:13

Nanku Maweja-Nangila mmufikile bena Izrayele bonsu munda, mubaladike mu tshipela bidimu makumi anayi, bua bantu bonsu bavua bamutombokela abu babutuke.

1 Kulondolola 1:14

Kenaane uvua nkambua wa bena Yebusa, bena Amore, bena Ngirgashi,