Amosa 1:8 - MUKANDA WA MYIDI MUKULU

⁸ Nenshipeshe mukalenga wa mu Asdode. Nenduishe mukalenga wa mu Askalone. Nenduishe bikole badi basomba mu Ekrone. Bena Peleshete bonsu nebafue. Meme Maweja-Nangila ndi njadika nanku.”

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nengumushe bena musoko ba mu Ashedodo, nengumushe mukuatshi wa dikombo dia bunfumu mu Ashekelona; nembishe tshianza tshianyi bua kukuma Ekelona, ne Bena Peleshete batshidi bashala ne muoyo nebafue. Mukelenge Yehowa udi amba nunku.

Amosa 1:8 交叉引用

Yezekiyele 25:16

Nanku, meme Maweja-Nangila Mvidi Mukulu ndi mbamanyisha ne: Nembanyoke. Nembutule bantu bonsu aba badi bafume ku Kaftore, baye kusomba ku muelelu wa mayi manene.

Zekâya 9:6

Bantu ba bisamba bishilangane, nebasombe mu tshimenga tshia Asdode. Maweja-Nangila udi wamba ne: “Ke mundi mbutula bena Peleshete badi baditambisha nanku.

Yeshaya 20:1

Sargone, mukalenga wa bena Ashure, uvua mutume mulombodi wa kumpala wa bena mvita bende bua kuluisha tshimenga tshia Asdode tshia bena Peleshete, kutshikuata.

Misambu 81:14

Bu bantu banyi, bena Izrayele banteleja, bu bobu balonda njila undi mubaleje,

2 Kulondolola 26:6

Uziya kuya kuluisha bena Peleshete. Kunyangaye bimana bia mu tshimenga tshia Ngate, tshia Yabane, ne tshia Asdode. Pashishe, kukoleshaye bimenga ne bimana, pabuipi ne tshimenga tshia Asdode, ne mu buloba bukuabu bua bena Peleshete.

Zekâya 13:7

Maweja-Nangila wa bukole buonsu udi wamba ne: “Muele wa myita, utape mulami wa mikoku, utuvua tukuata nende mudimu; ushipe mulami wa mikoku, mikoku neitangalake, meme mene nenduishe bana bayi.”

Amosa 3:9

Bandayi pa misaka ya nzubu ya bukalenga ya mu Asdode, tshimenga tshia bena Peleshete, ne ya mu Ejipitu, nuele mbila ne: “Disangishayi pa mikuna, pabuipi ne tshimenga tshia Samariya, bua nujadike mudi bena tshinyangu, bakengeshanganamu, bajula tshimvundu.”

Yeshaya 1:25

Wewe Yerushalayime, newikale nanyi tshilumbu. Nenkuele mu kapia bua kulengulula, kumusha bikanganya biebe, kumusha manyanu onsu adi munda muebe.

Yirmeya 47:1

Umvuayi malu avua Maweja-Nangila muambile Yirmeya bua bena Peleshete. Uvua mumuambilewu pavua mukalenga wa Ejipitu kayi muanji kufika bua kuluisha tshimenga tshia Ngaza.

Yowele 3:4

Dituku dia Maweja-Nangila kadiyi dianji kufika, dituku dinene didi dikuatshisha bantu bowa, diba nedibuitshidile, ngondu neakunzubile bu mashi.”

Amosa 1:7

Nengoshe tshimenga tshia Ngaza, kapia nekashidishe nzubu yatshi mimpe.

Obadya 1:18

Ndelanganyi ya Yakobe ne ya Yozefe neyikale bu kapia. Neyoshe ndelanganyi ya Esawu, bu mudibu bosha bisosa. Nebababutule bonsu, kakuyi muntu ushala ne muoyi. Meme Maweja-Nangila, ndi ngamba nanku.”

Zekâya 9:5

Pamona tshimenga tshia Askalone bidi bienzeka ebi, netshikuatshike bowa; tshimenga tshia Ngaza netshizakale; tshimenga tshia Ekrone netshipampakane, bualu katshiena mua kutekemena kabidi badi mua kutshiambuluisha. Mu tshimenga tshia Ngaza, kamuakuikala mukalenga kabidi. Bena mu tshimenga tshia Askalone nebaye nabu mu bupika.

1 Samuele 6:17

Bintu bivua bileja disama dia mulaka, bia tshiamu tshia mpawungi, bivua bena Peleshete balambula Maweja-Nangila, bua mulambu wa didia tshibalu bivua bungi nenku: bena tshimenga tshia Asdode bavua bafila tshintu tshimue, bena Ngaza tshimue, bena Askalone tshintu tshimue, bena Ngate tshintu tshimue ne bena Ekrone tshintu tshimue.