3 Yone 1:10 - MUKANDA WA MYIDI MUKULU

¹⁰ Nanku pandi mfika, ne mmanyishe patoke malu mabi onsu adiye wenza, miaku mibi idiye untamba, ne malu adiye utushiminyina. Ku bilema ebi udi usakidila kabidi tshikuabu: kena wakidila bena ditaba badi batutantshila. Udi ukandika kabidi badi basue kubakidila, ukeba kubipata mu Tshisumbu tshia bena ditaba.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nunku binalua, nenuvuluishe midimu idiye wenza, utubanda ne mei mabi; kai mudiholeshe ne malu â, kena witabusha bana betu ba mu Kilisto, ne udi uhidisha bantu badi basue kubakuatshisha, udi ubumusha mu ekelesia.

3 Yone 1:10 交叉引用

Yeshaya 66:5

Nuenu badi bateleja diyi dia Maweja-Nangila ne luzakalu, bamuitaba, umvuayi tshidiye unuambila. Nudi ne bena kuenu, badi banudiwula, banuipata munkatshi muabu, bualu nudi balamate Mvidi Mukulu. Badi banuamba, baseka ne: “Maweja-Nangila aleje bukole buende tumone munudi basanka!” Kadi bobu nebafue bundu.

Nsumuinu 10:10

Udi kayi musue kuambila bantu malu patoke mudiwu, udi ubakengesha; kadi udi ubabela bimpe, udi usombesha bantu mu ditalala.

2 Korente 13:2

Ndi musue kubela bantu bavua benze bibi kale, ne bakuabu bonsu kabidi. Nkadi mumane kubabela mu luendu luanyi luibidi kuenu aku. Lelu tshiena munkatshi muenu. Kadi ndi ngambulula bimvua muambe diba adi ne: musangu utuamonangana tshiakabidi, tshiakufuila muntu nansha umue luse to.

Luke 6:22

“Padi bantu banukina, banubenga, banupenda, banupenda bualu bua Muana wa muntu, nudi bena diakalenga.

Nsumuinu 10:8

Muntu wa meji udi wanyisha mibelu. Muntu muena biakulakula neabutuke lukasa.

3 Yone 1:5

Mulunda wanyi, biudi wenzela bana hetu, too ne benyi kabidi, bidi bileja muudi muntu wa diyi dimue.

Yowanane 9:22

Bavua bandamuna nanku, bualu bavua batshina bamfumu ba bena Yuda. Bualu bamfumu bavua bamane kumyuangana bua kuipata mu nzubu wa kutendelela wa bena Yuda muntu yonsu wajadika ne: Yezu udi Meshiya.

Bienzedi 1:15

Matuku makese apita, bena ditaba bamane kusangila bu lukama ne makumi abidi, ke Petro kujuka, kubambila ne:

Ngalate 6:10

Patutshidi ne diba, tuenzelayi bantu bonsu bimpe, kadi nangananga bena ditaba netu.

1 Timote 5:13

Kabidi bakadi bapeta tshibidilu tshia kuendakana ku nzubu ku nzubu, kujimija diba. Tshidi tshipite bubi: badi badienza bena biakulakula ne bena biambamba. Badi bakula malu adi kaayi abatangila.

2 Yone 1:10

Padi muntu ufika kunudi ne dilongesha dikuabu, kanumubueji mu nzubu, kanumuedi nansha muoyi.

2 Yone 1:12

Ndi ne malu a bungi akunuambila. Kadi tshiena musue kuafunda pa dibeji ne mayi a mukanda. Ndi ntekemena kufika kuenu aku, bua tuyukidilangane mpala ne mpala, tusanka tutshionkomoka.

3 Yone 1:3

Mvua ne disanka divule, pavua bana hetu bafike, banjadikile ne: Ngayuse udi witaba bulelela, ulonda kabidi njila wa bulelela matuku onsu.