2 Timote 4:11 - MUKANDA WA MYIDI MUKULU

¹¹ Anu Luke ke utudi nende. Wangate Marke, nufike nende, bualu udi mua kungambuluisha.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Anu Luka nkayandi udi nʼanyi. Wangata Mâko, ulue nʼandi, bua yeye udi mukumbane mua kunkuatshisha mu mudimu wa Nzambi.

2 Timote 4:11 交叉引用

Bienzedi 12:12

Petro mumane kujingulula malu onsu avua mamuenzekele, kuyaye kua Mariya, mamuende wa Yowanane, udi dina dikuabu ne: Marke. Bantu bavule bavua basangilaku, batendelela.

Filemone 1:24

Marke, Aristarke, Demase ne Luke, badi bakuata nanyi mudimu, badi banuela kabidi muoyi.

Bienzedi 12:25

Barnabase ne Shawule bamane kukumbaja mudimu wabu mu Yerushalayime, kupinganabu mu Antiyokiya, pamue ne Yowanane, uvua dina dikuabu ne: Marke.

2 Timote 1:15

Bu muudi mumanye, bantu bonsu ba mu buloba bua Aziya mbandekele, Fijele ne Ermojene kabidi.

Kolose 4:14

Luke, munganga ne mulunda wetu, ne Demase kabidi, badi banuela muoyi.

Kolose 4:10

Aristarke, utudi nende mu lukanu, ne Marke, muanabu ne Barnabase, badi banuela muoyi. (Bakadi bamane kunuambila munudi ne bua kuakidila Marke bimpe, padiye ufika kuenu.)

Bienzedi 15:39

Polu ne Barnabase kutandangana bikole, kushiyangana. Barnabase kuangata Marke, kubuela nende mu majuwa, kuya ku Shipre.

1 Petro 5:13

Bena ditaba ba mu Tshisumbu tshidi mu Babilone, bavua Mvidi Mukulu musungule bu nuenu, badi banuela muoyi. Muananyi Marke kabidi udi unuela muoyi.

Bienzedi 16:10

Polu mumane kumona malu aa, tuetu kudilongolola diakamue bua kuya mu Masedoniya. Bualu tuvua bashindike ne: Mvidi Mukulu udi mutubikile bua kulongesha bena mu ditunga adi Lumu lua Disanka.

Luke 13:30

Diba adi bantu badi ba ndekelu mpindiewu, nebikale ba kumpala. Badi ba kumpala mpindiewu, nebikale ba ndekelu!”

Matayi 20:16

Ke Yezu kuamba kabidi ne: nanku ba ndekelu nebikale ba kumpala; ba kumpala nebikale ba ndekelu.

Matayi 19:30

Kadi ba bungi badi mpindiewu ba kumpala, nebikale ba ndekelu. Ba bungi badi mpindiewu ba ndekelu, nebikale ba kumpala.

Osheya 14:4

Bena Ashure kabena mua kutupandisha to. Katuena mua kubanda kabidi, pa nyama ya tubalu tua myita to. Mpingu yetu, mbintu bivuabu basonge. Katuena mua kuyinemeka kabidi bu Mvidi Mukulu wetu to. Bualu anu wewe nkayebe, ke udi ufuila bana ba nshiya luse.”

Bienzedi 15:37

Barnabase uvua musue kuya ne Yowanane, uvuabu binyika kabidi ne: Marke.

2 Timote 2:21

Padi muntu udilengeja ku malu mabi onsu andi ntela, nebamuangate bua midimu misunguluke. Bualu udi witaba Mfumu ne muoyi mujima, umulengelela. Ke mudiye mua kumuambuluisha ku midimu mimpe yonsu.