2 Timote 3:8 - MUKANDA WA MYIDI MUKULU

⁸ Bu muvua Yanese ne Yambrese batombokele Moshe, ke mudi bantu abu babenga bulelela. Lungenyi lua bantu abu ndunyanguke. Ditaba diabu didi patupu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bu mudi Yane ne Yambele bakatantamena Mose, nunku bobo kabidi badi batantamena bualu bulelela; mbantu mene badi ne meshi abo moneka, kabai bajadikibua mu ditabusha diabo.

2 Timote 3:8 交叉引用

Didimanyisha 2:20

Kadi bualu bundi nkudiwila mpaudi ulengulula malu a Izebele. Mukaji ewu udi udiamba mudiye muambi wa Mvidi Mukulu. Udi upambula bantu banyi, ubalongesha bua benze malu a bundu, badie minyinyi ya nyama milambula nwidie.

1 Timote 6:5

dielangana mpata ne munanunanu ne bantu badi ne lungenyi lunyanguke, kabatshiyi bamanye bulelela. Bualu badi bela meji ne: kuenzela Mvidi Mukulu mudimu mmuaba wa kupeta biuma.

Ekesode 7:11

Mukalenga wa bena Ejipitu kubikila bena meji ne benji ba bilengulengu ne majimbu ba mu Ejipitu. Kuenzabu pabu tshishima atshi.

Tite 1:16

Badi bajadika ne: tudi bamanye Mvidi Mukulu. Kadi malu adibu benza adi aleja ne: kabena bamumanye to. Badi bantu babi, bantomboji, kabayi mua kukumbaja mudimu muimpe nansha umue.

1 Yone 4:1

Balunda banyi, kanulondi bonsu badi badiamba ne: tudi ne Mueyelu. Kadi nubatete bua kujadika ne: Mueyelu udibu nawu ngwa Mvidi Mukulu anyi? Bualu bambi ba dishima bavule badi batampakane mu bantu.

2 Petro 2:14

Badi balengamena amu bakaji badi bananga malu mabi. Kuenza malu mabi kakuena kubatonda. Badi bateya badi kabayi ne muoyi mukole. Muoyi wabu mmuibidile lukuka lua biuma. Mvidi Mukulu mmumane kubatshipa!

2 Timote 4:15

Wewe kabidi umudimukile, bualu uvua mubenge bikole bionsu bituvua balongeshe.

Efeze 4:14

Diba adi katuakuikala kabidi bana, badibu batekakaja kudi malongesha mashilangane, mushindu udi mavuala ne mpepele bitekakaja majuwa. Muntu utshidi muana mu ditaba, bena dishima badi bamupambula, banubueja mu ntupakanyi, ne malongesha abu a kudinga nawu bantu.

1 Timote 4:2

Nebabapambule kudi bena mpala ibidi, ne kudi bena dishima, badi ne kabu kondu ka munda kamane kufua, bu kosha ne tshiamu tshipatula mu kapia kakunze kunzuu.

1 Timote 1:19

Nanku ulame ditaba, ukumbaje bidi kondu kebe ka munda kakuambila. Bamue bantu bavua babenga kuteleja bivua kondu kabu ka munda kabambila. Ke muvuabu bajimije ditaba diabu.

Rome 16:18

Bualu bantu ba mushindu ewu kabena bakuatshila Kristu Mfumu wetu mudimu, kadi amu difu diabu! Badi bamanye mua kuakula bimpe, balongesha ne miaku ya lubombu. Ke mudibu badinga bantu badi ne lungenyi lutekete.

Didimanyisha 2:6

Kadi udi ne diakalenga, bualu udi mubenge malu a bena Nikolayite, amu mundi muabenga meme.

1 Yone 2:18

Bana banyi, nshikidilu ukadi pabuipi! Nukadi bumvue ne: Muluishi wa Kristu neafike. Kadi mpindiewu baluishi bavule ba Kristu bakadi bapatuke. Ke patudi bamanye ne: nshikidilu ukadi pabuipi.

Tite 1:10

Bualu kudi bantu bavule, nangananga munkatshi mua bena Yuda bavua babuele mu Tshisumbu tshia bena ditaba, badi bantomboji, bashima bantu ne biakulakula.

Ekesode 8:18

Kabidi bua wewe kujadika ne: ndi mulame bantu banyi nansha mu ditunga diebe mene, tshiakutuma njiji mu Ngoshene to, bualu mmuaba udibu basombe.

Ekesode 7:22

Benji ba bilengulengu kuenza pabu tshishima atshi ku majimbu abu. Nanku mukalenga wa bena Ejipitu uvua anu ne tshitunu. Kubengaye diyi dia Moshe ne Arone bu mu-vua Maweja-Nangila mudianjile kuamba.

Rome 1:28

Bu muyuabu babenga kumanya Mvidi Mukulu, Mvidi Mukulu mmubafile ku butshimbakane, bua kuenzabu bivuabu kabayi mua kuenza.

Bienzedi 15:24

Tudi bumvue ne: bantu bakuabu ba kuetu kunu mbavue kunulubakaja, kunupampakaja kabidi, ne malongesha abu. Kadi katuena babatume ne mukenji nansha.

Ekesode 8:7

Ndimba neyipatuke mu nzubu muebe, mua balombodi ba mu bukalenga buebe ne mua bantu bebe bonsu. Neyishale anu mu musulu wa Nile.