2 Timote 3:16 - MUKANDA WA MYIDI MUKULU

¹⁶ Bualu bionsu bidi mu Mikanda ya tshijila mbabifunde ne meji a Mvidi Mukulu. Bidi biambuluisha bua kulongesha bulelela, kubenga ntupakanyi, kulengeja bilema, kufikisha bantu ku nsombelu muimpe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Dî dionso dia mu Mukanda wa Nzambi didi difume munda mua Nzambi bu muhuya wandi, ne didi ne mudimu muimpe wa kuyisha bantu, ne wa kubabela, ne wa kubadimusha, ne wa kubalongesha mu buakane bua Nzambi;

2 Timote 3:16 交叉引用

Rome 15:4

Nenku bionsu bitudi tubala mu Mikanda ya tshijila mbabifunde bua kutulongesha. Mikanda ya tshijila idi kukolesha ku muoyi, bua tunanukile, tupete bitudi tutekemena.

Ebrewu 4:12

Bualu muaku wa Mvidi Mukulu udi muoyi kabidi ne bukole. Udi mutue mupite muele wa nkanza. Udi ubuela too ne muaba udi muoyi wa muntu ne mueyelu bipetangana, too ne muaba udi manungu ne bongu bua mu mifuba bilengangana. Udi upisha nansha ubingisha majinga ne meji adi mu muoyi wa muntu.

Marke 12:24

Yezu kubandamuna ne: — Ke panudi nutupakana, bualu kanuena bajingulule, nansha Mukanda wa tshijila, nansha bukole bua Mvidi Mukulu.

Misambu 119:9

Patshidi muntu muana, mmunyi mudiye mua kuikala ne nsombelu muimpe? — Amu padiye ulama tshiudi muambe wewe Maweja-Nangila.

Nsumuinu 6:23

Bualu bidi baledi bakuambila bidi bu muendu. Mibelu yabu idi bu butoke. Malongesha abu adi atuludika mu njila wa muoyi.

2 Timote 4:2

longesha bantu Muaku wa Mvidi Mukulu. Amba amu kuamba, nansha mu tshikondu tshimpe, nansha mu tshikondu tshibi. Itabijija bantu. Ubabele, ubakoleshe ku muoyi, ubalongeshe ne lutuulu, kuyi upungila.

Misambu 119:11

Ndi ndama mikenji yebe mu muoyi wanyi, bua tshikadi mua kupila ku mesu kuebe.

Misambu 119:130

Diyi diebe didi dipetesha muntu butoke padiye udimanya, didi dipetesha bantu bapuekele lungenyi.

2 Samuele 23:2

Mueyelu wa Mvidi Mukulu udi ungakuisha, uteka diyi diende pa ludimi luanyi.

Nsumuinu 15:31

Muntu udi uteleja mubelu udi mua kumuambuluisha, neasombe munkatshi mua bantu ba meji.

2 Timote 2:25

Udi ne bua kulongesha bantu badi bamuela mpata, kayi ufika munda. Bumue nebapete kudi Mvidi Mukulu mushindu wa kudilengeja, ne wa kumanya bulelela.

Dielulula 4:36

Nuenu nuakumvua diyi diende mu diulu, unulongesha bua kumutumikila. Pa buloba, wakanuleja tshimunyi tshia kapia, wakula nenu mu kapia aku.

Bienzedi 20:20

Nudi bamanye ne: pamvua munulongeshe, munumanyishe malu onsu mu bisangilu ne mu nzubu yenu, tshivua munusokoke bualu nansha bumue buvua mua kunulengelela.

Yowanane 3:20

Muntu yonsu udi wenza bualu bubi, udi ubenga butoke. Kena ufika padi butoke, bualu udi utshina bua malu ende mabi kaamueneki patoke.

Matayi 13:52

Nanku Yezu kubambila kabidi ne: — Ke mudi mulongeshi yonsu wa mikenji, padiye udienza mulongi wa malu a mu Bukalenga bua mu diulu, ufuanangana ne muena lupangu udi upatula bintu bipiabipia, ne bintu bia kale, mu tshibutshilu tshiende.

Bienzedi 18:25

Bavua bamulongesha njila wa Mfumu. Uvua ulongesha pende ne disuminyina, umanyisha bantu malu a Yezu bijalame, kayi utupakana. Kadi uvua mumanye amu muvuabu batua bantu mu mayi mushindu uvua Yowanane muenze.

Rome 2:20

muudi muludiki wa badi kabayi bamanye malu, mulongeshi wa bana. Bualu udi mujadike ne: pandi mumanye mikenji ya Mvidi Mukulu, ndi mumanye malu onsu anu mudiwu mu bulelela.

Nehemya 9:20

Wewe kubapesha Mueyelu webe, bua bapete meji mempe. Wewe kubapesha kabidi biakudia ne mayi, bua kutuyisha nzala ne nyota yabu.

Ngalate 3:8

Mikanda ya tshijila ivua midianze kumanyisha muvua Mvidi Mukulu ne bua kuhingisha bantu ba bisamba bikuabu, anu bua ditaba diabu. Ke mutudi tubalamu Lumu lua Disanka elu luwabu bambile Abrahame ne: “Mvidi Mukulu neele bisamba bionsu bia pa buloba lupemba bualu buebe.”

Ebrewu 3:7

Ke mudi Mueyelu wa Tshijila wamba ne: “Nuenu bumvue diyi dia Mvidi Mukulu lelu,

1 Korente 12:7

Mueyelu wa Tshijila udi umueneka munda mua muntu yonsu, ne dipa didi dilengelela bantu bonsu,

Bienzedi 20:27

Bualu mvua munumanyishe muonsu mudi Mvidi Mukulu ulongolola malu, tshiyi musokoke kalu nansha kamue.

Nsumuinu 15:10

Badi banyoka bikole bantu badi bapambuka mu njila ya buakane. Kulengulula mibelu nkuya ku lufu.

Yowanane 10:35

Tudi bamanye ne: kabena mua kushipa tshidi Mukanda wa tshijila ujadika. Bavuaye umanyisha miaku yende, Mvidi Mukulu uvua mubinyike ne: mmvidie.

Matayi 26:56

Kadi bionsu abi mbienzeke bua kukumbaja miaku ya bambi idibu bafunde mu Mikanda ya tshijila. Ke balongi bende bonsu kumushiya, kunyema.

Bienzedi 1:16

— Bana betu, miaku idibu bafunde mu Mikanda ya tshijila ivua ne bua kukumbana. Mueyelu wa Tshijila uvua mudianjile kumanyisha mukana mua Davide malu a Yudase, muludiki wa bantu bavua bakuate Yezu.

Matayi 21:42

Ke Yezu kubambila ne: — Kanuena banji kubala mukanda wa Mvidi Mukulu anyi? Mbafundemu ne: “Dibue divua bibaki bimansha, ndishale dibue didi dishindika nzubu. Ke mudi Maweja-Nangila muenze nanku. Bualu bua dikema butuvua bamone!

Rome 4:23

Kadi miaku idibu bafunde ne: “Uvua mubingishe Abrahame,” kabena bayifunde amu bua Abrahame nkayende nansha.

Ebrewu 11:1

Muntu udi ne ditaba ukadi ne bidiye utekemena, ukadi mumanye bidiye kayi umona.

Rome 3:2

Mushinga wa bionsu abi mmunene. Bangabanga bualu Mvidi Mukulu uvua mudianze kumanyisha bena Yuda miaku yende.

Bienzedi 28:25

Bu muvuabu kabayi basue kumyuangana, bakavua bakeba kutangalaka. Ke Polu kubambila amu ne: — Miaku ivua Mueyelu wa Tshijila muambile bankambua benu mukana mua muambi Yeshaya, ivua pa bualu!

Marke 12:36

Bualu Davide nkayende mulombolakudi Mueyelu wa Tshijila, uvua wamba ne: “Maweja-Nangila Mvidi Mukulu uvua wamba Mfumu wanyi ne: Luaku usombe ku diboku dianyi dia balume, too ne pandi nteka baluishi bebe muinshi mua makasa ebe.”

Mika 2:7

Bena Izrayele, mbabatshipe anyi? Maweja-Nangila kena ne lutulu anyi? Utu ne tshibidilu tshia kulujimija anyi?” Kadi meyi anyi adi alengelela amu bantu badi benda mu njila udi Mvidi Mukulu muanyishe.

Matayi 26:54

Kadi meme muenze nanku, malu adi mu Mikanda ya tshijila neakumbane bishi? Bualu mu mikanda amu mbafunde ne: bienzeke amu nanku.

Matayi 22:43

Yezu kubebeja ne: — Kadi mmunyi muvua Davide, uvuabu balombola kudi Mueyelu wa tshijila, umubikila ne: “Mfumu?” Bualu Davide uvua wamba ne:

Sefanya 3:2

Kavua uteleja diyi dia Maweja-Nangila. Kavua witaba mibelu yende. Kavua utekemena Maweja-Nangila. Kavua ukeba diambuluisha kudi Mvidi Mukulu.