2 Timote 3:14 - MUKANDA WA MYIDI MUKULU

¹⁴ Kadi wewe, vuluka amu bimpe bivuabu bakulongeshe, biuvua muitabe, mujadike. Udi mumanye kabidi bavua bakulongeshabi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Kadi wewe wikale mu malu awakayila ne awakeyemena ne, Nga bushua; umanya biebe bantu bakakuyishau;

2 Timote 3:14 交叉引用

1 Tesalonike 2:13

Tudi tuela amu kuela Mvidi Mukulu tuasakidila kabidi, bualu patuvua tunumanyisha muaku wa Mvidi Mukulu, nuvua bauteleje, bawitabe, kanuyi bautangile bu muaku wa muntu, kadi amu bu muaku wa Mvidi Mukulu. Bushuwa muaku awu uvua uleja muvuawu wa Mvidi Mukulu menemene, bualu uvua ukuata mudimu munda muenu nuenu badi bitaba.

2 Timote 2:2

Biuvua mumvue meme mulongeshe, bantu ba bungi bavua babiumvue, babijadike. Nanku ubilongeshe bantu ba nsongu, badi bamanye mua kubilongesha bakuabu.

2 Timote 1:13

Miaku milelela imvua mukuambile ikuleje muudi ne bua kuakula. Unanukile bimpe mu ditaba ne mu dinanga, bitudi nabi patudi tudisanga ne Yezu Kristu.

1 Tesalonike 1:5

Bualu katuvua banulongeshe Lumu lua Disanka anu ku mishiku patupu, kadi ne bukole kabidi. Mueyelu wa Tshijila uvua utuambuluisha. Ke mutuvua bajadike bulelela bua Lumu lua Disanka elu ne bukitu. Nudi bamanye mutuvua basombe munkatshi muenu, anu bua kunuenzela bimpe.

Ebrewu 10:22

Nenku tusemenayi kudi Mvidi Mukulu ne muoyi umue, bashindame mu ditaba dietu, bamane kulengeja muoyi wetu ku bilema bionsu bidi kondu ketu ka munda katupisha nabi, bamane kuowesha mubidi wetu ne mayi mimpe.

Ebrewu 6:11

Kadi tudi tujinga ne: muntu yonsu wa kunudi atungunuke ne disuminyina dia momumue too ne ku ndekelu, bua binudi batekemena bikumbane menemene.

1 Timote 4:16

Udilame biakane. Ulongolole bimpe dilongesha diebe. Unanukilemu. Wewe muenze nanku, neudisungidile, neusungidile kabidi bantu badi bakuteleja.

2 Timote 3:15

Bualu bituadije ku buana buebe, udi mumanye Mikanda ya tshijila, idi mua kukupa meji adi mua kukufikisha ku lupandu, paudi witaba Yezu Kristu.

Rome 14:5

Mukuabu udi wela meji ne: manga matuku adi manene mapite makuabu. Kadi munga udi wela meji ne: matuku onsu adi momumue. Kadi muntu yonsu ajadike bimpe meji adiye nawu.

Kolose 2:2

Ndi nduangana bua bikale ne muoyi wa bukitu, banangangane, benze tshintu tshimue, bamanye malu onsu mu bulelela, bashindame munda muawu. Ke mudibu mua kujingulula meji masokome a Mvidi Mukulu, momumue ne: Kristu nkayende.

Bienzedi 17:31

Bualu mmufunde dituku didi muntu udiye musungule ne bua kulumbuluisha bantu bonsu, kukosa nsambu yabu pa yoyi. Ke bualu budiye mujadikile bantu bonsu pa kubisha muntu ewu ku bafue!

Tite 1:9

Alongeshe malu a Mvidi Mukulu malelela, amu muvuabu bamulongeshewu. Nanku neamanye mua kukolesha bantu bakuabu ku muoyi. Alongeshe amu malu malelela. Aleje bantu badi babenga dilongesha diende ntupakanyi yabu.