2 Timote 2:19 - MUKANDA WA MYIDI MUKULU

¹⁹ Kadi tshitaku tshikole tshivua Mvidi Mukulu muase, kabena mua kutshinyungisha. Bavua bafundapu ne: “Mfumu udi mumanye bena diende.” mBafundepu kabidi ne: “Muntu yonsu udi wamba ne: ndi muntu wa Mvidi Mukulu, udi ne bua kulekela kuenza malu mabi.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Kadi bishimikidi bikole biakateka Nzambi bidi bijalama, bidi ne tshimanyishilu etshi ne, Mukelenge udi mumanye badi bandi; ne, Muntu yonso udi utela dina dia Mukelenge ûmuke biandi ku malu mabi.

2 Timote 2:19 交叉引用

Yowanane 10:14

Ndi mulami muimpe wa mikoku. Mudi Tatu mummanye, kabidi mundi mumanye Tatu, ke mundi mumanye mikoku yanyi, mikoku yanyi kabidi idi mimmanye. Ndi mfila kabidi muoyi wanyi bua mikoku yanyi.

1 Korente 8:3

Amu muntu udi unanga Mvidi Mukulu, ke udi Mvidi Mukulu mumanye.

Nahume 1:7

Maweja-Nangila udi ne muoyi muimpe. Badi mu dikenga, badi mua kusokomena kudiye. Badi banyemena kudiye, udi ubalama bimpe,

Dibadika 16:5

Kuambilaye Kora ne bonsu bavuaye nabu ne: — Malaba dinda, Maweja-Nangila nkayende neatumanyishe muntu udi wa tshijila, udi mua kusemena pabuipi nende. Nanku, neanyishe bua muntu udiye musungule asemene pabuipi nende.

Luke 13:27

Kadi mfumu neanuambile ne: ‘Tshiena mumanye kunudi nufuma to. Umbukayi apa, nuenu bonsu benji ba malu mabi!

Ngalate 4:9

Kadi mpindiewu nudi bamanye Mvidi Mukulu. Tuambe ne: Mvidi Mukulu mmunumanye! Kadi mmunyi munudi basue kupingana ku bintu ebi bidi kabiyi ne bukole, kabiyi mushinga, kudienza bapika babi?

Didimanyisha 3:8

Ndi mumanye bionsu biudi wenza. Ndi mumanye mudi bukole buebe bukese. Kadi nansha wewe mutekete, udi mulame amu muaku wanyi, kuyi unwila. Ndi mukukanguile tshiibi tshidi muntu nansha umue kayi mua kukanga.

Didimanyisha 22:4

Nebamone mpala wende. Nebafunde dina diende pa mpala yabu.

Efeze 4:30

Kanubungamiji Mueyelu wa Tshijila wa Mvidi Mukulu. Mueyelu udi tshitampi tshia Mvidi Mukulu, tshidi tshileja munudi bantu bende. Mueyelu udi ujadika kabidi ne: dituku nedifike didi Mvidi Mukulu unupikula kashidi ku bubi buonsu.

1 Korente 1:2

tudi tunufundila, nuenu bena Tshisumbu tshia bena ditaba tshia Mvidi Mukulu badi mu Korente, mukanda ewu. Tudi tunuela muoyi nuenu bonsu badi Mvidi Mukulu mubikile, bua nuikale bende, nuikale kabidi bantu ba tshijila, panudi nudisanga ne Yezu Kristu. Mukanda ewu mmufundila kabidi bantu bonsu ba miaba yonsu badi bitaba Yezu Kristu, udi Mfumu wabu, ne wetu kabidi.

Yeshaya 28:16

Kadi umvuayi mudi Maweja-Nangila Mvidi Mukulu wamba: “Ndi nteka dibue dia tshitaku mu Siyone, dibue dia kunuteta nadi, dibue dia mushinga dia mu ditumba, didibu kabayi mua kunyungisha. Pa dibue edi mpafunde ne: muntu yonsu udi utekemena kundi, kena unyunga to.

2 Petro 3:14

Bana hetu basuibue, panutshidi bindile dituku edi, enzayi muenu muonsu bua nuikale kanuyi katoba, kanuyi ne bubi, ku mesu kua Mvidi Mukulu. Nusombe kabidi nende mu ditalala.

2 Korente 7:1

Bana hetu basuibue, ke bivuabu batulaye tuetu. Nanku tudilongololayi, tumushe manyanu onsu adi pambidi, tuditokeshe kabidi mu muoyi wetu. Tuikale bantu ba tshijila menemene, badi benza bidi Mvidi Mukulu musue.

Didimanyisha 2:13

Ndi mumanye muaba uudi usomba. mMuaba udi nkuasa wa lumu wa diabolu. Wewe udi mundamate bikole. Kuena munwile, nansha pavuabu bashipe kuenu aku, kudi diabolu usombela, Antipase, uvua munjadikile malu muende muonsu.

Misambu 1:6

Bualu Maweja-Nangila udi ulombola badi bamulamata. Kadi badi kabayi bamuitaba, nebabutuke.

Matayi 7:23

Kadi dituku adi, nembajukuile ne: “Meme tshiena munumanye to! Nudi bena buenzayi! Umbukayi kundi!”

Efeze 3:15

Diku dionsu didi mu diulu ne didi pa buloba didi dipetela muoyi kudiye.

Nsumuinu 3:7

Lekela kuditangila bu muena meji. Kadi tshina Maweja-Nangila, epuka bubi.

Misambu 37:18

Maweja-Nangila udi ukuba diba dionsu badi benza tshidiye musue. Ditunga didibu bapeta kudiye, nebashale nadi kashidi.

Misambu 34:14

alekele kujanangana, alekele kushimangana,

Rome 15:20

Kadi mvua musue kumanyisha Lumu lua Disanka amu miaba ivuabu kabayi banji kumvua batela Kristu. Tshivua musue kuibaka pa bitaku bivua muntu mukuabu muase.

Bienzedi 15:17

Nanku bantu bakuabu bonsu nebakebe Maweja-Nangila: ke bena bisamba bionsu bimvua mubikile, bua bishale bianyi. Meme Maweja-Nangila nenkumbaje,

Matayi 7:25

Mvula kuloka, misulu kuwula kupasalalangana, tshipepele kutuuta bikole ku nzubu. Kadi nzubu nansha kushimbuka, bualu bavua bamuibake pa dibue.

1 Yone 2:19

Bantu aba kabavua hetu menemene to. Bobu bikale hetu, bavua mua kushala netu. Kadi mbumuke kutudi. Ke padibu baleje patoke ne: nansha umue wa kudibu kavua wetu menemene.

Rome 12:9

Udi ne dinanga, kikadi ne mpala ibidi. Abenge malu mabi, ananukile ne dienza dia malu mimpe.

Marke 13:22

Bualu ba Meshiya ba dishima ne bambi ba dishima nebafike, nebenze bimanyinu ne bishima bua kupeta mushindu wa kushima bantu badi Mvidi Mukulu mumane kusungula.

Nsumuinu 10:25

Bantu babi badi bafue mu tshikondu tshia tshipupu, kadi bakane badi batshikolela kashidi.

Yobe 28:28

Pashishe uvua wambila bantu ne: “Meji nkunemeka Maweja-Nangila. Lungenyi nkumuka ku malu mabi.”

Rome 9:11

Kadi Rebeka kayi muanji kulela bana bende babidi ba balume, bana kabayi banji kuenza malu mimpe nansha mabi, Mvidi Mukulu ukavua mumane kuambila mamuabu ne: “Mukulu neakuatshile muakunyi mudimu.”

Misambu 97:10

Nuenu badi banange Maweja-Nangila, nukine malu mabi. Maweja-Nangila udi ulama mioyi ya badi bamulamata, udi ubapandisha kudi bantu babi.

Dibadika 6:27

Padi batuangaji batela dina dianyi nanku, bua kuela bena Izrayele lupemba, meme nkayanyi nembele lupemba.

1 Timote 6:19

Ke mudibu bakungija biuma bidi bishala mu tshibutshilu tshimpe ne tshikole bua matuku adi kumpala. Diba adi nebapete muoyi udi mulelela.

Rome 8:28

Tudi bamanye ne: Mvidi Mukulu udi ukuata mudimu mu bionsu, bua bilengelele badi bamunanga, bavuaye mubikile bilondeshile meji ende.

Bienzedi 9:14

mMufike munu ne bukenji bua kudi batuangaji banene, bua kukuata bonsu badi bitaba dina diebe.

Yowanane 13:18

Tshiena ngamba buenu bonsu to. Ndi mumanye bandi musungule. Kadi mbimpe ikumbane miaku ivuabu bafunde mu Mukanda wa tshijila ne: “Muntu utuvua tudia nende diampa, ukadi unduisha.”

Matayi 24:24

Bualu baKristu ba dishima ne bambi ba dishima nebamueneke. Nebenze bishima binene, ne malu a dikema, bifuane mua kudinga bantu mene badi Mvidi Mukulu musungule, bu biobi mua kuenzeka.

Misambu 112:6

Bualu kena mua kutekankana tshiendelele, nebavuluke muntu muakane matuku onsu.

Efeze 2:20

Nuenu kabidi nudi bidibu bibaka nabi nzubu. Tshitaku tshia nzubu awu, ke bapostolu ne bambi. Dibue dia mu ditumba ke Kristu mene.

Rome 11:2

Mvidi Mukulu kena mubenge bantu bende, bavuaye mudianze kudisunguila. Nudi bamanye bidibu bafunde mu Mukanda wa tshijila. Pavua Eliya ufunda bena Izrayele ku tshilumbu kudi Mvidi Mukulu,

Luke 6:48

Udi ufuanangana ne muntu uvua mutuadije kuibaka nzubu. Uvua mumbule mukidi muondoke, muibake tshitaku tshia nzubu pa mabue. Pavua mayi a misulu uwula, apasalala, atuuta ku nzubu, kaavua amunyungisha nansha. Bualu nzubu uvua muibaka bimpe.

Agayi 2:23

Dituku adi, wewe Zerubabele, muntu wanyi, newikale ne mushinga, bu mudi tshitampi tshianyi nawu. Bualu ndi mukusungule, bua wikale muenampala wanyi. Meme Maweja-Nangila, ndi ngamba nanku.

Rome 15:9

mMufike kabidi bua bantu ba bisamba bikuabu batumbishe Mvidi Mukulu bua luse luende. Ke padi Mukanda wa tshijila wamba ne: “Ke pandi nkutumbisha munkatshi mua bisamba bikuabu, nsaka misambu ya kutumbisha nayi dina diebe.”

Yeshaya 14:32

Bantu badi bena Peleshete batume, tubandamune tshinyi? Tubandamune ne: — Maweja-Nangila nkayende mmuase Siyone. Ke muaba udi bapele bende baye kusokomena.

Didimanyisha 21:14

Bavua bashikike tshimana tshia tshimenga pa mabue dikumi ne abidi. Bavua bafunde pa mabue apu mena a bapostolu dikumi ne babidi ba Muana wa mukoku.

Ebrewu 11:10

Bualu Abrahame uvua mutekemene tshimenga tshivua ne tshitaku tshishindame tshidi Mvidi Mukulu muase bilondeshile meji ende.

Matayi 28:19

Nenku nuye kudi bantu ba bisamba bionsu. Nubenze balongi banyi. Nubatue mu mayi mu dina dia Tatu, dia Muana, ne dia Mueyelu wa Tshijila.

Zekâya 3:9

Nenteke dibue kumpala kua Yeshuwa. Dibue adi nedikale dimue, kadi nedikale ne nseke muanda mutekete ikenka. Nentape meme nkayanyi miaku pa dibue edi. Nanku, munkatshi mua dituku dimue nengumushe bubi bua bantu, budi bunyanga buloba. Eyo, meme Maweja-Nangila wa bukole buonsu, ndi njadika nanku.

Didimanyisha 17:8

Nyama uuvua mumone uvua ne muoyi kale, kadi kena kabidi nawu to. Udi ne bua kupatuka mu kandondu, kadi amu bua aye kubutuka. Bantu ba pa buloba badi kabayi ne dina difunda mu mukanda wa muoyi, katshia bafuka bantu, nebakeme pamonabu nyama. Bualu kale nyama awu uvua ne muoyi, kadi katshiena kabidi nawu. Dikuabu dituku neamueneke tshiakabidi.

Bienzedi 11:26

Umusangana kupinganaye nende ku Antiyokiya. Kushalabu koku tshidimu tshijima bonsu babidi mu Tshisumbu tshia bena ditaba atshi. Bavua balongesha bantu bavule malu a ditaba. Mu Antiyokiya ke muaba uvua bena ditaba badianze kupetela dina dia bena Kristu.

Yeshaya 65:15

Bantu banyi nebangate dina dienu, bua kutshipa nadi bantu bakuabu. Nebambe ne: “Maweja-Nangila Mvidi Mukulu akushipe, bu mudiye mushipe kampande nansha kansanga.” Kadi, bantu banyi badi bandamate, nebapete dina dikuabu.

Yeshaya 63:19

Kukadi bidimu bivule, tudi amu bamueneke bu bantu baudi kuyi uludika, baudi kuyi muinyike dina diebe. Eyi! Bu wewe mua kupanda diulu, bu wewe mua kupueka panuapa! Mikuna ivua mua kuzakala kumpala kuebe.

Yezekiyele 9:4

Maweja-Nangila kumuambila ne: — Endakana mu tshimenga tshijima tshia Yerushalayime. Ufunde tshimanyinu pa mpala ya bantu bonsu badi badila, banyingalala bua malu mabi onsu adi bantu benza mu tshimenga etshi.

Yowanane 3:33

Udi witaba bidiye wamba udi ujadika nanku mudi Mvidi Mukulu wamba malu malelela.

1 Timote 3:15

Kadi bu meme munengakane mutantshi, mukanda ewu neukumanyishe bidi bantu ne bua kuenza mu diku dia Mvidi Mukulu, mbuena kuamba ne: mu Tshisumbu tshia bantu badi bitaba Mvidi Mukulu wa muoyi, udi dikunji ne nshindamenu wa bulelela.

Marke 12:16

Kumutuadilabu lukanu lumue. Yeye kubakonka ne: — Mpala ne dina bidibu bazolapu mbia nganyi? Bobu kumuandamuna ne: — Mbia mukalenga wa bakalenga.