2 Timote 2:18 - MUKANDA WA MYIDI MUKULU

¹⁸ Bavua bumuke mu njila wa bulelela, bualu badi balongesha ne: dibiika dietu dia ku lufu ndimane kuenzeka. Ke mudibu bapambuisha kabidi bantu bavule mu njila wa ditaba.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ bobo bakamana kuhambuka mu nshila wa mei malelela, bamba ne, Kubika kua bantu ku lufu kuakumana kulua, ne badi banyanga ditabusha dia bakuabo.

2 Timote 2:18 交叉引用

1 Korente 15:12

Patudi tulongesha ne: Kristu mmubike ku lufu, mmunyi mudi bamue ba kunudi bamba ne: bafue kabakubika ku lufu?

1 Timote 1:19

Nanku ulame ditaba, ukumbaje bidi kondu kebe ka munda kakuambila. Bamue bantu bavua babenga kuteleja bivua kondu kabu ka munda kabambila. Ke muvuabu bajimije ditaba diabu.

Ebrewu 3:10

Ke pamvua mubafikile munda. Ke meme kuamba ne: ‘Matuku onsu, meji abu adi aya kua patupu. Kabena bajingulule tshindi mutekemene kudibu.’

1 Yone 2:19

Bantu aba kabavua hetu menemene to. Bobu bikale hetu, bavua mua kushala netu. Kadi mbumuke kutudi. Ke padibu baleje patoke ne: nansha umue wa kudibu kavua wetu menemene.

Yakobe 5:19

Bana hetu, pikala umue wa kunudi mupambuke mu njila wa bulelela, mukuabu mumupingaje mu njila muimpe,

2 Timote 2:14

Uvuluije bantu bonsu malu aa. Ubabele bikole kumpala kua Mvidi Mukulu ne: kanuedianganyi mpata ya pa miaku. Mpata ya nunku kayena ilengelela bantu, kadi idi amu ipambula badi bayiteleja.

1 Timote 6:21

Bantu bakuabu bavua badiamba ne: tudi ne dimanya adi, mbapambuke mu njila wa ditaba. Dinanga dia Mvidi Mukulu dishindame munda muenu.

1 Timote 6:10

Bualu lukuka lua biuma mmuji wa malu mabi a mishindu yonsu. Banga bantu badi ne lukuka alu, mbapambuke mu njila wa ditaba, mbadikebele makenga mavule.

Kolose 3:1

Bavua banubishe ku lufu pamue ne Kristu. Nanku kebayi bia mu diulu, mudi Kristu musombe ku diboku dia bukole dia Mvidi Mukulu.

1 Korente 11:19

(Matapuluka adi ne bua kuenzeka munkatshi muenu, bua badi balama ditaba dilelela, bamueneke patoke.)

Bienzedi 5:39

Kadi pikalabi bifuma bulelela kudi Mvidi Mukulu, kanuakubibutula nansha. Dimukayi: pamue apa nudi nuluisha Mvidi Mukulu! Bena Tshipangu bonsu kuanyisha lungenyi lua Ngamaliyele alu.

Luke 8:13

Bakuabu, bidi bibenzekela bu mudi ntete idi imata mu buloba bua mabue. Badi bumvua muaku wa Mvidi Mukulu, bawakidila ne disanka. Kadi muaku ewu kawena ushindama munda muabu. Badi bitaba anu bua matuku makese. Padi dikenga dibakuata, badi bajimija ditaba.

Matayi 22:29

Yezu kubandamuna ne: — Nudi batupakane bikole! Bualu kanuena bajingulule tshidibu bafunde mu Mukanda wa tshijila. Kanuena nansha bamanye bukole budi Mvidi Mukulu nabu.

Matayi 15:13

Yezu kuandamuna ne: — Mutshi onsu udi Tatu wanyi udi mu diulu kayi mukune, nebawujule ne miji yawu.

Tite 1:11

Nanku ubakandike, ubabuikidije mukana, bualu badi bajula bimvundu mu meku majima, balongesha malu adi kaayi makane, anu bua kupeta biuma mushindu mubi.