2 Timote 2:14 - MUKANDA WA MYIDI MUKULU

¹⁴ Uvuluije bantu bonsu malu aa. Ubabele bikole kumpala kua Mvidi Mukulu ne: kanuedianganyi mpata ya pa miaku. Mpata ya nunku kayena ilengelela bantu, kadi idi amu ipambula badi bayiteleja.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Uvuluishe bantu malu â, ubambila bikole ku mesu kua Mukelenge bua bobo kabatandanganyi bualu bua mei adi kâi ne mudimu ne adi ahambuisha bantu badi baunvua.

2 Timote 2:14 交叉引用

2 Timote 2:23

Kadi ubenge mpata ya bupale ne butshimbakane. Umanye ne: ndekelu wayi udi amu matandu.

2 Timote 4:1

Ndi nkusengelela kumpala kua Mvidi Mukulu ne kua Yezu Kristu, walumbuluisha ba muoyi ne bafue, ndi nkulomba mu dina dia difika dia Yezu Kristu, ne dia Bukalenga buende, ne:

Rome 14:1

Nuakidile bimpe udi mutekete mu ditaba. Kanuedianganyi nende mpata, bua kupetula meji ende.

Ebrewu 13:9

Kanumbuki mu njila mulelela, bua kuitaba malongesha mashilangane adi kaayi etu. Bidi bimpe bua dinanga didi Mvidi Mukulu utunanga nadi dikoleshe muoyi wetu, mikenji idi itangila biakudia kayena mua kuenza nanku. Badi bitabe mikenji ya mushindu ewu, katshia kabena mua kupeta kantu nansha kakese.

1 Timote 5:21

Ndi nkulomba, nkusengelela kumpala kua Mvidi Mukulu, kua Yezu Kristu, ne kua batumibue bende ba tshijila ne: ulame mikenji eyi, kuyi ne kansungasunga mu biudi wenza, kuyi wengeleka muntu, kuyi umukengesha patupu.

Bienzedi 15:24

Tudi bumvue ne: bantu bakuabu ba kuetu kunu mbavue kunulubakaja, kunupampakaja kabidi, ne malongesha abu. Kadi katuena babatume ne mukenji nansha.

2 Petro 1:13

Bualu pantshidi ne muoyi apa, ndi ne bua kunuvuluija amu kunuvuluija malu aa.

1 Timote 6:13

Kumpala kua Mvidi Mukulu, udi upa bintu bionsu muoyi, kumpala kua Yezu Kristu, uvua mujukule ditaba diende ne miaku milenga kumpala kua Ponsiyo-Pilate, ndi nkulomba ne:

2 Tesalonike 3:6

Bana hetu, tudi Umulomba mu dina dia Mfumu Yezu Kristu ne: umbukayi kudi bana hetu bonsu badi kabayi bakuata mudimu,

Yirmeya 7:8

Kadi, nudi nutekemena miaku ya dishima idi kayiyi mua kunuambuluisha.

1 Samuele 12:21

Kanukebi bua kuenzela mvidie ya tshianana mudimu. Bualu kayena ne bukole bua kunuambuluisha, nansha bua kusungila muntu. Idi amu mvidie ya dishima.

2 Timote 2:16

Epuka ku biakulakula bia patupu bidi bibengangana ne ditaba. Bualu badi babiakula nebumbuke ku kakese ku kakese kudi Mvidi Mukulu.

1 Timote 4:8

Manaya a kuibidija mubidi adi mimpe, alengelela bantu, kadi amu kakese. Kadi kutumikila Mvidi Mukulu kudi kubambuluisha mu bionsu, bualu kudi kutulaya muoyi bua mpindiewu, ne bua matuku atshidi kumpala.

Efeze 4:17

Mu dina dia Mfumu, ndi nnuambila, nnujadikila se: kanuenji kabidi malu adi bantu badi kabayi bamanye Mvidi Mukulu benza, bualu badi balonda meji abu a patupu.

Ngalate 1:7

Bushuwa, kakuena Lumu lua Disanka lukuabu nansha! Kudi amu bantu bakuabu badi banudinga, basue kushintulula Lumu lua Disanka lua Kristu.

Bienzedi 13:10

wamba ne: — Wewe udi muntu mubi, muena dishima, muana wa diabolu, mubengi wa malu mimpe onsu. Neulekele kujikila Mvidi Mukulu njila diba kaayi?

Matayi 16:26

Muntu udi upeta buloba bujima, kadi ujimija muoyi wende, nebimuambuluishe ku tshinyi? Kakuena tshidi muntu mua kufila bua kupeta tshiakabidi muoyi wende.

Abakuke 2:18

Mpingu inudi badienzele bua kutendelela nwidie, neyinuambuluishe ku tshinyi? Idi amu bintu binudi nusonga, nansha nufula, kabiyi biakula, bidinga bantu. Mudibi mua kunuambuluisha mbishi?

Yirmeya 23:36

— Kadi kanuambi ne: Maweja-Nangila mmuteke bujitu pambidi petu. Muaku wa Maweja-Nangila udi wenza bujitu budi muntu ne bua kuambula anyi? Nansha kakese! Kadi padibu bamba nanku, badi banyanga muaku wa Maweja-Nangila Mvidi Mukulu wa bukole buonsu udi ne muoyi, Mvidi Mukulu wa Izrayele.

Yirmeya 23:32

Ndi nduisha bambi badi bamba malu avuabu bamone mu ndota, bapambuisha bantu banyi, babadinga. Meme tshiena mubapeshe mudimu nansha umue, tshiena mubelele mukenji nansha umue. Kabena bambuluisha bantu banyi. Meme Maweja-Nangila ndi ngamba nanku.

2 Timote 1:6

Ke pandi nkuvuluija ne: usonsole dipa divua Mvidi Mukulu mukupeshe, pamvua mukutenteke bianza.

1 Timote 1:6

Bantu bakuabu badi bapambuke mu njila ewu, baditua ku mpata ya tshianana.

1 Timote 1:4

Kabakebi kumanya mianu ne mena mulongulongu bia bankambua, bidi bijula amu milandu ya patupu. Bionsu abi kabiena bitungunuja mudimu wa Mvidi Mukulu wa kusungidila bantu. Muntu udi upeta lupandu amu ku ditaba.

1 Tesalonike 4:1

Bana hetu, tuvua banulongeshe binudi ne bua kuenza, bua nusankishe Mvidi Mukulu. Bushuwa nukadi nuenza nanku. Kadi mpindiewu tudi Umulomba, tunusengelela mu dina dia Mfumu Yezu ne: nuenze nupitshishe.

Yirmeya 16:19

— Maweja-Nangila, wewe udi umpesha bukole. Wewe udi undama. Mu tshikondu tshia dikenga, ndi mua kunyemena kuudi. Bantu ba bisamba bikuabu nebafike kuudi wewe, bafuma ku nshikidilu wa buloba. Diba adi nebambe ne: “Bankambua betu bavua anu ne mvidie ya dishima. Mvidie yabu ivua anu lupepele, kayivua mua kuambuluisha muntu nansha umue.

Yirmeya 2:11

Nenujadike ne: kakuena tshisamba tshidi tshianji kubenga mvidie yatshi. Kabidi mvidie ayi, kayena nansha mvidie ya bushuwa! Kadi, tshisamba tshianyi tshia bena Izrayele, nansha bobu bamane kumona butumbi buanyi, kumbengabu, kunshintakaja ne mvidie idi kayiyi mua kubambuluisha.

Yirmeya 2:8

Batuangaji kabena bankeba ne: ‘Maweja-Nangila udi penyi?’ Bantu bavua bamanye mikenji bikole, kumpangabu. Balombodi ba bantu kuntombokela meme Maweja-Nangila. Bambi kuambila bantu malu mu dina dia Baale. Bantu bonsu kutendelela mvidie ivua kayiyi ne bukole.

Tite 3:1

Uvuluije bena ditaba mudibu ne bua kukokela balombodi ne bamfumu ba matunga, kubatumikila. Bikale ne muoyi wa kubambuluisha mu midimu mimpe yonsu.