2 Timote 2:13 - MUKANDA WA MYIDI MUKULU

¹³ Bituamubenga, Yeye neatunange, bualu kena mua kudivila muende mudiye.”

Mukanda wa Nzambi Dihungila Dikulukulu ne Dihungila Dihia-dihia 2003

¹³ bituikala katui bena lulamatu, yeye udi ushala muena lulamatu, yeye kena mumanye mua kudivila.

2 Timote 2:13 交叉引用

Dibadika 23:19

Mvidi Mukulu kena muntu, kena ushima! Kena muana wa Adame, kena ushintulula meji ende. Udi wenza amu mudiye wamba. Udi ukumbaja bionsu bidiye ulaya.

Rome 3:3

Kadi tudi mua kuamba tshinyi, padi bamue ba kudibu kabayi bakumbaja bivuabu bamulaye? Mvidi Mukulu neabenge kukumbaja bivuaye mubalaye, bualu bobu kabena babikumbaje anyi?

Tite 1:2

Ke mudibu mua kutekemena muoyi wa kashidi, udi Mvidi Mukulu, udi kayi ushima, mudianze kutulaya kumpala kua bidimu bionsu.

2 Tesalonike 3:3

Kadi Mfumu udi muena diyi dimue. Neanupe bukole. Neanuepule kudi Muena bubi.

1 Tesalonike 5:24

Mvidi Mukulu uvua munubikile, neakumbaje bivua-ye mulaye, bualu udi muena diyi dimue.

1 Korente 1:9

Mvidi Mukulu uvua munubikile, bua nuenu kudisanga ne Muanende Mfumu wetu Yezu Kristu mu nsombelu wenu mujima, udi ukumbaja bionsu bidiye ulaya.

Ebrewu 6:18

Kudi malu abidi adibu kabayi mua kushintulula, malu abidi adi Mvidi Mukulu kayi mua kuvila. Nanku malu abidi aa adi atukolesha bikole ku muoyi, bua tumone mua kutekemena ne muoyi mujima bivuabu batulaye.

Matayi 24:35

Diulu ne buloba nebijimine. Kadi miaku yanyi kashidi kayena ijimina to.

Rome 9:6

Kadi tshiena musue kuamba ne: bivua Mvidi Mukulu mulaye, kena mubikumbaje nansha. Bualu bantu ba ku ndelanganyi ya Izrayele, kabena bonsu bena Izrayele balelela to.

Yeshaya 25:1

Maweja-Nangila, wewe ke Mvidi Mukulu wanyi. Ndi musue kutumbisha bunene buebe, kumanyisha bantu lumu luebe. Bualu wewe uvua muenze bia dikema. Biuvua mujadike kale, udi mubikumbaje bionsu bungi buabi.

Dielulula 7:9

Nuenu bena Izrayele, numanye ne: Maweja-Nangila Mvidi Mukulu wenu nkayende ke Mvidi Mukulu wa bushiwa. Yeye udi ulama ndondu wende too ne ku ndelanganyi tshinunu. Udi unanga amu kunanga bantu bonsu badi bamunanga, bamutumikila.