2 Timote 2:1 - MUKANDA WA MYIDI MUKULU

¹ Muananyi, utantamane mu dinanga dia Mvidi Mukulu ditudi nadi patudi tudisanga ne Yezu Kristu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Nunku wewe muanʼanyi, ukoleshibue mu ngasa wa mu Kilisto Yesu.

2 Timote 2:1 交叉引用

Efeze 6:10

Nanku, kebayi bukole pa kudisanga ne Mfumu, bualu buende mbupite!

2 Timote 1:7

Bualu Mueyelu, utudi bapete kudi Mvidi Mukulu, kawena utuenza bantu badi ne buowa nansha. Kadi Mueyelu wende udi utupa bukole, dinanga, ne meji.

Filipe 4:13

Bu mudi Kristu unkolesha, ndi mua kupitshila mu bionsu amu bimpe.

1 Korente 16:13

Tabalayi, shindamayi bikole mu ditaba. Kolayi muoyi. Nuikale ne bukitu.

2 Petro 3:18

Kadi nuidikije mua kuya kumpala mu dinanga, ne mu dimanya dia Mfumu wetu ne Musungidi Yezu Kristu. Yeye mene udi ne butumbi mpindiewu ne tshiendelele! Amene.

Agayi 2:4

Meme Maweja-Nangila ndi nnuambila ne: Wewe Zerubabele, wewe Yeshuwa mutuangaji munene, muana wa Yoshadake, ne nuenu bena ditunga bonsu, koleshayi muoyi, tuadijayi mudimu. Meme Maweja-Nangila wa bukole buonsu, ndi nnulaya ne: nengikale nenu.

1 Timote 1:18

Timote wanyi, ndi nkupesha mudimu ewu, bilondeshile miaku ya bambi ivuabu bakule kale bualu buebe. Miaku eyi ikukoleshe mu maboku, bua uluangane mvita mimpe.

1 Timote 1:2

Timote, muananyi menemene mu ditaba, ndi nkufundila mukanda ewu, nkujingila ne: dinanga, luse, ne bupole, bia kudi Mvidi Mukulu Tatu ne Mfumu wetu Yezu Kristu, bishindame mu muoyi webe.

Yoshua 1:7

Wewe kolesha muoyi, kutshinyi to. Kumbaja bimpe mikenji yanyi yonsu ivua Moshe muntu wanyi mukuambile. Kulenguludi mukenji nansha umue. Nanku wewe muyikumbaje yonsu, neupete dikasa dimpe mu bionsu biudi wenza.

2 Timote 1:2

Timote, muananyi munanga, ndi nkutumina mukanda ewu, nkujingila ne: dinanga, luse, ne bupole, bia kudi Mvidi Mukulu Tatu ne Mfumu wetu Yezu Kristu bishindame munda muebe.

2 Timote 1:1

Meme Polu, mupostolu wa Yezu Kristu ku disua dia Mvidi Mukulu, mbampeshe mudimu wa kumanyisha bantu muoyi, udi Mvidi Mukulu mulaye badi badisanga ne Yezu Kristu.

2 Timote 2:10

Ke pandi ngumvua bionsu ne lutuulu, bua diakalenga dia bantu badi Mvidi Mukulu musungule. Ke mudibu bapeta bobu kabidi lupandu kudi Yezu Kristu, ne butumbi bua kashidi.

2 Timote 4:17

Kadi Mfumu uvua pabuipi nanyi. Uvua munkoleshe mu maboku, bua mmone mua kukobola Lumu lua Disanka amu mudilu, kulumvuija bantu bonsu ba bisamba bikuabu. Mvidi Mukulu mmumpandishe mukana mua nyama wa ntambue.