2 Timote 1:18 - MUKANDA WA MYIDI MUKULU

¹⁸ Mfumu anuambuluishe, bua dituku dia Tshilumbuluilu Mvidi Mukulu amufuile luse. Wewe kabidi udi mumanye bimpe bungi bua midimu ivuaye mungenzele mu Efeze.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ (Mukelenge amuhe mua kuheteye luse kudi Mukelenge dituku diadia); ne bua bungi bua bintu biakankuatshisheye nʼabi ku Efeso, wewe udi mumanye bimpe.

2 Timote 1:18 交叉引用

Ebrewu 6:10

Mvidi Mukulu kena wenza bibi. Kena mua kupua binudi benze muoyi. Udi amu uvuluka dinanga dinuvua bamuleje ku midimu inuvua benzele bantu ba tshijila ne inutshidi nubenzela.

2 Timote 1:12

Ke pandi ne bua kukenga nanku. Kadi tshiena nteketa mu maboku, bualu ndi mumanye undi mutekemene. Ndi mushindike ne: udi ne bukole bua kulama bimpe bivuaye mumpeshe, too ne ku dituku dia Tshilumbuluilu.

2 Timote 1:16

Mfumu asankishe bena diku dia Onesifore, bualu uvua munsambe misangu ya bungi. Kavua mumvue bundu bua pamvua mu lukanu.

1 Timote 1:3

Bu mumvua mukulombe, pamvua nya ku Masedoniya, shala mu Efeze. Bualu bantu badimu badi balongesha malu adi kaayi malelela. Ubakandike! Balekele kuenza nanku!

Didimanyisha 2:1

— Fundila mutumibue wa Tshisumbu tshia bena ditaba ba mu Efeze ne: “Udi mukuate mitotu muanda mutekete mu tshianza tshiende tshia balume, wenda munkatshi mua bitekelu muanda mutekete bia miendu bienza ne mpawungi, udi wamba ne:

1 Petro 1:10

Bambi bavua bakeba bakebulula bua kumanya mudi lupandu elu. Bavua bambila bantu mu dina dia Mvidi Mukulu ne: Maweja-Nangila neanupeteshelu.

2 Timote 4:12

Nkadi mutume Tishike mu Efeze.

1 Tesalonike 2:19

Bualu amu nuenu, nudi ditekemena ne disanka dietu, ki mbantu bakuabu to! Nuenu ke badi baleja bantu mutudi batshimune. Amu bualu buenu, ke mutuaditambishila pafika Mfumu wetu Yezu Kristu.

Efeze 2:4

Kadi Mvidi Mukulu udi ne luse lunene, kabidi udi utunanga bikole.

2 Korente 9:1

Tshiena ne bua kunutumina mukanda bua kunulomba, bua nuambuluishe pamue netu bantu ba Mvidi Mukulu badi mu Yudeya.

1 Korente 16:8

Kadi ndi muele meji a kushala munu mu Efeze too ne ku dituku dia Pentekostese.

Bienzedi 19:1

Patshivua Apolose mu Korente, Polu kupitshila mu matunga a munkatshi mua Aziya mukese, kufika mu Efeze. Kusanganayemu bamue bena ditaba.

Luke 8:3

Yowana, mukaji wa Kuza, mulongolodi wa malu mu nzubu wa mukalenga Erode, Suzane, ne bakaji bakuabu bavule bayua bangata biuma biabu, bua kuambuluisha nabi Yezu ne balongi bende.

Luke 1:78

Bualu Mvidi Mukulu wetu udi wa luse ne wa muoyi mulenga. Neatutumine butoke bua mulu, bufuanangane ne diba didi dipatuka.

Luke 1:72

Uvua mulaye bua kuenzela bankambua betu bimpe. Kavua mupue muoyi ndondu wa tshijila uvuaye mutue nabu.

1 Bakalenga 17:20

Pashishe, muambi Eliya kutendelela Maweja-Nangila, wamba ne: — Maweja-Nangila Mvidi Mukulu wanyi, mukaji mukamba ewu, uvua mungakidile ku nzubu kuende. Kadi, udi ufuisha muanende wa balume, bua kumukengesha nenku bua tshinyi?

Bienzedi 18:19

Kufikabu mu Efeze. Polu kubuela mu nzubu wa kutendelela, kuyukidilangana ne bena Yuda. Bena Yuda kulomba Polu, bua ashale nabu matuku makuabu. Kadi Polu kavua musue to. Uvua ulayangana nabu, wamba ne: — Nempingane kuenu kunu, pikala Mvidi Mukulu musue. Kushiyaye Priskila ne Akuila muaba awu. Kumukaye mu Efeze ne majuwa.

1 Korente 1:8

Yeye neanuambuluishe, bua nushale bashindame ne ku ndekelu, bua muntu kamonyi mua kunuasa tshilumbu nansha tshimue, dituku diafika Mfumu wetu Yezu Kristu.

1 Korente 3:13

Kadi mushinga wa mudimu wa muntu yonsu neumueneke dituku dia Tshilumbuluilu, bualu dituku adi kapia nekateme. Kapia aka nekatete mudimu wa muntu yonsu, bua kuleja mushinga wawu.

2 Timote 1:17

Diba diakafikaye mu Rome, uvua munkebe diakamue, too ne patuakumonangana.

2 Timote 4:8

Mpindiewu tshidi tshinshadile tshidi amu bua meme kupeta nsala wa lumu. Mfumu, udi ukosa nsambu pa yoyi, neangele ka lumbandi dituku dia Tshilumbuluilu. Kakungela amu meme nkayanyi. Kadi neele kabidi bantu bonsu badi bindila ne dinanga diba didiye mua kumueneka.