2 Samuele 6:21 - MUKANDA WA MYIDI MUKULU

²¹ Davide kuandamuna ne: — Mvua ngenza bionsu abi, anu bua kutumbisha Maweja-Nangila, uvua munsungule bua meme kuikala mukalenga wa bantu bende bena Izrayele. Maweja-Nangila uvua mubenge tatuebe Shawule ne bena nzubu wende bonsu. Nanku meme Davide, nensanke anu kusanka bua kutumbisha Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Davidi wakambila Mikala ne, Nakenza nunku ku mpala kua Yehowa wakansungula ku mpala kua tatu wanyi ne kua bonso ba mu nsubu wandi, wakanteka mukelenge ku mutu kua bantu ba Yehowa, Bena Isalele mene. Nunku ndi nnaya ku mpala kua Yehowa.

2 Samuele 6:21 交叉引用

Bienzedi 13:22

Mvidi Mukulu mumane kubenga Shawule, kutekaye Davide, bua ikale mukalenga wabu. Mvidi Mukulu kuamba ne: “Ndi musungule Davide, muana wa Ishayi, muntu wa pa muoyi wanyi. Neakumbaje bionsu bindi musue.”

2 Samuele 6:16

Musangu uvua mushete mufike mu Tshimenga tshia Davide, Mikale, muana wa Shawule, uvua mutangile pa dididishi. Kumonaye mukalenga Davide uja maja, unyunguluka kumpala kua mushete. Ke Mikale kudiula mukalenga Davide bikole.

1 Samuele 13:14

Kadi mpindiewu, kuakushala mu bukalenga matuku a bungi to. Maweja-Nangila mmumane kusungula muntu mukuabu udiye musue bua kuikala mukalenga wa bantu bende bena Izrayele. Bualu wewe kuena mutumikile meyi a Maweja-Nangila to.

1 Samuele 15:28

Ke Shawule kushala ne tshipesa ku bianza. Samuwele kuambila Shawule ne: — Ke mudi Maweja-Nangila upanda bukalenga bua bena Izrayele, ukunyengabu lelu, bua kubupesha muntu mukuabu wa nsongu mukupite wewe.

2 Samuele 6:14

Pashishe Davide kutuadija kuja maja ne bukole buende buonsu bua kutumbisha Maweja-Nangila. Uvua muvuale anu tshilamba tshia ndanda tshia batuangaji.

2 Samuele 6:5

Davide ne bena Izrayele bonsu bavua basanka kumpala kua Maweja-Nangila, bimba biombelu bia mishindu mishilangane, bienza ne mabaya a mitshi ya pin, bu bisanji, nzenze, ngoma, makasa, ne biamu bia kututakaja.

1 Samuele 16:1

Maweja-Nangila kuambila Samuwele ne: — Neushale anu ne tshiji musangu mule bua Shawule, pandi meme mumane kumubenga, bua kashadi mukalenga wa bena Izrayele anyi? Angata mafuta, uye nawu. Ndi nkutuma kua Ishayi ku Betleyeme. Bualu ndi musungule mukalenga undi musue, munkatshi mua bana bende ba balume.

1 Korente 10:31

Ke mundi ngamba ne: nansha nudia, nansha nunua, nansha nuenza bualu bukuabu, nuenze bionsu bua kutumbisha Mvidi Mukulu.

1 Kulondolola 15:29

Diba divuabu bafika ne mushete mu Tshimenga tshia Davide, Mikale, muana wa bakaji wa Shawule, uvua mutangile pa dididishi. Kumonaye Davide uja maja a disanka. Kupepejaye Davide bikole.

1 Samuele 16:12

Ke Ishayi kubikidisha muana awu. Nsongalume awu uvua ne mubidi mukunze, ne mpala muimpe mutambe, mesu abalakana. Ke Maweja-Nangila kuambila Samuwele ne: “Ke muana undi musungule ewu. Umujidile bua kuikalaye mukalenga.”

2 Samuele 6:22

Neudipuekeshe, ndifuisha bundu bikole, kadi nansha bakaji bena mudimu baudi wamba aba, nebannemeke, bampetesha lumu.

2 Samuele 7:8

“Wambile Davide kabidi ne: ‘Maweja-Nangila wa bena Izrayele udi wamba ne: Pauvua mulami wa mikoku, meme kukumusha ku mudimu awu, bua wewe kuikala mukalenga wa bantu banyi bena Izrayele.

2 Samuele 5:2

Kale patshivua Shawule mukalenga wetu, ukavua ulombola bena Izrayele mu mvita yabu. Maweja-Nangila uvua mumane kukuambila ne: “Wewe Davide newikale, mukalenga wa bantu banyi bena Izrayele, newikale mfumuabu.”