2 Samuele 22:17 - MUKANDA WA MYIDI MUKULU

¹⁷ Diba adi, mu diulu mudiye, kololaye tshianza, kunkuata. Kumpatalaye mu njiwu mumvua mudine ne kasuki.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Wakolola tshianza tshiandi mu diulu, wakangata, wakankoka mu mai manene a bungi.

2 Samuele 22:17 交叉引用

Yeshaya 43:2

Pawapitshila mu mayi, nengikale nebe. Pawasabuka misulu, kuena udiinamu to. Pawikala mupitshile mu kapia, kuena upiamu. Ndimi ya kapia kayena ikosha.

Misambu 144:7

Oluela tshianza tshiebe mu diulu, umpandishe, unsungidile ku njiwu, ku bianza bia bantu ba bisamba bikuabu,

Misambu 32:6

Ke mudi bantu bebe bonsu mua kukutendelela diba dia dikenga. Nansha babuele ne kasuki mu njiwu minene, badi amu bapanda.

Misambu 18:16

Muinshi mua mayi kumueneka, bitaku bia buloba kupatuka, pavua Maweja-Nangila ukanyina baluishi bende, ubaleja tshiji tshivuaye natshi.

Didimanyisha 17:15

Mutumibue kungambila kabidi ne: — Mayi auvua mumone muaba uvua mukaji muena buendenda musombe, ke bantu ba mu bisamba bionsu, ba mu matunga onsu, ne ba miakulu yonsu.

Misambu 130:1

Musambu wa kena ngendu. Maweja-Nangila, ndi mu dikenga dinene, ndi nkubila, ungambuluishe.

Ekesode 2:10

Muana mumane kukola, mamuende kumupingaja kudi muana wa mukalenga. Awu kumuangata bu muanende, kumuinyika dina ne: — Diende mMoshe, bualu ndi mumupatule mu mayi.

Muadi 3:54

Mayi kubanda, kumpita bule. Meme kudiambila ne: ndi pamue ne kufua.

2 Samuele 22:18

Kunsungidilaye mu bianza bia baluishi banyi bavua ne bukole, bia bena lukuna banyi, bavua bampite dikanda.