2 Samuele 19:10 - MUKANDA WA MYIDI MUKULU

¹⁰ Mu bisamba bionsu bia bena Izrayele, bantu kutuadija kukonkangana, bamba ne: “Mukalenga Davide ke uvua mutusungidile mu bianza bia baluishi betu, nangananga mu bianza bia bena Peleshete. Kadi uvua munyeme mu ditunga emu anu bua Absalome.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Abashaloma utuakela manyi bua kuikaleye ku mutu kuetu wakafua mu mata. Bualu kai kanuena ne di bua kuhingisha mukelenge?

2 Samuele 19:10 交叉引用

Osheya 8:4

Bena Izrayele badi badilekela bamfumu, meme tshiyi muanyishe. Badi badisunguila babalombodi, meme tshiyi mumanye. Badi bangata tshiamu tshitoke tshia mushinga mukole ne tshia mpawungi, bua kudienzela mpingu. Badi benza nanku, badi bajimija bintu biabu.

2 Samuele 18:14

Yowabe kuamba ne: — Tshiena mua kuelangana nebe mpata. Ndi njimija diba dianyi. Yowabe kuambula misongolu mitue isatu, kuya kuyasa Absalome mu tshiadi pa muoyi. Bualu katshia Absalome ukalama mu matamba a mutshi, kavua muanji kufua to, utshivua ne muoyi.

Balombodi 18:9

Kuandamunabu ne: — Jukayi, tuye kuluisha bena Layishe. Tudi bamone ne: buloba buabu budi buimpe butambe. Kanushadi basombe amu tshianana to. Jukayi lukasa, nuye kukuata buloba ebu!

2 Samuele 19:9

Ke mukalenga Davide kuya kusomba pabuipi ne tshiibi tshia ku tshimenga. Kumanyishabu bena mvita bonsu bualu abu. Kufikabu bonsu muaba uvua mukalenga Davide. Bena mvita ba Absalome bavua bamane kunyema. Muntu yonsu wa kudibu uvua muye ku nzubu kuende.

2 Samuele 19:11

Absalome ke utuvua badisunguile nkayetu bua kuikalaye mukalenga. Mpindiewu mmumane kufua mu mvita. Kadi bua kulomba mukalenga Davide, apingane mu Yerushalayime, tshitudi bindile ntshinyi?”

2 Samuele 19:40

Bantu bonsu kusabuka Yardene, uvua mukalenga Davide mumane kusabuka kumpala. Mukalenga Davide kupukila Barzilayi, kumuela lupemba. Pashishe, Barzilayi kupingana ku nzubu kuende.

2 Samuele 15:14

Nanku, mukalenga Davide kuambila balombodi ba mu bukalenga buende bonsu bavuaye nabu mu Yerushalayime ne: — Jukayi, tunyeme, bualu Absalome neakebe mua kutushipa. Kena mua kutulekela ne muoyi to. Tuyayi lubilu, bualu neafike lukasa bua kutuluisha. Neatukengeshe bikole, kabidi neabutule bena mu tshimenga bonsu.

2 Samuele 15:16

Nanku, mukalenga Davide, bena nzubu wende, ne balombodi ba mu bukalenga buende, kumuka ku nzubu wa bukalenga ku makasa. Mukalenga Davide uvua mushiye anu bakaji bende bakuabu dikumi bua kulamabu nzubu wa bukalenga.