2 Samuele 15:31 - MUKANDA WA MYIDI MUKULU

³¹ Kuambilabu Davide ne: Akitofele udi munkatshi mua bantu badi ku luseke lua Absalome, bakeba mua kuangata bukalenga. Ke Davide kuamba ne: “Maweja-Nangila ndi nkusengelela ne: ngenyi yonsu idi Akitofele ufila, ikale ya budingidingi, kayiyi mimpe to”

Mukanda wa Nzambi Dihungila Dikulukulu ne Dihungila Dihia-dihia 2003

³¹ Bakambila Davidi ne, Ahitofele udi munkatshi mua bena tshifufu ba Abashaloma. Davidi wakamba ne, Yehowa, ndi nkusengelela ne, Kudimuna lungenyi lua Ahitofele lulue luhote.

2 Samuele 15:31 交叉引用

2 Samuele 17:23

Akitofele umona ne: kabena bitabe lungenyi luende, kusuikaye biseba bia kusomba pa nyama wende wa mpunde, kupinganaye mu tshimenga tshia Ngilo, nuwuaye musombela. Kulayaye bena nzubu wende, pashishe kudiowaye. Kumujikabu mu lukita lua tatuende.

2 Samuele 17:14

Absalome ne bena Izrayele kuamba ne: — Lungenyi lua Ushayi nduimpe lupite lua Akitofele! Maweja-Nangila ke uvua muenze bua babenge lungenyi lua Akitofele luvua luimpe. Bualu Maweja-Nangila uvua musue kukengesha Absalome.

Yakobe 3:15

Bualu meji a nanku kaena afuma mu diulu. Adi a panu, aleja bubi bua bantu, afuma kudi diabolu.

Misambu 41:9

“Wawa ukadi mikolu ku tshiina! Bua kumukaye pa bulalu, amu yeye mufue!”

2 Samuele 16:23

Tshikondu atshi, mubelu onsu uvua Akitofele ubela muntu, bavua bauteleja amu bu diyi dia Mvidi Mukulu mene. Nansha Davide nansha Absalome bavua bateleja ngenyi ayi, bayikumbaja.

1 Korente 1:20

Nanku tshidi muena meji, nansha muntu udi mulonge mikanda, nansha muedianganyi wa mpata wa panuapa, mua kuamba kabidi ntshinyi? Mvidi Mukulu mmumane kuleja ne: meji a bena panu mbupale!”

Misambu 3:1

Musambu wa mu mukanda wa misambu ya Davide, uvuaye musake pawaye unyema muanende Absalome.

Yobe 5:12

Udi upumbisha bena budimu meji adibu bela. Midimu idibu bakuata kayena ilubuluka.

2 Samuele 15:12

Pavua Absalome ulambula milambu, kubikidishaye Akitofele, mufidi wa ngenyi wa mukalenga Davide, uvua musombela mu tshimenga tshia Ngilo. Nanku, bantu bavua ku luseke lua Absalome bavua benda basangana. Buntomboji buabu buvua buenda bukole.

Yowanane 13:18

Tshiena ngamba buenu bonsu to. Ndi mumanye bandi musungule. Kadi mbimpe ikumbane miaku ivuabu bafunde mu Mukanda wa tshijila ne: “Muntu utuvua tudia nende diampa, ukadi unduisha.”

Yeshaya 19:3

Bena Ejipitu nebapange tshia kuenza. Nennyangakaje bidibu balongolole. Nenku nebakonke mvidie yabu ya dishima, nebaye kudi babukishi ba mbuku, ne kudi bena lubuku lua muzangu.”

Misambu 109:3

Meyi abu a lukinu adi antatshisha nseke yonsu, badi banduisha kapayi bualu.

Misambu 55:12

Munda muatshi mudi amu dibutulangana. Dishima ne ditatshishangana bidi miaba yonsu.

Yeshaya 44:25

Kadi mpindiewu malu onsu, adi bena mbuku bamba, ndi ngakudimuna a patupu. Bonsu badi bamanyisha malu atshidi kumpala, ndi mbapangisha malu abu. Ndi mbenga meji a bena meji, ndi ndeja mudi meji abu a bantu batshimbakane.

2 Samuele 17:5

Kadi Absalome kutuma diyi ne: — Babikile kabidi Ushayi, muena Arki, bua tumvue tshidiye wamba.

2 Samuele 17:7

Ushayi kuandamuna Absalome ne: — Musangu ewu, lungenyi ludi Akitofele mufila kaluena luimpe to.

Misambu 55:10

Maweja-Nangila, nyangakaja meji a baluishi banyi, bapangakane, bapanduluke. Bualu mu tshimenga ndi mmona amu tshimvundu ne mutoyi,