2 Korente 8:8 - MUKANDA WA MYIDI MUKULU

⁸ Tshiena nnuelela mukenji. Kadi ndi nnusonsola, nnuleja muvua bakuabu bakuata mudimu ne disuminyina, bua nuleje kabidi patoke munudi nunanga bantu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Ndi ngamba, kembu mukenshi, kadi bua kujadika bushua bua dinanga dienu ku disuminyina dia bakuabo.

2 Korente 8:8 交叉引用

1 Korente 7:6

Ndi nnuambila ebi bua kunuambuluisha, ki mbua kunuelela mukenji to.

Ebrewu 10:24

Tuambuluishanganayi bua tumone mua kukoleshangana ku muoyi, tunangangane, tuenze malu mimpe.

2 Korente 9:7

Muntu yonsu afile mudiye muele meji, kayi ne muoyi mujoboke, kabayi bamuenzeje malu ku bukole. Bualu Mvidi Mukulu udi unanga udi upa ne disanka.

2 Korente 6:6

Tudi tuleja mutudi tukuatshila Mvidi Mukulu mudimu, bualu munda muetu kamuena meji mabi. Tudi tukuatshila Mvidi Mukulu mudimu ku meji mimpe atudi nawu munda, ku dimanya dituvua bapete, ku lutuulu, ku muoyi wa kalolu, ku mapa atuvua bapete kudi Mueyelu wa Tshijila, ku dinanga dilelela ditudi tuleja bantu,

1 Petro 1:22

Panuvua bitabe bulelela, nuvua badilengeje, bua numone mua kunanga ne muoyi umue bena ditaba nenu. Nanku nunangangane bikole, kabidi ne muoyi wenu mujima.

Efeze 6:24

Dinanga dia Mvidi Mukulu dikale munda mua bonsu badi bananga Mfumu wetu Yezu Kristu, dibafikisha ku muoyi wa kashidi.

Efeze 4:15

Kadi patudi bimane ne makasa abidi mu malu malelela, tunangangane kabidi, netutante bonsu, tuye kudi Kristu, mutu wetu.

2 Korente 9:2

Bualu ndi mumanye munudi basue kuambuluisha. Ke mumvua muditambishe bualu buenu, ngambila bena Masedoniya ne: “Bana hetu ba mu Akaya bakadi babange kusangisha bintu kukadi tshidimu tshijima.” Nanku disuminyina dienu divua disonsola ba bungi ba kudibu.

2 Korente 8:24

Nubaleje munudi babanange bulelela, bua mu Bisumbu bionsu bia bena ditaba bantu bajadike ne: tuvua tuditemba bualu buenu amu pa bualu.

2 Korente 8:10

Nanku ndi mfila meji mu bualu ebu: bidi bimpe bua nutungunuke ne binuvua bashile mu njila tshidimu tshishale. Nuvua ba kumpala bua kubanga mudimu awu, ba kumpala kabidi bua kuwelela meji.

1 Korente 7:25

Ndi ngandamuna ku nkonku yenu ya pa bantu badi kabayi mu dibaka. Bindi ngamba ebi ki mbia kudi Mfumu to. Ndi mfila meji mundi mumone. Bu mudi Mfumu mumfuile luse, nudi amu mua kuitaba bindi ngamba.

1 Korente 7:12

Bindi ngamba mpindiewu kabiena bifuma kudi Mfumu to. Meme nkayanyi ndi mbiamba ne: pikala mulume muena ditaba ne mukaji udi kayi muena ditaba, mukajende awu muanyishe bua kushala nende mu dibaka, kena ne bua kumuipata nansha.

Rome 12:9

Udi ne dinanga, kikadi ne mpala ibidi. Abenge malu mabi, ananukile ne dienza dia malu mimpe.

Yezekiyele 33:31

Nanku bantu ba mu tshisamba tshianyi badi basangila bua kukuteleja. Badi bakuteleja, kadi kabena benza biudi ubambila to. Badi benza anu bidibu basue, balonda majinga abu.

Yoshua 24:14

Yoshuwa kuamba kabidi ne: — Mpindiewu nuenu bena Izrayele, numanye bumfumu bua Maweja-Nangila. Numuenzele mudimu ne muoyi mujima, numutumikile. Numushe mvidie ivua bankambua benu batendelela, patshivuabu dishiya dia musulu wa Perate, nansha patshi wabu mu Ejipitu. Nanku, enzelayi Maweja-Nangila mudimu.