2 Korente 8:6 - MUKANDA WA MYIDI MUKULU

⁶ Ke patuvua basengelele Tite, bua apingane kuenu aku, atungunuke ne mudimu uvuaye mushile mu njila, bua nujikije mudimu ewu ne muoyi wa kalolu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Ne bua bualu ebu tuakasengelela Tito, bua yeye, bu muakabangeye mudimu eu diambedi, nunku akebe biandi kukumbasha ngasa eu munda muenu kabidi.

2 Korente 8:6 交叉引用

2 Korente 12:18

Bushiwa, mvua musengelele Tite, bua aye kumonangana nenu. Mvua mutume nende muena ditaba unudi bamanye. Nudi mua kujadika ne: Tite mmununyenge bintu anyi? Yeye ne meme, ka-tuvua bakuate mudimu mushindu wa momumue anyi? Katuvua bipatshile bualu amu bumue anyi?

2 Korente 8:19

Bena ditaba kabidi bayua bamusungule bua kutufilaye ku luendu, bua atuambuluishe mu mudimu ewu wa kalolu utudi tukuata, bua kutumbisha Mfumu, kabidi bua kuleja mutudi basue kuambuluisha bakuabu.

2 Korente 8:4

Bayua batusengelela amu kutusengelela bikole bua tuitabe bua basangishe bintu bia kuambuluisha nabi bena ditaba ba mu Yudeya,

1 Petro 4:10

Nuambuluishangane ne mapa adi yonsu wa kunudi mupete kudi Mvidi Mukulu. Ke munudi mua kuenza mudimu bimpe ne mapa mashilangane anudi bapete kudi Mvidi Mukulu nanku.

Filipe 4:18

Ndi nnujadikila ne: nkadi mupete bionsu binuvua bantumine. Bidi bikumbane bipite. Bu mudi Epafrodite muntuadile mpindiewu bimuma basue kumpesha, bionsu bindi nkengela, ndi nabi. Bintu bienu bidi bu mulambu wa dipembu dimpe, udi Mvidi Mukulu wanyisha, umusankisha.

2 Korente 9:5

Ke pamvua muele meji ne: ndi ne bua kusengelela bana hetu aba, bua badianjile kuenu aku kumpala kuanyi. Basangishe muaba umue binuvua balaye ne muoyi wa kalolu. Nanku pangafika, nembisangane. Ke munudi mua kuleja bantu munudi nubifila ne muoyi wenu mujima, kabayi banuenzeja malu ku bukole.

Bienzedi 24:17

Ndi mumbuke mu Yerushalayime bidimu bivule. Ndi mupinganemu amu mpindiewu, bua kupesha bena tshisamba tshietu makuta a diambuluisha, kabidi bua meme kulambula Mvidi Mukulu milambu.

Rome 15:25

Kadi mpindiewu ndi nganji kuya ku Yerushalayime, bua kuambuluisha Tshisumbu tshia bena ditaba badi kuaka.

2 Korente 2:13

Kadi mvua mupampakane bikole, bualu tshivua musangane muanetu Tite. Ke mumvua mulayangane ne bena mu Trowase, bua kuya ku Masedoniya.

2 Korente 8:10

Nanku ndi mfila meji mu bualu ebu: bidi bimpe bua nutungunuke ne binuvua bashile mu njila tshidimu tshishale. Nuvua ba kumpala bua kubanga mudimu awu, ba kumpala kabidi bua kuwelela meji.

2 Korente 8:23

Tite ke utudi tuendakana nende, tukuata kabidi nende mudimu bua kunuambuluisha. Bana hetu bakuabu badi bamufila ku luendu badi bamienampala ba Bisumbu bia bena ditaba. Badi bakuata mudimu amu bua lumu lua Kristu.