2 Korente 7:7 - MUKANDA WA MYIDI MUKULU

⁷ Katuvua amu bakole muoyi bua difika diende nkayadi, kadi nangananga bua bivuaye mutuambile bua mushindu unuvua bamukoleshe kabidi ku muoyi. Uvua mutulondele munudi nujinga bikole kumonangana nanyi, munudi nubungama bua bivua bienzeka, munudi basue kutua ku tshianyi. Ke padi disanka dianyi dipita kuvulangana lelu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ tuakasambibua kembua kulua kuandi nkayaku, kadi bua busambi buakasambibueye nʼabu bua bualu buenu hakatuambileye bualu bua dijinga dienu ne kudila kuenu ne lukunukunu luenu bia bualu buanyi; nunku nakatamba kusanka.

2 Korente 7:7 交叉引用

Yuda 1:3

Betu basuibue, nkavua njinga bikole kunufundila malu a pa lupandu lutudi batekemene bonsu. Kadi ndi mumone ne: ndi ne bua kunutumina kabidi mukanda ewu, bua kunukolesha ku muoyi, bua nuluile ditaba didi Mvidi Mukulu mupeshe bantu bende bua kashidi.

2 Korente 5:2

Patutshidi panu, tudi tutua mikemu mpindiewu, tujinga bua batubuikile ne nzubu wetu wa mu diulu.

2 Yone 1:4

Mvua ne disanka dipite, pamvua musangane bamue ba munkatshi mua bana bebe benda mu njila wa bulelela, muvua Tatu mututumine diyi.

Yakobe 5:17

Eliya uvua muntu bu tuetu. Kutendelelaye ne munanunanu bua mvula kaloki. Mvula nansha kuloka bidimu bisatu ne tshitupa.

Ebrewu 2:1

Ke patudi ne bua kuangata ne mushinga malu malelela atudi bumvue, bua katujiminyi.

1 Tesalonike 3:8

Bualu mpindiewu tudi bafululuke, bualu nudi badisange ne Mfumu ne muoyi umue.

1 Tesalonike 3:6

Kadi mpindiewu Timote mmupingane kunu, utumina kuenu aku. Uvua mutumanyishe munudi nuenda mu njila wa ditaba, ne wa dinanga. Uvua mutuambile munudi batunange, batuvuluke. Nudi nujinga kutumona tshiakabidi, amu mutudi tujinga kumonangana nenu.

Kolose 2:5

Nansha meme tshiyi nenu pabuipi, kadi mu lungenyi ndi nenu. Ndi nsanka bua kumona munudi benze tshintu tshimue, bitabe Kristu ne muoyi mushindame.

Filipe 1:20

Bualu ndi ngindila, ntekemena bikole ne: Mvidi Mukulu kakumfuisha bundu nansha. Matuku onsu, kadi nangananga lelu, nengikale amu ne muoyi mushindame. Nansha meme ne muoyi, nansha nkeba kufua, nentumbishe Kristu muanyi muonsu.

2 Korente 8:16

Tudi tuela Mvidi Mukulu tuasakidila, bualu uvua mupeshe Tite disuminyina bualu buenu ditudi tuetu kabidi nadi!

2 Korente 2:9

Bualu pamvua munufundile mukanda wanyi, mvua musue kunuteta kabidi, bua mmone ne: nutshidi amu basue kuitaba bindi nnufundila anyi?

2 Korente 1:14

Ndi ntekemena ne: dinku dikuabu nenubijingulule bionsu, bua dinku dia Mfumu Yezu numone mua kuditemba bualu buen, mundi tuetu nditemba bualu buenu.

Rome 1:12

Ndi ngamba ne: ndi njinga kuikala munkatshi muenu, bua tukoleshangane ku muoyi mu ditaba, meme nkolesha ditaba dienu, nuenu nukolesha dianyi.

Bienzedi 11:23

Ufika, kumonaye muvua Mvidi Mukulu mukumbaje mudimu ne dinanga munkatshi mua bena ditaba. Nanku kusankaye, ubabela bonsu bua bananukile ne muoyi mukole, bitabe Mfumu.

Luke 22:44

Bowa bukole buvua bukuata Yezu. Ke kutendelelaye bikole bipite. Tshisululu tshiende tshifua tshiandamuka mashi, amata panshi.]

Matayi 26:75

Petro kuvuluka tshivua Yezu mumuambile ne: “Tshitala katshiyi tshianji kusama, newikale mumane kunwila misangu isatu ne: tshiena mumanye muntu awu to.” Ke Petro kupatuka, wenda udila bikole.

Matayi 5:4

Bantu badi banyingalala, ke bena diakalenga, bualu Mvidi Mukulu neabasambe!

Misambu 141:5

Ndi nganyisha muntu wa malu mimpe antute, muntu muakane andengeje; tshiena mua kubenga, ndi munange. Kadi padi bantu babi benza malu mabi, tshiena ndekela bua kukutendelela.

Misambu 51:1

Musambu wa mu mukanda wa mulombodi wa bena misambu ne wa mu mukanda wa misambu ya Davide.

Misambu 38:18

Ndi ngamba kufua tshipuka. Dikenga kadiena dinshila muaba.

Misambu 30:5

Nuenu bantu ba Maweja-Nangila, mutumbishayi ne misambu, numusamune, mwuluke mudiye wa tshijila.

1 Korente 5:2

Kadi munudi nuditemba kabidi mmunyi? Nuvua ne bua kubungama, kumusha muntu awu munkatshi muenu.

2 Korente 1:4

Nansha tuetu bapete makenga a mishindu kaayi, udi utusamba amu kutusamba. Ke mutudi mua kusamba kabidi badi mu makenga mashilangane, ne disambangana didi Mvidi Mukulu mene utusamba nadi.

2 Korente 7:6

Kadi Mvidi Mukulu udi usamba badi batekete mu maboku, kutukolesha ku muoyi diba divua Tite mufike.

2 Korente 7:8

Bualu mukanda wanyi umvua munutumine, uvua munubungamije. Kadi lelu tshiena nnyingalala bua bimvua munufundile nansha. Pamvua mumvue muvua mukanda wanyi munubungamije, mvua muanji kunyingalala.